କନକ ବ୍ୟୁରୋ : ହିମାଚଳ ପ୍ରଦେଶରେ ବିଧାନସଭା ପାଇଁ ହୋଇଥିବା ମତଦାନର ଗଣତି ଚାଲିଛି । ହେଲେ ଏପର୍ଯ୍ୟନ୍ତ ମିଳିଥିବା ଫଳାଫଳ ମୁତାବକ କଂଗ୍ରେସ ସେଠାରେ ସରକାର ଗଠନ କରିବାକୁ ଯାଉଛି । ହେଲେ କଂଗ୍ରେସକୁ ଅପରେଶନ ଲୋଟସ୍ ର ଭୟ ଲାଗି ରହିଛି । କାଳେ ବିଜେପି ତରଫରୁ ପୁଣି ଘୋଡ ବେପାର କରି କଂଗ୍ରେସ ବିଧାୟକଙ୍କୁ କିଣିନେବ ସେହି ଭୟରେ କଂଗ୍ରେସ ତରଫରୁ ବିଜୟୀ ହୋଇଥିବା ବିଧାୟକଙ୍କୁ ରାଜସ୍ଥାନ ନେଇଯିବାକୁ ଚିନ୍ତା କରିଛି ଦଳ । ଏହି କ୍ରମରେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବଘେଲ ଓ କଂଗ୍ରେସ ରାଜ୍ୟ ପ୍ରଭାରୀ ରାଜୀବ ଶୁକ୍ଳା ଓ ହରିଆଣାର ପୂର୍ବତନ ମୁଖ୍ୟମନ୍ତ୍ରୀ ଭୂପେନ୍ଦ୍ରସିଂ ହୁଡ୍ଡା ସିମଳା ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହିମାଚଳ ପ୍ରଦେଶରେ କଂଗ୍ରେସର ବିଜୟକୁ ନେଇ ରାଜୀବ ଶୁକ୍ଳା କହିଛନ୍ତି ଯେ ଦଳ ଏବେ ଜନତାଙ୍କ ସ୍ୱାର୍ଥରେ କାମ କରିବ । ଏହାସହ ହିମାଚଳ ନିର୍ବାଚନ ବେଳେ ପ୍ରିୟଙ୍କା ଗାନ୍ଧୀଙ୍କ ପ୍ରୟାସକୁ ଧନ୍ୟବାଦ ଦେଇଛନ୍ତି ରାଜୀବ । ସେପଟେ ଏବେ ସୁଦ୍ଧା ଆସିଥିବା ଟ୍ରେଣ୍ଡ ମୁତାବକ ହିମାଚଳରେ ବିଜେପି ୨୨ ଟି ଆସନରେ ବିଜୟୀ ହୋଇଥିବା ବେଳେ ୪ ଟି ଆସନରେ ଆଗୁଆ ରହିଛି । କଂଗ୍ରେସ ୩୬ ଟି ଆସନରେ ବିଜୟୀ ହୋଇଥିବା ବେଳେ ୩ ଟି ଆସନରେ ଆଗୁଆ ରହିଛି । ଅନ୍ୟଦଳମାନଙ୍କୁ ମୋଟ ୩ ଟି ଆସନ ମିଳିଛି ।
ସେପଟେ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ଓ ଦଳର ମହାସଚିବ ପ୍ରିୟଙ୍କା ଗାନ୍ଧୀ ରାଜସ୍ଥାନ ପହଂଚିସାରିଛନ୍ତି । ସୂଚନା ମୁତାବକ ହିମାଚଳ ପ୍ରଦେଶରୁ ବିଜୟୀ ହୋଇଥିବା ସମସ୍ତ କଂଗ୍ରେସ ବିଧାୟକଙ୍କୁ ରଣନ୍ଥଭୋର ସ୍ଥିତ ହୋଟେଲ ଶୋରବାଘରେ ରଖାଯିବା ।