କନକ ବ୍ୟୁରୋ : ଫିଫା ବିଶ୍ୱକପରେ ପୁଣି ଏକ ବଡ଼ ବିପର୍ଯ୍ୟୟ ଦେଖିବାକୁ ମିଳିଛି । ୪ ଥରର ବିଜେତା ଜର୍ମାନୀକୁ ହରାଇଛି ଜାପାନ । ଗ୍ରୁପ୍ ଇରେ ଜାପାନ ଜର୍ମାନୀକୁ ହରାଇ ଅଭିଯାନ ଆରମ୍ଭ କରିଛି । ଖଲିଫା ଆନ୍ତର୍ଜାତୀୟ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଜାପାନ ୨-୧ ଗୋଲରେ ଜର୍ମାନୀକୁ ହରାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଦୁଇ ଥରର ବିଜେତା ଆର୍ଜେଣ୍ଟିନାକୁ ସାଉଦି ଆରବ ହରାଇବା ପରେ ଏହା ହେଉଛି ଦ୍ୱିତୀୟ ମ୍ୟାଚ ଯେଉଁଥିରେ ଜର୍ମାନୀ ଭଳି ଏକ ଶକ୍ତିଶାଳୀ ଟିମକୁ ଛୋଟ ଦଳ ଠାରୁ ହାରିବାକୁ ପଡିଛି । କଡା ପ୍ରତିଯୋଗିତା ମଧ୍ୟରେ ଦୁଇ ଦେଶ ମଧ୍ୟରେ ମ୍ୟାଚ ଆରମ୍ଭ ହୋଇଥିଲା । ପ୍ରଥମ ୩୨ ମିନିଟରେ ଜର୍ମାନୀ ପ୍ରଥମ ଗୋଲ ଦେଇଥିଲା । ହେଲେ ପରେ ଦ୍ୱିତୀୟାର୍ଦ୍ଧରେ ଜାପାନ ମ୍ୟାଚରେ ସମ୍ପୂର୍ଣ୍ଣ ଆଧିପତ୍ୟ ବିସ୍ତାର କରିବା ସହ ଦୁଇଟି ଗୋଲ ଦେଇଥିଲା । ଶେଷରେ ୨-୧ ଗୋଲରେ ବିଜୟୀ ହୋଇଥିଲା ଜାପାନ ।