ଭୁଲରେ କିଣିଥିଲା ଦଳ, ମ୍ୟାଚ୍ ଜିତାଇ ହିରୋ ପାଲଟିଲେ ଶଶାଙ୍କ ସିଂ । ଶଶାଙ୍କ ପ୍ରଦର୍ଶନ ପରେ ପଞ୍ଜାବ କିଙ୍ଗସକୁ ପ୍ରଶଂସକଙ୍କ ସମାଲୋଚନା
କନକ ବ୍ୟୁରୋ : ଆପଣଙ୍କୁ ଶୁଣିଲେ ହୁଏତ ଆଶ୍ଚର୍ଯ୍ୟ ଲାଗୁଥିବ କିନ୍ତୁ ଏହା ସତ । ଶୁକ୍ରବାର ଆଇପିଏଲରେ କେକେଆର ବିପକ୍ଷରେ ୨୬୨ ରନର ଲକ୍ଷ୍ୟକୁ ହାସଲ କରି ଐତିହାସିକ ବିଜୟ ପାଇଥିଲା ପଞ୍ଜାବ କିଙ୍ଗ୍୍ସ । ଆଉ ଦମଦାର ପଦର୍ଶନ କରି ମ୍ୟାଚ ଜିତାଇଥିଲେ ୩୨ ବର୍ଷିୟ ଖେଳାଳୀ ଶଶାଙ୍କ ସିଂ । ମାତ୍ର ୨୮ ବଲରୁ ୮ ଛକା, ୨ ଚୌକା ସହ ୬୮ କରି ଅପରାଜିତ ରହି ମ୍ୟାଚ୍ ଜିତାଇଥିଲେ ଶଶାଙ୍କ । ଦଳ ପକ୍ଷରୁ ଜନ ବେୟାରଷ୍ଟ୍ରୋଙ୍କ ଦମଦାର ଶତକ ପରେ ଶଶାଙ୍କ ବିସ୍ଫୋରକ ବ୍ୟାଟିଂ ଯୋଗୁ ଦୁଇ ବଲ ବାକି ଥାଇ ମ୍ୟାଚ ଜିତିନେଇଥିଲା ଦଳ । ଶଶାଙ୍କ ଶେଷ ପର୍ଯ୍ୟନ୍ତ କ୍ରିଜରେ ରହି ମ୍ୟାଚ ଜିତାଇବା ପରେ କ୍ରିକେଟ ପ୍ରେମୀମାନେ ଇଂଟରନେଟ୍ରେ ପଞ୍ଜାବ କିଙ୍ଗସ୍ଙ୍କୁ ଟ୍ରୋଲ କରୁଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
୨୦୨୪ ଆଇପିଏଲ ପାଇଁ ଦୁବାଇରେ ହୋଇଥିବା ନିଲାମୀରେ ୧୯ ବର୍ଷିୟ ଶଶାଙ୍କ ସିଂଙ୍କୁ ଆଣିବାକୁ ଚାହୁଁଥିଲା ପଞ୍ଜାବ କିଙ୍ଗସ୍ । କିନ୍ତୁ ୧୯ ବର୍ଷିୟ ବଦଳରେ ଛତିଶଗଡ଼ର ଅଲରାଉଣ୍ଡର ୩୨ ବର୍ଷିୟ ଶଶାଙ୍କ ସିଂଙ୍କୁ ୨୦ ଲକ୍ଷ ଟଙ୍କାର ଭୁଲରେ କିଣିଦେଇଥିଲା ଦଳ । ଏହା ଜଣାପଡିବା ପରେ ପଞ୍ଜାବ କିଙ୍ଗସର ମାଲିକାଣି ପ୍ରିତି ଜିଂଟା ଶଶାଙ୍କ ସିଂଙ୍କୁ ଟିମରେ ନେବାକୁ ଚାହୁଁନଥିଲେ । ଶଶାଙ୍କଙ୍କୁ ଫେରାଇ ନେବାକୁ ଅପିଲ ମଧ୍ୟ କରିଥିଲା ପଞ୍ଜାବ କିଙ୍ଗସ୍ କିନ୍ତୁ ବିିସିସିଆଇ ମନା କରିଥିଲା । ଫଳରେ ବାଧ୍ୟରେ ଟିମରେ ଶଶାଙ୍କଙ୍କୁ ସାମିଲ କରିଥିଲ ପଞ୍ଜାବ । ଚଳିତ ଆଇପିଏଲରେ ଗୁଜରାଟ ଟାଇଟନ୍ସ ବିପକ୍ଷରେ ୨୯ ବଲରୁ ୬୧ ରନ କରି ଚର୍ଚ୍ଚାକୁ ଆସିଥିଲେ ଅଫ ସ୍ପିନର ବ୍ୟାଟର ଶଶାଙ୍କ । ପରେ ଆରସିବି ବିପକ୍ଷରେ ୮ ବଲରୁ ୨୧ ରନ କରିଥିଲେ ଶଶାଙ୍କ । ଶୁକ୍ରବାର କେକେଆର ବିପକ୍ଷରେ ଧୁଆଁଧାର ଇନିସ୍ ଖେଳି ପଞ୍ଜାବକୁ ଜିତାଇଥିଲେ ଶଶାଙ୍କ ।
ଶଶାଙ୍କ ସିଂ ପୂର୍ବରୁ ସନରାଇଜର୍ସ ହାଇଦ୍ରାବାଦ, ରାଜସ୍ଥାନ ରୟାଲ୍ସ, ଦିଲ୍ଲୀ ଡେୟାର ଭେଡିଲ୍ସ ପକ୍ଷରୁ ଖେଳିଥିଲେ ମଧ୍ୟ ତାଙ୍କର ପଦର୍ଶନ ଏତେ ଭଲ ନଥିଲା । କିନ୍ତୁ ଏଥର ଭୁଲରେ କିଣିଥିବା ଦଳ ପଞ୍ଜାବ କିଙ୍ଗସ୍ ପାଇଁ ମ୍ୟାଚ ବିଜୟୀ ଇନିସ୍ ଖେଳି ନିଜକୁ ସଠିକ୍ ସାବ୍ୟସ୍ଥ କରିଛନ୍ତି ଶଶାଙ୍କ ।