କନକ ବ୍ୟୁରୋ: ପଶ୍ଚିମବଙ୍ଗରେ ଏବେ ମାରାଥନ ଚଢାଉ ଓ ଗିରଫ କରୁଛନ୍ତି ଉଭୟ ପ୍ରବର୍ତନ ନିର୍ଦ୍ଦେଶାଳୟ ଏବଂ ସିବିଆଇ । ଏହି ଦୁଇ ସରକାରୀ ତଦନ୍ତକାରୀ ସଂସ୍ଥାର ସ୍କାନରରେ ମୁଖ୍ୟତଃ ରହିଛନ୍ତି ପଶ୍ଚିମବଙ୍ଗ ସରକାରଙ୍କ ବଡ ବଡ ମନ୍ତ୍ରୀ ଓ ନେତା । ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତି ମାମଲାଠୁ ଆରମ୍ଭ ହୋଇଥିବା ଇଡି ଓ ସିବିଆଇର କାର୍ଯ୍ୟାନୁଷ୍ଠାନ ରାଜ୍ୟରେ ମାରାଥନ ଚଢାଉ କରିଛି । ବିଭିନ୍ନ ସ୍କାମରେ ଜଣଙ୍କ ପରେ ଜଣେ ନେତା ଓ ମନ୍ତ୍ରୀଙ୍କ ଇଡି ଓ ସିବିଆଇ ଜାଲରେ ଛନ୍ଦି ହେଉଛନ୍ତି । ନିକଟରେ ପଶ୍ଚିମବଙ୍ଗର ପୂର୍ବତନ ବାହୁବଳୀ ନେତା ତଥା ବୀରଭୂମି ଷ୍ଟ୍ରଙ୍ଗ ମ୍ୟାନ୍ ଅନୁବ୍ରତ ମଣ୍ଡଳଙ୍କୁ ଗିରଫ କରାଯାଇଛି । ଗୋଚାଲାଣ ଅଭିଯୋଗରେ ତାଙ୍କୁ ଗିରଫ କରିଛି ସିବିଆଇ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବହୁଚର୍ଚ୍ଚିତ କୋଇଲା ଦୁର୍ନୀତି ମାମଲାରେ ୮ଜଣ ଆଇପିଏସ ଅଧିକାରୀଙ୍କୁ ସମନ ପଠାଇଛି ଇଡିା ସମନ ଜାରି ହୋଇଥିବା ଆଇପିଏସଙ୍କ ମଧ୍ୟରେ ଜ୍ଞାନୱନ୍ତ ସିଂ, କୋଟେଶ୍ୱର ରାଓ, ଶ୍ୟାମ ସିଂ, ରାଜୀବ ମିଶ୍ରା , ସୁକେଶ ଜୈନ ଓ ତଥାଗତ ବସୁ ସାମିଲ । ତେବେ ସବୁଠୁ ବଡ଼ କଥା ହେଉଛି ଏହି ସମସ୍ତ ଅଧିକାରୀ ହେଉଛନ୍ତି ପଶ୍ଚିମବଙ୍ଗର । ଟିଏମସି ଏହାକୁ ବିଜେପିର ପ୍ରତିଶୋଧର ରାଜନୀତି ନାଁ ଦେଇଥିବାବେଳେ ବିଜେପି କହିଛି ତଦନ୍ତକାରୀ ସଂସ୍ଥା ନିଜ କାମ ନିଜ ବାଟରେ କରୁଛି । ଏଥିରେ ବିଜେପି ସରକାରଙ୍କ କୌଣସି ଭୂମିକା ନାହିଁ ।
କିଛି ଦିନ ପୂର୍ବରୁ ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ମନ୍ତ୍ରୀ ପାର୍ଥଚାଟାର୍ଜା ଓ ତାଙ୍କ ସହଯୋଗୀ ତଥା ଅଭିନେତ୍ରୀଙ୍କ ଇଡି ଜାଲରେ ପଡିବା ସହ ସେମାନଙ୍କ ବିଭିନ୍ନ ଠିକଣ।।ରୁ କୋଟି କୋଟି ନଗଦ ଟଙ୍କା ଓ ଅମାପ ସମ୍ପତ୍ତି ଜବତ ହୋଇଥିଲା । ଏହି ସମସ୍ତ ଘଟଣାକୁ ନେଇ ବିରୋଧୀ ମଧ୍ୟ ବିଜେପିକୁ ଟାର୍ଗେଟ କରିଛନ୍ତି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଯଦି ସରକାରୀ ତଦନ୍ତକାରୀ ସଂସ୍ଥାର ଦୁରୁପଯୋଗ ହେଉଛି ତେବେ ଏହାର ଜବାବ ଆଗକୁ ଜନତା ଦେବେ ।
ପଶ୍ଚିମବଙ୍ଗର ନେତା ଓ ମନ୍ତ୍ରୀଙ୍କ ଉପରେ ହଠାତ ଯେଉଁ ଚଡକ ପଡିଛି ତାକୁ ସହଜରେ ଗ୍ରହଣ କରିପାରୁନି ତୃଣମୃଳ କଂଗ୍ରେସ । କେନ୍ଦ୍ର ସରକାରଙ୍କୁ ଏନେଇ ଦାୟୀ କରିଛି । ଇଡି ଓ ସିବିଆଇ ପରି ସରକାରୀ ତଦନ୍ତାକାରୀ ସଂସ୍ଥା ନିରପେକ୍ଷ ତଦନ୍ତ ଭୁଲି ଯାଇ ବିଜେପି ଇସାରାରେ କାମ କରୁଥିବା ଟିଏମସି କହିଛି । ଏହା ବିରୋଧରେ ସାରା ଦେଶରେ ବିକ୍ଷୋଭ କରିବା ସହ କୋର୍ଟଙ୍କ ଦ୍ୱାରସ୍ଥ ହେବ ବୋଲି ଦଳ କହିଛି ।
ସବୁଠୁ ବଡ କଥା ହେଉଛି ଘଟଣାକୁ ନେଇ ପୁରୁଣା ପ୍ରତିଦ୍ୱନ୍ଦୀ ଟିଏମସି ଓ ବିଜେପି ଭିତରେ ଶୀତଳଯୁଦ୍ଧ ସଦୃଶ ସ୍ଥିିତି ସୃଷ୍ଟି ହୋଇଛି । ଜଣଙ୍କ ପରେ ଜଣେ ନେତା ମନ୍ତ୍ରୀ ଇଡି ଓ ସିବିଆଇ ଦ୍ୱାରା ବନ୍ଧା ହେଉଥିବାବେଳେ ନୀରବ ଦ୍ରଷ୍ଟା ସାଜିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ପାର୍ଥଙ୍କ ଗିରଫ ପରେ ବେଶ ଚାଲାକିର ସହ ମମତା ନିଜର ମତ ସ୍ପଷ୍ଟ କରିଥିଲେ । ଏହା ପରେ ପୁଣି ଅନେକ ନେତାଙ୍କ ସହ ସମାନ ଘଟଣା ଘଟୁଥିଲେ ବି ମମତାଙ୍କ ଚୁପ ରହିବା ପଛରେ କାରଣ ଅସ୍ପଷ୍ଟ ରହିଛି । କିନ୍ତୁ ଏବେ ଅପେକ୍ଷା ବିଜେପି ସରକାରଙ୍କୁ ଜବାବ ଦେବାକୁ ଯାଇ ମମତା କେଉଁ ଅନ୍ଦାଜ ସହ ଆଗକୁ ଆସିବେ ଓ ନିଜର ବୟାନ ରଖିବେ ।