ବିଧାନସଭାରୁ ହଟିଲା କରୋନା କଟକଣା: ପ୍ରେସ ଗ୍ୟାଲେରିକୁ ମିଳିବ ପ୍ରବେଶ ଅନୁମତି
କନକ ବ୍ୟୁରୋ: ଦୀର୍ଘ ୩ ବର୍ଷ ପରେ ଓଡିଶା ବିଧାନସଭାରୁ କୋଭିଡ କଟକଣା ହଟିଛି । ଆସନ୍ତା ୨୪ ତାରିଖରୁ ଆରମ୍ଭ ହେବାକୁ ଥିବା ଶୀତ ଅଧିବେଶନ ସ୍ୱାଭାବିକ ଭାବେ ଚାଲିବ । ପୂର୍ବ ଭଳି ବିଧାୟକମାନେ ନିଜ ନିଜ ଆସନରେ ବସିବେ । ପ୍ରେସ ଗ୍ୟାଲେରିକୁ ଗଣମାଧ୍ୟମ ପ୍ରତିନିଧିଙ୍କୁ ପ୍ରବେଶ ଅନୁମତି ମଧ୍ୟ ମିଳିବ । ପୂର୍ଣ୍ଣ କ୍ଷମତାରେ ଗୃହକାର୍ଯ୍ୟ ଚାଲିବ ।
Kanak News is now on WhatsApp
Join and get latest news updates delivered to you via WhatsApp
ସକାଳ ସାଢେ ୧୦ଟାରୁ ଅପରାହ୍ଣ୍ନ ୧ଟା ୩୦ ଏବଂ
ଅପରାହ୍ଣ ୪ଟାରୁ ସନ୍ଧ୍ୟା ୭ଟା ଯାଏଁ ଚାଲିବ ଅଧିବେଶନ
ଶୀତ ଅଧିବେଶନକୁ ସୁରୁଖୁରୁରେ ଚଲାଇବା ପାଇଁ ବାଚସ୍ପତିଙ୍କ ଅଧ୍ୟକ୍ଷତାରେ ଆୟୋଜିତ ସର୍ବଦଳୀୟ ବୈଠକରେ ଏହି ନିଷ୍ପତି ନିଆଯାଇଛି । ବିଧାନସଭାରେ ଲାଗୁ ହୋଇଥିବା କୋଭିଡ କଟକଣା ହଟିଛି । କିନ୍ତୁ ବିଧାୟକ ଚାହିଁଲେ ଭିଡିଓ କନଫରେନ୍ସିଂ ଜରିଆରେ ଗୃହକାର୍ଯ୍ୟରେ ସାମିଲ ହୋଇପାରିବେ । ଏଥି ପାଇଁ ବିଧାୟକଙ୍କୁ ପୂର୍ବରୁ ଲିଖିତ ଭାବେ ଜଣାଇବାକୁ ପଡିବ । ବିଚାର ବିମର୍ଶ କରିବା ପରେ ଏଭଳି ନିଷ୍ପତି ନିଆଯାଇଥିବା କହିଛନ୍ତି ବାଚସ୍ପତି । ଯାହାକୁ ତୀବ୍ର ବିରୋଧ କରିଛି ବିଜେପି । ବିରୋଧୀ ଦଳ ନେତା ଅଭିଯୋଗ କରିିଛନ୍ତି ମୁଖ୍ୟମନ୍ତ୍ରୀ ବିଧାନସଭାକୁ ନ ଆସିବା ପାଇଁ ଏଭଳି ବ୍ୟବସ୍ଥା କରାଯାଇଛି ।
ଆସନ୍ତା ୨୪ ତାରିଖରେ ଆରମ୍ଭ ହେଉଛି ଶୀତକାଳୀନ ଅଧିବେଶନ ଯାହା ଡିସେମ୍ବର ୩୧ ତାରିଖ ଯାଏଁ ଚାଲିବା କାର୍ଯ୍ୟକ୍ରମ ରହିଛି । ଅଧିବେଶନର ପ୍ରଥମ ଦିନରେ ଗୃହରେ ଅତିରିକ୍ତ ଖର୍ଚ୍ଚ ଦାବି ଉପସ୍ଥାପନ କରିବେ ଅର୍ଥମନ୍ତ୍ରୀ ।