ବଲାଙ୍ଗୀର : ଆଇସିଆଇସିଆଇ ବ୍ୟାଙ୍କ କର୍ତ୍ତୃପକ୍ଷଙ୍କ ଦାଦାଗିରି, ପ୍ରତିକ୍ରିୟା ପାଇଁ ଯାଇଥିବା ସାମ୍ବାଦିକାଙ୍କୁ ଦୁର୍ବ୍ୟବହାର
କନକ ବ୍ୟୁରୋ : ବ୍ୟାଙ୍କ କର୍ତ୍ତୃପକ୍ଷଙ୍କ ଦାଦାଗିରି । ସାଧାରଣ ମାନବିକତା ଭୁଲିଗଲେ ବଲାଙ୍ଗୀର ଆଇସିଆଇସିଆଇ ବ୍ୟାଙ୍କ କର୍ତ୍ତୃପକ୍ଷ । କନକ ନ୍ୟୁଜର ମହିଳା ସାମ୍ବାଦିକାଙ୍କୁ କଲେ ଦୁର୍ବ୍ୟବହାର । ଖବର ସଂଗ୍ରହ ପାଇଁ ଯାଇଥିବା ବଲାଙ୍ଗୀର ପ୍ରତିନିଧିଙ୍କୁ ଜୋରଜବରଦସ୍ତ ବ୍ୟାଙ୍କରୁ ବାହାର କରିଦେଲେ । ବଲାଙ୍ଗୀରର ଏହି ନିର୍ଦ୍ଦିଷ୍ଟ ଆଇସିଆଇସିଆଇ ବ୍ୟାଙ୍କ ଶାଖା, ଗ୍ରାହକଙ୍କଠାରୁ ୧୦ ଟଙ୍କିଆ କଏନ ଗ୍ରହଣ କରୁନଥିବା ଖବର ପ୍ରସାରଣ କରିଥିଲା କନକ ନ୍ୟୁଜ । କନକ ନ୍ୟୁଜ ଦେଖାଇଥିଲା ବ୍ୟାଙ୍କ କର୍ତ୍ତୃପକ୍ଷଙ୍କ ନୂଆ ନିୟମ ।
Kanak News is now on WhatsApp
Join and get latest news updates delivered to you via WhatsApp
ଆରବିଆଇ ନିର୍ଦ୍ଦେଶ ଥିବା କହି ବ୍ୟାଙ୍କର କିଛି କର୍ମଚାରୀ ସିଧାସଳଖ ୧୦ ଟଙ୍କିଆ କଏନ ଗ୍ରହଣ କରିବାକୁ ରାଜି ହେଉନଥିବା କନକ ନ୍ୟୁଜ କ୍ୟାମେରାରେ କଏଦ ହୋଇଥିଲା । ତେବେ ଏ ସଂପର୍କରେ ପ୍ରତିକ୍ରିୟା ନେବାକୁ ଗଲାବେଳେ ବଲାଙ୍ଗୀର ପ୍ରତିନିଧି ଜ୍ୟେତ୍ସ୍ନାରାଣୀ ଦାସଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଛନ୍ତି ସଂପୃକ୍ତ ବ୍ୟାଙ୍କ କର୍ତ୍ତୃପକ୍ଷଙ୍କ । ବ୍ୟାଙ୍କର ଏଭଳି ଆଚରଣକୁ ତୀବ୍ର ନିନ୍ଦା କରିଛି ବଲାଙ୍ଗୀର ସାମ୍ବାଦିକ ସଂଘ । ଜଣେ କର୍ତ୍ତବ୍ୟରତ ସାମ୍ବାଦିକାଙ୍କୁ ଅସଦ ବ୍ୟବହାର ପ୍ରତିବାଦରେ ଧାରଣାରେ ବସିଛନ୍ତି ଜିଲ୍ଲାର ସମସ୍ତ ସାମ୍ବାଦିକ । ନ୍ୟୁଜ୍ ସହିତ ଦେଖନ୍ତୁ ଏହି ଭିଡିଓ :