ଆକାଶରୁ ପ୍ରଣବ ପ୍ରକାଶ ଦାସଙ୍କୁ ମୁଖ୍ୟମନ୍ତ୍ରୀଙ୍କ ଶୁଭେଛା । ବିଜୟ ନିଶ୍ଚିତ କହି ଦୃଢ଼ୋକ୍ତି ପ୍ରକାଶ । ସମଲେଶ୍ୱରୀଙ୍କ ଆର୍ଶୀବାଦ ନେଇ ନାମାଙ୍କନ ଭରିଲେ ପ୍ରଣବ
କନକ ବ୍ୟୁରୋ: ଏଥର ବଡ଼ ଲଢ଼େଇ ଦେଖିବ ସମ୍ବଲପୁର ସଂସଦୀୟ କ୍ଷେତ୍ର । ଏହି ଆସନ ପାଇଁ ଆଜି ପ୍ରଣବ ପ୍ରକାଶ ଦାସ ନାମାଙ୍କନ ଦାଖଲ କରିଥିବା ବେଳେ ସୁପ୍ରିମୋ ନବୀନ ପଟ୍ଟନାୟକ ଭିଡିଓ ବାର୍ତା ଜାରି କରି ତାଙ୍କୁ ଶୁଭେଚ୍ଛା ଜଣାଇଛନ୍ତି । ତେବେ ନବୀନଙ୍କ ଏକ ଭିଡିଓ ଏକ ବଡ଼ ସଙ୍କେତ ଦେଉଛି । ଲୋକସଭା ଲଢ଼େଇ କେବଳ ହାର୍ ଜିତର ପ୍ରଶ୍ନ ହୋଇ ରହନି ବରଂ ସମ୍ବଲପୁର ଏବେ ତିନି ପ୍ରମୁଖ ଦଳ ପାଇଁ ସମ୍ମାନର ପ୍ରଶ୍ନ ପାଲଟି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେଡର ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ପାଇଁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଶୁଭେଚ୍ଛା ବାର୍ତ୍ତା ଏକ ବଡ ସଙ୍କେତ ଦେଉଛି । ଚଳିତ ନିର୍ବାଚନରେ ସମ୍ବଲପୁର ଆସନରେ ବଡ ଲଢ଼େଇ ହେବା ସ୍ପଷ୍ଟ ହୋଇଛି । ଆଉ ସଙ୍ଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଛିଡ଼ା କରିବା ପଛରେ ବିଜେଡିର ସୁଚିନ୍ତିତ ରଣନୀତି ରହିିଛି । ମୁଖ୍ୟମନ୍ତ୍ରୀ ବ୍ୟକ୍ତିଗତ ଭାବେ ଭିଡିଓ ବାର୍ତ୍ତା ଜରିଆରେ ଅଲ୍-ଦ-ବେଷ୍ଟ କହିବା ଏବଂ ବିଜୟ କାମନା କରିବା ସୂଚାଇ ଦେଉଛି ପ୍ରଣବ ପ୍ରକାଶ ଦାସଙ୍କ ପଛରେ ଦୃଢ଼ତାର ସହ ଠିଆ ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଉ ଠିକ୍ ନାମାଙ୍କନ ଦାଖଲ ଦିନ ମୁଖ୍ୟମନ୍ତ୍ରୀଙ୍କ ଏଭଳି ଶୁଭେଚ୍ଛା ବାର୍ତ୍ତା ଆସିବା, ବିଜେଡି ଶିବିରକୁ ଉତ୍ସାହିତ କରିଦେଇଛି ।
- ସମ୍ବଲପୁରରେ ନାମାଙ୍କନ ଭରିଲେ ପ୍ରଣବ ପ୍ରକାଶ
- ମା’ ସମଲେଶ୍ୱରୀଙ୍କ ଆଶୀର୍ବାଦ ନେଇ ମୈଦାନକୁ ଓହ୍ଲାଇଲେ ପ୍ରଣବ
ପ୍ରବଳ ଉତ୍ସାହ, ବିରାଟ ପଟୁଆର । ନାମାଙ୍କନ ଦାଖଲ ପୂର୍ବରୁ ମା ସମଲେଶ୍ୱରୀଙ୍କ ଆଶିଷ ଲୋଡ଼ି ବିଶାଳ ଶୋଭାଯାତ୍ରାରେ ଯାଇ ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଦାଖଲ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସ । ତେବେ ଲୋକସଭା ଲଢ଼େଇ କେବଳ ହାରଜିତର ପ୍ରଶ୍ନ ହୋଇ ରହନି ବରଂ ସମ୍ବଲପୁର ଏବେ ତିନି ପ୍ରମୁଖ ଦଳ ପାଇଁ ସମ୍ମାନର ପ୍ରଶ୍ନ ପାଲଟି ଯାଇଛି । ଗୋଟିଏ ପଟେ ବିଜେଡିର ସଂଗଠନ ସଂପାଦକ ଥିବା ବେଳେ ଅନ୍ୟପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ପୂର୍ବତନ ସାଂସଦ ନଗେନ୍ଦ୍ର ପ୍ରଧାନଙ୍କ ଭଳି ପ୍ରତିଦ୍ୱନ୍ଦୀ ଅଛନ୍ତି । ତେଣୁ ସମ୍ବଲପୁରରେ ବଡ଼ଧରଣର ଟକ୍କର ହେବ ।
ତେବେ ଏଥିରେ କୌଣସି ସନ୍ଦେହ ନାହଁ ଯେ, ସମ୍ବଲପୁରରେ ଲଢ଼େଇ ଏଥର ଦମଦାର ହେବ । କିନ୍ତୁ ଲଢ଼େଇ ପୂର୍ବରୁ ମୁଖ୍ୟମନ୍ତୀ ନବୀନ ପଟ୍ଟନାୟକଙ୍କ ଭିଡିଓ ବାର୍ତ୍ତା ଚର୍ଚ୍ଚାର ବିଷୟ ହୋଇଛି ।