କନକ ବ୍ୟୁରୋ: ପିଲାଚୋର ସନ୍ଦେହରେ ରାଉରକେଲାରେ ଦିନ ମଜୁରିଆ ମହିଳାଙ୍କ ଗୋଡହାତ ବାନ୍ଧି ମାଡ ମାରିବା ଘଟଣା ନୂଆ ମୋଡ ନେଇଛି । ଦୁଷ୍କର୍ମ ଉଦ୍ୟମ କରାଯିବା ନେଇ ମହିଳା ଅଭିଯୋଗ ଆଣିବା ପରେ ଏସପିଙ୍କ ନିର୍ଦ୍ଦେଶରେ ତଦନ୍ତ କରାଯାଇ ୩ଜଣଙ୍କୁ ଗିରଫ କରିଛି ପୋଲିସ୍ । ଗତ ରାତିରେ ରାଉରକେଲା ପ୍ଲାଂଟସାଇଟ ଥାନା ଅନ୍ତର୍ଗତ ଗୋପବନ୍ଧୁପାଲିରେ କିଛି ଲୋକଙ୍କ ମରଣାନ୍ତକ ଆକ୍ରମଣରେ ମହିଳା ଜଣଙ୍କ ଗୁରୁତର ହୋଇଥିଲେ । ତେବେ ତାଙ୍କୁ ଦୁଷ୍କର୍ମ ଉଦ୍ୟମ କରାଯାଇଥିବା ଅଭିଯୋଗ କରିଛନ୍ତି ଆକ୍ରମଣର ଶିକାର ହୋଇଥିବା ମହିଳା । ଦୁଷ୍କର୍ମ ଉଦ୍ୟମ ବିଫଳ ହେବା ପରେ ତାଙ୍କୁ ଅଭିଯୁକ୍ତମାନେ ମାଡ ମାରିଥିବା ସେ କହିଛନ୍ତି । ଏହି ଘଟଣାକୁ ରାଉରକେଲା ଏସପି ଗୁରୁତର ସହ ନେଇ ତଦନ୍ତ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ପିଲା ଚୋର ସନ୍ଦେହରେ ଦିନ ମଜୁରିଆ ମହିଳାଙ୍କ ଗୋଡହାତ ବାନ୍ଧି କିଛି ଲୋକେ ମାଡ ମାରିଥିଲେ । ଏତିକିରେ ସେମାନଙ୍କ ଆକ୍ରୋଶ ଥଣ୍ଡା ହୋଇନଥିଲା । ମହିଳାଙ୍କୁ ନିସ୍ତୁକ ମାଡ ବି ମାରିଥିଲେ । ରାଉରକେଲା ପ୍ଲାଂଟସାଇଟ ଥାନା ଅନ୍ତର୍ଗତ ଗୋପବନ୍ଧୁପାଲି ଅଂଚଳରେ ଏହି ଅଭାବନୀୟ ଘଟଣା ଘଟିଛି । ମରଣାନ୍ତକ ଆକ୍ରମଣରେ ମହିଳା ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଥିଲେ । ତେବେ ଏସପିଙ୍କ ନିର୍ଦ୍ଦେଶ ପରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଥିଲା ।