କନକ ବ୍ୟୁରୋ: ଦିବ୍ୟାଙ୍ଗଙ୍କ ବନ୍ଧୁ ପାଲଟିଛନ୍ତି ଦିବ୍ୟାଙ୍ଗ । ଆଉ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ । ନିଜେ ଦିବ୍ୟାଙ୍ଗ ହୋଇ ବି ଜୀବନରେ ସଫଳାତର ପାହାଡ ଚଢିପାରିଛନ୍ତି ରାୟଗଡ଼ାର ଅମରେନ୍ଦ୍ର ନାଥ । ନିଜର ଏକ ଛୋଟିଆ ପାନ ଦୋକାନ କରି ନିଜ ପରିବାର ପ୍ରତିପୋଷଣ କରନ୍ତି । ଦିବ୍ୟାଙ୍ଗ ମାନେ କୌଣସି ଅସୁବିଧାରେ ପଡିଲେ ସେ ନିଜ ଦୋକାନ ବନ୍ଦ କରି ସେମାନଙ୍କ ନିକଟରେ ପହଞ୍ଚି ଯାଆନ୍ତି । କେବଳ ରାୟଗଡା ସଦର ନୁହେଁ ଜିଲ୍ଲାର ସମସ୍ତ ବ୍ଳକ ଓ ପଞ୍ଚାୟତ ବୁଲି ବୁଲି ଅସୁବିଧାରେ ପଡିଥିବା ଦିବ୍ୟାଙ୍ଗ ମାନଙ୍କୁ ସାହାଯ୍ୟ କରନ୍ତି ଅମରେନ୍ଦ୍ର ନାଥ ।
Kanak News is now on WhatsApp
Join and get latest news updates delivered to you via WhatsApp
କିଏ ଦିବ୍ୟାଙ୍ଗ ସାର୍ଟିଫିକେଟ ପାଇବା ପାଇଁ ହଉ କି ଭତ୍ତା, ହୁଇଲ ଚେୟାର ପାଇଁ ହଉ କି କୁତ୍ରିମ ଅଙ୍ଗ ପ୍ରତ୍ୟଙ୍ଗ ଅଥବା ଅନ୍ୟାନ୍ୟ ସୁବିଧା ପାଇବା ପାଇଁ ଅସୁବିଧା ଭୋଗୁଥିବା ଦିବ୍ୟାଙ୍ଗ ଭାଇ ଭଉଣୀଙ୍କ ପାଖରେ ପହଞ୍ଚି ସାହାଯ୍ୟ କରିଥାନ୍ତି । ସେ ଜଣେ ଦିବ୍ୟାଙ୍ଗ ହୋଇଥିବାରୁ ଜଣେ ଦିବ୍ୟାଙ୍ଗର ଅସୁବିଧା ହୃଦୟଙ୍ଗମ କରି ସାହାଯ୍ୟ ପାଇଁ ଦୌଡି ଯାଆନ୍ତି ଅମରେନ୍ଦ୍ର । ଏପରିକି ସୂଦୁର ଭୂବନେଶ୍ୱର ଯାଇ ଦିବ୍ୟାଙ୍ଗ ମାନଙ୍କର ଅନେକ କାମ ମଧ୍ୟ କରିଛନ୍ତି । ସରକାରଙ୍କ ତରଫରୁ ଥିବା ସମସ୍ତ ଯୋଜନାକୁ ସେମାନଙ୍କ ପାଖରେ ପହଞ୍ଚାଇବା ପାଇଁ ପ୍ରଚେଷ୍ଟା ଜାରି ରଖିଛନ୍ତି । ଅମରେନ୍ଦ୍ରଙ୍କ ଏହି କାମ ପାଇଁ ତାଙ୍କୁ ବିଭିନ୍ନ ଅନୁଷ୍ଠାନ ସମ୍ବର୍ଦ୍ଧିତ ଓ ପୁରସ୍କୃତ କରିଛନ୍ତି । ୨୦୧୮ରେ ଜିଲ୍ଲା ପ୍ରଶାସନ ପୁରସ୍କାର ପ୍ରଦାନ କରିବା ସହ ସମ୍ବର୍ଦ୍ଧିତ କରିଥିଲେ । ୨୦୧୯ରେ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ମଧ୍ୟ ସେ ସମ୍ବର୍ଦ୍ଧିତ ହୋଇଥିଲେ । ଅମରେନ୍ଦ୍ରଙ୍କ ସାହାଯ୍ୟରେ ଅନେକ ଦିବ୍ୟାଙ୍ଗ ଭାଇ ଭଉଣି ସାହାଯ୍ୟ ପାଇଥିବାରୁ ସେମାନେ ଅମରେନ୍ଦ୍ରଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।