କନକ ବ୍ୟୁରୋ: ଦୁବାଇ ରାଜରାସ୍ତାରେ ପାଣି । ଏଭଳି କଥା ସମସ୍ତଙ୍କୁ ଚକିତ କରିଛି । କାର ବୁଡିବା ସହ ବ୍ୟାପକ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଗୋଟିଏ ଦିନରେ ହାରାହାରି ୧୨୦ ମିଲିମିଟର ବର୍ଷା ହୋଇଛି । ଗୁରୁତ୍ୱପୂର୍ଣ୍ଣ କଥା ହେଲା, ଏଠାରେ ଗୋଟିଏ ବର୍ଷରେ ହାରାହାରି ୧୨୦ ମିଲିମିଟର ବର୍ଷା ହିଁ ହୋଇଥାଏ । କିନ୍ତୁ ଏବେ ଏହା ଗୋଟିଏ ଦିନରେ ଦେଖିବାକୁ ମିଳିଛି । ଘୁର୍ଣିବଳୟ ପ୍ରଭାବ ଦୁବାଇ ଠାରେ ବିସ୍ତାର ହୋଇ ଏଭଳି ପରିସ୍ଥିତି ସୃଷ୍ଟି ହୋଇଥିବା ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ସାଧାରଣରେ ଯଦି ଆମେ ଦେଖିବା ୟୁନାଇଟେଡ୍ ଆରବ ଏମିରେଟ୍ସ ବା ୟୁଏଇର ଏହି ସହର କଥା ଆସିଲେ ମରୁଭୂମିର କଥା ଆସିଯାଏ । କିନ୍ତୁ ଏଠାରେ ଏବେ ବିଭିନ୍ନ ଜାଗାରେ ପାଣି ଜମି ରହିବା ଦେଖିବାକୁ ମିଳିଛି । ଫଳରେ ବନ୍ୟା ପରିସ୍ଥିତି ଦେଖାଦେଇଛି । ସୋସିଆଲ ମିଡିଆରେ ଏହାର ଭିଡିଓ ଏବେ ଦେଖିବାକୁ ମିଳିଛି । ବିମାନବନ୍ଦର ସହ ପାର୍କିଂ ସ୍ଥଳରେ ବନ୍ୟାଜଳ ପାଣି ଓ କାର ଗୁଡିକ ଅଧା ପାଣିରେ ବୁଡି ରହିଥିଲା । ଦୁବାଇର ମଲ ଓ ପ୍ରମୁଖ ସହର ଗୁଡିକ ପାଣିରେ ବୁଡି ରହିିଛି ।
ଦୁବାଇ ମେଟ୍ରୋ ଷ୍ଟେସନରେ ଆଣ୍ଠୁଏ ଗଭୀର ପାଣି ଦେଖିବାକୁ ମିଳିଥିଲା । ୟୁଏଇରେ ସ୍କୁଲ ଗୁଡ଼ିକ ବନ୍ଦ ରହିଛି । ସରକାରୀ କର୍ମଚାରୀମାରେ ପ୍ରାୟତଃ ଏବେ ଘରୁ କାମ କରୁଛନ୍ତି । ତେବେ ରାସ୍ତାରେ ବନ୍ୟା ଜଳ ନିଷ୍କାସନ ପାଇଁ ଜୋରଦାର ପ୍ରୟାସ ଜାରି ରହିଛି । ପମ୍ପ ଓ ଟ୍ୟାଙ୍କର ଟ୍ରକ୍ ଯୋଗୁଁ ଜଳ ନିଷ୍କାସନ ପାଇଁ ଚେଷ୍ଟା କରାଯାଉଛି । ପଡ଼ୋଶୀ ଦେଶ ଓମାନରେ ମଧ୍ୟ ପ୍ରବଳ ବର୍ଷା ଯୋଗୁଁ ଗତ କିଛି ଦିନରେ ୧୮ ଜଣଙ୍କର ମୃତ୍ୟୁ ହୋଇଥିବାର ଖବର ମିଳିଛି ।