ଆହୁରି ୧୦ ବର୍ଷ ମୁଖ୍ୟମନ୍ତ୍ରୀ ରହିବାକୁ ଦୃଢୋକ୍ତି କରିବା ସହ ପ୍ରଦର୍ଶନକାରୀଙ୍କୁ କୁକୁର ସହ ତୁଳନା କଲେ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର । କଂଗ୍ରେସ କହିଲା ତୁରନ୍ତ ମାଗନ୍ତୁ କ୍ଷମା
କନକ ବ୍ୟୁରୋ : ରାଜ୍ୟସଭାରେ ପ୍ରଧାନମନ୍ତ୍ରୀ ଆନ୍ଦୋଳନକାରୀଙ୍କୁ ଆନ୍ଦୋଳନଜୀବୀ କହିବା ପରେ ଏହାକୁ ନେଇ ସାରା ଦେଶରେ ରାଜନୀତି ସରଗରମ ଥିବା ବେଳେ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ ବୁଧବାର ଦିନ ପ୍ରଦର୍ଶନକାରୀଙ୍କୁ କୁକୁର ସହ ତୁଳନା କରିଛନ୍ତି । ମୁଖ୍ୟମନ୍ତ୍ରୀଙ୍କ ଏଭଳି ବୟାନକୁ ପ୍ରସଙ୍ଗ କରି ରାଜ୍ୟ କଂଗ୍ରେସ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ବୁଧବାର ଦିନ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର ଗଲଗୋଣ୍ଡାର ନାଗାର୍ଜୁନ ସାଗର ଅଞ୍ଚଳରେ ଏକ ସରକାରୀ ଯୋଜନାର ଭିତ୍ତିପ୍ରସ୍ତର ସ୍ଥାପନ କରିବା ପରେ ଜନସଭାକୁ ସମ୍ବୋଧିତ କରୁଥିଲେ । ଠିକ୍ ଏହି ସମୟରେ କେତେଜଣ ମହିଳାଙ୍କ ସମେତ ଏକ ନିର୍ଦ୍ଧିଷ୍ଟ ସଂପ୍ରଦାୟର ଲୋକେ ମୁଖ୍ୟମନ୍ତ୍ରୀଙ୍କ ବିରୋଧ କରି ପ୍ରଦର୍ଶନ କରିଥିଲେ । ଏହା ଦେଖି କେସିଆର ଖୁବ୍ ରାଗିଯାଇ କହିଥିଲେ କି ‘ ତୁମେମାନେ ଯେଉଁଠାରୁ ଆସିଥିଲ ସେଠାକୁ ଚାଲିଯାଅ, ରହିବାର ଅଛି ତ ଶାନ୍ତିର ବାତାବରଣ ବଜାୟ ରଖନ୍ତୁ ’ । ପ୍ରଦର୍ଶନକାରୀ ମହିଳାଙ୍କୁ ଇଙ୍ଗିତ କରି କେସିଆର କହିଥିଲେ କି ‘ଆମ୍ମା ତୁମ ଭଳି ବହୁତ କୁକୁର ଅଛନ୍ତି’, ତେଣୁ ଅଯଥା ଅଶାନ୍ତି ନ କର ଶୀଘ୍ର ଏ ସ୍ଥାନ ଛାଡି ଚାଲି ଯାନ୍ତୁ’ ।
ମୁଖ୍ୟମନ୍ତ୍ରୀଙ୍କ ଏଭଳି ବୟାନକୁ ନେଇ ବିରୋଧୀ ମାନେ ହଙ୍ଗାମା ଆରମ୍ଭ କରିଛନ୍ତି । ବିରୋଧୀ ମାନେ ଦାବି କରିଛନ୍ତି କି ମୁଖ୍ୟମନ୍ତ୍ରୀ ଦେଇଥିବା ଟିପ୍ପଣିକୁ ନେଇ ସେ ଭୁଲ ମାଗନ୍ତୁ । ତେଲେଙ୍ଗାନା ପ୍ରଦେଶ କଂଗ୍ରେସ କମିଟିର ପ୍ରଭାରୀ ମଣିକମ୍ ଟାଗୋର କହିଛନ୍ତି କି ମୁଖ୍ୟମନ୍ତ୍ରୀ ଭୁଲି ଯାଉଛନ୍ତି କି ମହିଳା ମାନଙ୍କୁ ସେ କୁକୁର ବୋଲି କହିଛନ୍ତି । ଯାହାପାଇଁ ସେ ଏଭଳି ଆସନରେ ବସିଛନ୍ତି ତାଙ୍କୁ ଏଭଳି କହି ଗଣତନ୍ତ୍ରର ଅପମାନ କରିଛନ୍ତି ବୋଲି ମଣିକମ୍ କହିଛନ୍ତି ।