ବ୍ରାଣ୍ଡ ଅସଲି…ମାଲ ନକଲି : ଖାଲି ନକଲି ମଦ ନୁହେଁ ପାନ ମସଲା ବି ଭେଜାଲ; ଚଢାଉ ବେଳେ ଗଜପତି, ଜଳେଶ୍ବର ଏବଂ କୋରାପୁଟରୁ ବିପୁଳ ପରିମାଣର ନକଲି ସାମଗ୍ରୀ ଜବତ କଲା ପୋଲିସ
କନକ ବ୍ୟୁରୋ : ସାରା ରାଜ୍ୟରୁ ନକଲି ଖାଦ୍ୟ ସାମଗ୍ରୀ ଜବତ ନେଇ ପ୍ରତିଦିନ ଖବର ସାମନାକୁ ଆସୁଥିବା ବେଳେ ଚିନ୍ତାରେ ପଡିଗଲେଣି ଖାଉଟି । କେଉଁଟା ଅସଲି କେଉଁଟା ନକଲି ତାକୁ ନେଇ ଦ୍ୱଦ୍ୱରେ ପଡୁଛନ୍ତି । ଆଉ ଏତିକିବେଳେ ନିଶା ଦ୍ରବ୍ୟର ନକଲି କାରବାର ସାମନାକୁ ଆସିଛି । ଜାଣିଲେ ଆଶ୍ଚର୍ଯ୍ୟ ହେବେ ,ବ୍ରାଣ୍ଡ ଅସଲି ହେଲେ ମଦ ନକଲି । କୋରାପୁଟ କୋଟପାଡ଼ ବ୍ଲକର କୁଂଜୁଗୁଡା ଗାଁରେ ଏକ ନକଲି ମଦ କାରଖାନା ଉପରେ ପୁଲିସ ଚଢାଉ କରିଛି ।
Kanak News is now on WhatsApp
Join and get latest news updates delivered to you via WhatsApp
ଚଢାଉ ବେଳେ ବିପୁଳ ପରିମାଣର ନକଲି ମଦ ସହ ଡୁପ୍ଲିକେଟ କାରବାର ପାଇଁ ବ୍ୟବହାର ହେଉଥିବା ସାମଗ୍ରୀକୁ ଜବତ କରିଛି । ଏଠାରେ ବିଭିନ୍ନ ନାମୀଦାମୀ ବ୍ରାଣ୍ଡର ବୋତଲରେ ନକଲି ମଦ ଭର୍ତ୍ତି କରି ବିକ୍ରି କରାଯାଉଥିଲା । ଥରେ ଭାବନ୍ତୁ ଏହି ନକଲି ମଦ ବଜାରକୁ ପହଚିଂଗଲେ,ପିଉଥିବା ଲୋକଙ୍କ ଅବସ୍ଥା କଣ ହେବ । ଖାଲି ନକଲି ମଦ କାରବାର ହେଉନାହିଁ ପାନ ମସଲା ବି ନିକଲି ତିଆରି ହେଉଛି । ଖବର ପାଇ ପୁଲିସର ଚଢାଉ ବେଳେ ବ୍ୟାପକ ପରିମାଣର ନକଲି ପାନ ମସଲା ଜବତ ହୋଇଛି ଗୋଟିଏ ଗଜପତି ଓ ଆଉ ଗୋଟେ ଜଳଶ୍ୱେର ଷ୍ଟେସନ ବଜାର ଅଂଚଳର। ଆଜି ଭୁବନେଶ୍ୱର ଏସଟିଏଫ ତରଫରୁ ଅତିରିକ୍ତ ଏସପି ତେଜେଶ୍ୱର ପଟେଲଙ୍କ ନେତୃତ୍ୱରେ ଜଳେଶ୍ୱର ଷ୍ଟେସନ ବଜାର ଓ ଝାଡେଶ୍ୱରପୁର ଅଂଚଳରେ ଚଢାଉ କରାଯାଇଥିଲା ।
ଏସଟିଏଫର ଏହି ଚଢାଉ ବେଳେ ବିପୁଳ ପରିମାଣର ନକଲି ପାନ ମସଲା ଜବତ ହୋଇଛି । ସ୍ପେଶାଲ ଟାକ୍ସ ଫୋର୍ସ କାରବାରରେ ସଂପୃକ୍ତ ଚନ୍ଦନ ଚୌରାସିଆ ଓ ଅଶୋକ ସାହୁ ନାମକ ଦୁଇ ଜଣ ବେପାରୀଙ୍କୁ ଅଟକ ରଖି ତଦନ୍ତ ଚଳାଇଛି । ପାନରେ ବ୍ୟବହାର ହେଉଥିବା ଗୋପାଳ ଜର୍ଦ୍ଦା ଓ ଅନ୍ୟାନ୍ୟ ଜର୍ଦ୍ଦାକୁ ନକଲି କରି ଏମାନେ ବଜାରକୁ ଛାଡୁଥିଲେ । ସେହିପରି ଗଜପତି ପାରଳାଖେମୁଣ୍ଡିରେ କାଶୀନଗର ପୁଲିସ ଚଢାଉ କରି ବିପୁଳ ପରିମାଣର ଗୁଟଖା ଜବତ କରିଛି । ସହର ଉପକଂଣ୍ଠ ରାମାୟାଗୁଡାରେ ଏକ ଗୋଦାମ ଘରେ ବେଆଇନ ଭାବେ ଗଚ୍ଛିତ ଥିବା ୯୩ ବସ୍ତା ନକଲି ଗୁଟଖା ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୫ ଲକ୍ଷ ହେବ ବୋଲି ପୁଲିସ କହିଛି ।