୭୫ ଟଙ୍କିଆ ମୁଦ୍ରା ଜାରି କରିବେ ପ୍ରଧାନମନ୍ତ୍ରୀ ମୋଦି! ଜାଣନ୍ତୁ କାହା ସ୍ମୃତିରେ ଜାରି କରାଯିବ ଏହି ମୁଦ୍ରା ଓ କଣ ରହିଛି ଏଥିରେ ଖାସ୍
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଣ୍ଡାମାନ ଓ ନିକୋବର ଗସ୍ତ ସମୟରେ ପୋର୍ଟ ବ୍ଲେୟାରରେ ୧୫୦ ଫୁଟର ଜାତୀୟ ପତାକା ଉତ୍ତୋଳନ କରିବେ । ଏହାଛଡା ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସ୍ମୃତିରେ ଏକ ସ୍ମାରକୀ ମୁଦ୍ରା ଜାରି କରିବେ । ୭୫ ଟଙ୍କାର ଏହି ସ୍ମାରକୀ ମୁଦ୍ରା ଅନ୍ୟ ମୁଦ୍ରା ଠାରୁ ସମ୍ପୂର୍ଣ୍ଣ ଭିନ୍ନ ରହିବ । ଆଜକୁ ୭୫ ବର୍ଷ ପୂର୍ବେ ୧୯୪୩ରେ ପୋର୍ଟ ବ୍ଲେୟାରରେ ନେତାଜୀ ସୁଭାଷ ଚନ୍ଦ୍ର ବୋଷ ସର୍ବପ୍ରଥମ ଜାତୀୟ ପତାକା ଉଡାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ନେତାଜୀଙ୍କ ଦ୍ୱାରା ଜାତୀୟ ପତାକା ଉତ୍ତୋଳନର ୭୫ ବର୍ଷ ପୂର୍ତ୍ତି ଉପଲକ୍ଷେ ଏହି ସ୍ମାରକୀ ମୁଦ୍ରା ଜାରି କରାଯାଉଥିବା ଚର୍ଚ୍ଚା ହେଉଛି । ଏହି ମୁଦ୍ରା ସାଧାରଣରେ ବ୍ୟବହାର କରାଯାଇ ପାରିବ ନାହିଁ । ଏହା କେବଳ ସ୍ମାରକ ଭାବେ ରହିବ । ସାଧାରଣ ଲୋକ ଏହାକୁ ଆରବିଆଇରୁ ପାଇପାରିବେ । ଏହି ୭୫ ଟଙ୍କିଆ ମୁଦ୍ରାର ଦାମ ପାଖାପାଖି ୩୦୦୦ ଟଙ୍କା ରହିବ ।
ଗତମାସ ଅର୍ଥ ମନ୍ତ୍ରାଳୟ ପକ୍ଷରୁ ନୋଟିଫିକେସନ ଜାରି କରାଯାଇ ୭୫ ଟଙ୍କିଆ ମୁଦ୍ରା ପ୍ରଚଳନ ନେଇ ସୂଚନା ଦିଆଯାଇଥିଲା । ପୋର୍ଟ ବ୍ଲେୟାରରେ ସୁଭାଷ ଚନ୍ଦ୍ର ବୋଷଙ୍କ ଦ୍ୱାରା ଜାତୀୟ ପତାକା ଉତ୍ତୋଳନର ୭୫ ବର୍ଷ ପୂର୍ତ୍ତି ଉପଲକ୍ଷେ ଏକ ସ୍ମାରକୀ ମୁଦ୍ରା ଜାରି କରାଯିବ ବୋଲି ସୂଚନା ଦିଆଯାଇଥିଲା । ମୁମ୍ବାଇର ମୁଦ୍ରଣ କାରଖାନରେ ଏହି ସ୍ମାରକୀ ମୁଦ୍ରା ନିର୍ମାଣ କରାଯାଇଛି ।
ସ୍ମାରକୀ ମୁଦ୍ରା ସର୍ମ୍ପକରେ କିଛି :
୭୫ ଟଙ୍କିଆ ସ୍ମାରକୀ ମୁଦ୍ରାର ଓଜନ ୩୫ ଗ୍ରାମର ରହିବ । ଏହି ମୁଦ୍ରାରେ ୫୦ ପ୍ରତିଶତ ରୂପା, ୪୦ ପ୍ରତିଶତ ତମ୍ବା ଓ ୫ ପ୍ରତିଶତ ଲେଖାଏଁ ନିକେଲ ଓ ଜିଙ୍କ୍ ଧାତୁ ବ୍ୟବହାର କରାଯିବ । ରିପୋର୍ଟ ମୁତାବିକ ମୁଦ୍ରାରେ ସେଲ୍ୟୁଲାର ଜେଲର ପଛରେ ତ୍ରିରଙ୍ଗାକୁ ସୁଭାଷ ଚନ୍ଦ୍ର ବୋଷ ସଲାମ ଦେଉଥିବାର ଚିତ୍ର ରହିବ । ଏହାଛଡା ମୁଦ୍ରାର ତଳପାଶ୍ୱର୍ରେ ୭୫ ଲେଖାଯିବ । ଯାହା ନେତାଜୀଙ୍କ ୭୫ ବର୍ଷ ପୂର୍ତ୍ତିକୁ ସୂଚାଇବ । ମୁଦ୍ରାରେ ଦେବନାଗରୀ ଓ ଇଂରାଜୀରେ ପ୍ରଥମ ଧ୍ୱଜାରୋହଣ ଦିବସ ବୋଲି ଉଲ୍ଲେଖ ରହିବ ।