ଆମେଠୀ ଓ ରାୟବରେଲୀରୁ ପ୍ରାର୍ଥୀ ହେବେ କି ରାହୁଲ ଓ ପ୍ରିୟଙ୍କା? ସେ ନେଇ ଆରମ୍ଭ ହୋଇଛି ଚର୍ଚ୍ଚା ,ଖୁବଶୀଘ୍ର ହୋଇପାରେ ନାଁ ଘୋଷଣା ।
କନକବ୍ୟୁରୋ : ଉତରପ୍ରଦେଶର ହାଇପ୍ରୋଫାଇଲ ସଂସଦୀୟ କ୍ଷେତ୍ର ହେଉଛି ଆମେଠୀ ଓ ରାୟବରେଲୀ । ଏହି ୨ଟି ଗୁରୁତ୍ୱପୂର୍ଣ୍ଣ ଆସନ କଂଗ୍ରେସ ତଥା ଗାନ୍ଧୀ ପରିବାରର ପାରମ୍ପରିକ ଆସନ ଭାବେ ପରିଚିତ । ତେବେ ଚଳିତ ନିର୍ବାଚନ ପାଇଁ ବର୍ତମାନ ପର୍ଯ୍ୟନ୍ତ ଏହି ୨ଟି ଆସନରେ କଂଗ୍ରେସ ନିଜର ପ୍ରାର୍ଥୀ ଘୋଷଣା କରିନାହିଁ । ପୂର୍ବ ନିର୍ବାଚନରେ ଆମେଠୀ ଆସନରୁ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ଠାରୁ ପରାଜୟ ପରେ କଂଗ୍ରେସ ସାଂସଦ ରାହୁଲ ଗାନ୍ଧୀ କେରଳର ୱାୟନାଡ ଆସନରୁ ଲୋକସଭାକୁ ଯାଇଥିଲେ । ଏଥର ମଧ୍ୟ ରାହୁଲ ୱାୟନାଡରୁ ଲଢୁଥିବା ବେଳେ ଏଠାରେ ପରାଜିତ ହେବାର ଆଶଙ୍କା ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ପୂର୍ବଥର ଭଳି ଏଥର ମଧ୍ୟ ରାହୁଲ ଦ୍ୱିତୀୟ ଆସନ ଭାବେ ଆମେଠୀରୁ ନିର୍ବାଚନ ଲଢିପାରନ୍ତି ବୋଲି ଚର୍ଚ୍ଚା ହେଉଛି । ସେହିପରି ସୋନିଆ ଗାନ୍ଧୀ ରାଜସ୍ଥାନରୁ ରାଜ୍ୟସଭା ସାଂସଦ ଭାବେ ନିର୍ବାଚିତ ହେବା ପରେ ରାୟବରେଲୀ ଆସନରୁ ପ୍ରିୟଙ୍କା ଗାନ୍ଧୀ ପ୍ରାର୍ଥୀ ହେବା ନେଇ ଚର୍ଚ୍ଚା ଜୋର ଧରିଛି ।
ଏହି ଦୁଇଟି ଆସନରେ ପ୍ରାର୍ଥୀ ଘୋଷଣା ପାଇଁ ଶନିବାର ଦିଲ୍ଲୀ କଂଗ୍ରେସ ମୁଖ୍ୟ କାର୍ଯ୍ୟାଳୟରେ ସିଇସି ବୈଠକ ଅନୁଷ୍ଠିତ ହୋଇଯାଇଛି । ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ସଲମାନ ଖୁର୍ସିଦ, କେସି ବେଣୁଗୋପାଳ, ସୋନିଆ ଗାନ୍ଧୀ ପ୍ରମୁଖ ଏହି ବୈଠକରେ ସାମିଲ ହୋଇଥିଲେ । ଏହି ଦୁଇଟି ପ୍ରମୁଖ ଆସନ ପାଇଁ ରାହୁଲ ଓ ପ୍ରିୟଙ୍କାଙ୍କ ନାମ ସୁପାରିଶ କରାଯାଇଥିବା ବେଳେ ହାଇକମାଣ୍ଡ ଏହା ଉପରେ ନିଷ୍ପତି ନେବେ ବୋଲି ଚର୍ଚ୍ଚା ହେଉଛି । ଖୁବଶୀଘ୍ର ଦଳ ଏହି ୨ଟି ଆସନରେ ପ୍ରାର୍ଥୀ ଘୋଷଣା କରିବାର ସମ୍ଭାବନା ରହିଛି ।