କନକ ବ୍ୟୁରୋ : ବର୍ଷବର୍ଷ ଧରି ନିଜ ଜନ୍ମମାଟିରୁ ଦୂରେଇ ରହି ବିସ୍ଥାପନ ଜୀବନ କାଟୁଥିବା କାଶ୍ମୀର ପଣ୍ଡିତମାନଙ୍କ ମତଦାନ ପାଇଁ ଦିଲ୍ଲୀରେ ୪ଟି ସ୍ୱତନ୍ତ୍ର ପୋଲିଂ ଷ୍ଟେସନ କରାଯିବ । ଏହା ମାଧ୍ୟମରେ ସେ ନିଜ ଅଞ୍ଚଳର ଲୋକସଭା ପ୍ରାର୍ଥୀଙ୍କ ପାଇଁ ଭୋଟଦାନ କରିପାରିବେ । ଏନେଇ ନିର୍ବାଚନ ଆୟୋଗ ଏକ ଅଧିସୂଚନା ଜାରି କରିଛନ୍ତି । ଦିଲ୍ଲୀରେ କାଶ୍ମୀର ପଣ୍ଡିତଙ୍କ ସଂଖ୍ୟା ପାଖାପାଖି ୬୦ ହଜାର । ମୁଖ୍ୟ ନିର୍ବାଚନ ଆୟୋଗଙ୍କ କାର୍ଯ୍ୟାଳୟ ତରଫରୁ ବିସ୍ଥାପିତ କାଶ୍ମୀର ପଣ୍ଡିତଙ୍କ ମତଦାନ କରାଇବା ନେଇ ଜିଲ୍ଲା ନିର୍ବାଚନ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ସହିତ ଜଡିତ ଅଧିକାରୀଙ୍କ ସୂଚନା ମୁତାବକ ବିସ୍ଥାପିତ କାଶ୍ମୀର ପଣ୍ଡିତଙ୍କ ମତଦାନ ପାଇଁ ଜମ୍ମୁରେ ୨୧ଟି, ଉଦ୍ଦମପୁରରେ ଗୋଟିଏ ଓ ଦିଲ୍ଲୀରେ ୪ଟି ସ୍ୱତନ୍ତ୍ରମତଦାନ କେନ୍ଦ୍ର ଖୋଲାଯାଇଛି । ଅଧିକାରୀ କହିଛନ୍ତି କି, ମତଦାତାମାନେ ଦୁଇପ୍ରକାର ମତଦାନ କରିପାରିବେ । ପ୍ରଥମଟି ଏମ୍ ଫର୍ମ ଭରି ବିଶେଷ ମତଦାନ କେନ୍ଦ୍ରରେ ଓ ଦ୍ୱିତୀୟଟି ଡାକ ମତପତ୍ର ମାଧ୍ୟମରେ ମତଦାନ କରିପାରିବେ । ଯେଉଁଥି ପାଇଁ ମତଦାତାଙ୍କୁ ଫର୍ମ ୧୨-ସି ଭରିବାକୁ ପଡିବ ।