କନକ ବ୍ୟୁରୋ: କାକଟପୁର ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ । ଯୁବ ନେତା ବିଶ୍ୱଭୂଷଣ ଦାସଙ୍କୁ ଦଳ କାକଟପୁର ଆସନ ପାଇଁ ପ୍ରାର୍ଥୀ ଘୋଷଣା କରିଛି । ତେବେ ଏଥର କାକଟପୁରରେ ଲଢେଇ ରୋଚକ ହେବାକୁ ଯାଉଛି । ଯେଉଁଠି ବିଜେଡି ଏବଂ ବିଜେପି ନେତାଙ୍କୁ ଟକ୍କର ଦେବେ କଂଗ୍ରେସର ବିଶ୍ୱଭୂଷଣ । ତେବେ ବିଶ୍ୱଭୂଷଣ ଦାସ ୨୦୧୯ରେ ମଧ୍ୟ ଏହି ଆସନରୁ ପ୍ରାର୍ଥୀ ହେଇଥିଲେ । ଆଉ ଗତଥରର ନିର୍ବାଚନରେ ସେ ୩୦ ହଜାରରୁ ଅଧିକ ଭୋଟ୍ ପାଇଥିଲେ । ହେଲେ ୨୦୧୯ରେ ଏହି ଆସନରୁ ବିଜୟୀ ହେଇଥିଲେ ତୁଷାରକାନ୍ତୀ ବେହେରା । ଚଳିତ ଥର ୨୦୨୪ରେ ବିଜେଡି ପୁଣିଥରେ ତୁଷାରକାନ୍ତିଙ୍କୁ ପ୍ରାର୍ଥୀ କରିଥିବାବେଳେ, ବିଜେପି ଏଠାରେ କିନ୍ତୁ ପ୍ରାର୍ଥୀ ପରିବର୍ତ୍ତନ କରିଛି । ରବି ମଲ୍ଲିକଙ୍କ ବଦଳରେ ଏଥର କାକଟପୁରରୁ ପ୍ରାର୍ଥୀ ହେଇଛନ୍ତି ବାଇଧର ମଲ୍ଲିକ । ତେଣୁ ଏଠାରେ ବିଜେଡି-ବିଜେପି ଏବଂ କଂଗ୍ରେସ ଭିତରେ କଡା ଟକ୍କର ଦେଖିବାକୁ ମିଳିପାରେ ।
Kanak News is now on WhatsApp
Join and get latest news updates delivered to you via WhatsApp
କାକଟପୁର ଆସନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ
ବିଶ୍ୱଭୂଷଣ ଦାସଙ୍କୁ ଯୋଦ୍ଧା ଘୋଷଣା କଲା ହାତ ଦଳ #Congress #Kakatpur #KanakNews pic.twitter.com/nRPu0VgKPR— Kanak News (@kanak_news) April 30, 2024