କନକ ବ୍ୟୁରୋ: ସାବଧାନ ! ୪୮ ଘଣ୍ଟାରେ ଆହୁରି ବଢିପାରେ ତାତି । କିଛି ସ୍ଥାନରେ ଦିନର ତାପମାତ୍ରା ଆହୁରି ୨ ଡିଗ୍ରୀ ବଢିପାରେ । ୪ରୁ ୫ ଦିନ ଯାଏଁ କିଛି ଜିଲ୍ଲାରେ ଭୀଷଣ ଗ୍ରୀଷ୍ମ ପ୍ରବାହ ହେବା ନେଇ ଆଶଙ୍କା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଅସହ୍ୟ ଗରମରେ ଜନଜୀବନ ଛଟପଟ ହେଉଥିବା ବେଳେ ଆସନ୍ତା ୩୦ ତାରିଖ ପର୍ଯ୍ୟନ୍ତ ତାତି କରିବ କଲବଲ । ଏନେଇ ସତର୍କ କରାଇଛି ପାଣିପାଗ ବିଭାଗ । ବିଭିନ୍ନ ଜିଲ୍ଲା ପାଇଁ ରେଡ୍ ୱାର୍ଣ୍ଣିଂ ଜାରି କରାଯାଇଛି । ଖରାରେ ଘରୁ ନବାହାରିବାକୁ ପରାମର୍ଶ ଦେଇଛନ୍ତି ସ୍ୱତନ୍ତ୍ର ରିଲିଫ୍ କମିଶନର୍ । ଏନେଇ ସରକାରଙ୍କ ପକ୍ଷରୁ ଲୋକଙ୍କୁ କଲ ଓ ମେସେଜ୍ ମଧ୍ୟ କରାଯାଉଛି ।
ଏପଟେ ଆଜି ୪୪ .୬ ଡିଗ୍ରୀ ସହ ଅନୁଗୁଳ ରାଜ୍ୟର ସବୁଠୁ ଉତପ୍ତ ସହର ପାଲଟିଛି । ବୌଦ୍ଧ- ୪୪.୫ ଡିଗ୍ରୀ, ନୂଆପଡା ଓ ବଲାଙ୍ଗୀର- ୪୪ ଡିଗ୍ରୀ, ବାରିପଦା- ୪୩.୮ ଡିଗ୍ରୀ, ଟିଟିଲାଗଡ- ୪୩.୬ ଡିଗ୍ରୀ, ଯାଜପୁର- ୪୩. ୬ ଡିଗ୍ରୀ, ସମ୍ବଲପୁର- ୪୩. ୬ ଡିଗ୍ରୀ, ହୀରାକୁଦ- ୪୩.୬ ଡିଗ୍ରୀ, ଝାରସୁଗୁଡା- ୪୩.୬୫ ଡିଗ୍ରୀ ଓ ଭୁବନେଶ୍ୱର- ୪୦. ୫ ଡିଗ୍ରୀ ରେକର୍ଡ କରାଯାଇଛି ।