କନକ ବ୍ୟୁରୋ: କାହାର ହେବ ଲାଞ୍ଜିଗଡ଼? ପୁଣି ବଦଳିବ କି ବାଜି? ଲାଞ୍ଜିଗଡ ଆସନରେ ଦେଖିବାକୁ ମିଳିବ କି ବିଗ୍ ଫାଇଟ୍? ନିର୍ବାଚନ ମଣ୍ଡଳୀ ପୁନର୍ଗଠନ ପରେ ଥରେ ବିଜୟ ମୁକୁଟ ପିନ୍ଧିଛି କଂଗ୍ରେସ ଓ ଦୁଇ ଦୁଇଥର ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ହେଲେ ଏଥର ତିନି ଦଳର ପ୍ରାର୍ଥୀ ଘୋଷଣାପରେ ବେଶ ସରଗରମ ହୋଇପଡିଛି ରାଜନୀତି, ମଇଦାନରେ ଜୋରଦାର ପ୍ରଚାର ପ୍ରଚାର ଆରମ୍ଭ ହୋଇଯାଇଛି । ଭୋଟ୍ ହାତେଇବାକୁ ଭୋଟରଙ୍କ ପାଖକୁ ସିଧାସଳଖ ଯାଇ ଭୋଟ୍ ଭିକ୍ଷା କରୁଛନ୍ତି ଆଶାୟୀ ପ୍ରାର୍ଥୀ । ସେପଟେ ପୁଣି ଥରେ ଚର୍ଚ୍ଚାକୁ ଆସିଛି କଂଗ୍ରେସ । ସେପଟେ ବିଭିନ୍ନ ମୁଦ୍ଦା ନେଇ ମଇଦାନରେ ତିନି ଦଳର କସରତ ଆରମ୍ଭ ହୋଇଯାଇଛି । ବିଜେଡି ହେଉ କି ବିଜେପି ସବୁ ରାଜନୈତିକ ଦଳର ପ୍ରାର୍ଥୀ ନିଜ ନିଜ ପ୍ରଚାରକୁ ଜୋରଦାର କରିଛନ୍ତି ।
ଆଦିବାସୀ ବହୁଳ ଲାଞ୍ଜିଗଡ ହେଉଛି ଦୁର୍ଗମ ଅଞ୍ଚଳ । ଯେଉଁଠି ପୁରୁଷ ଭୋଟର ରହିଛନ୍ତି ୧ ଲକ୍ଷ ୪ ହଜାର ୭୭୦ ଜଣ । ମହିଳା ଭୋଟର ରହିଛନ୍ତି ୧ଲକ୍ଷ ୭ହଜାର ୮୯୬ ଜଣ । ତେବେ ଲାଞ୍ଜିଗଡ ଆସନ ହାତେଇବାକୁ ତିନିଦଳର ମଧ୍ୟ ଜୋରଦାର ରଣନୀତି ଆରମ୍ଭ ହୋଇଗଲାଣି । ତେବେ କିଏ ବାଜି ମାରିବ ଏନେଇ ପ୍ରସ୍ତୂୁତି ଜୋରଦାର ଚାଲିଥିବା ବେଳେ ଆରମ୍ଭ ହୋଇଛି ତ୍ରିମୁଖୀ ଲଢେଇା ସେପଟେ ଭୋଟର ମଧ୍ୟ ବେଶ ସଜାଗ ରହିଛନ୍ତି । ଚଳିତଥର ଭୋଟର ମାନେ ନିଜ ପସନ୍ଦର ନେତାଙ୍କୁ ବାଛିବେ । ଲାଞ୍ଜିଗଡରେ ତିନି ଦଳର ଲଢେଇ ଆରମ୍ଭ ହୋଇଥିବା ବେଳେ ବାଜି କିଏ ମାରି ମାରିବ ତା ଉପରେ ରହିଛି ସମସ୍ତଙ୍କ ନଜର ।