ଅଗ୍ନିପଥକୁ ନେଇ ଭୂଲ ସୂଚନା ଦେଉଥିଲେ ସାବଧାନ । ସରକାର ନେଲେ କଡା କାର୍ଯ୍ୟାନୁଷ୍ଠାନ, ୩୫ ହ୍ୱାଟସଆପ୍ ଗ୍ରୁପ୍ ବ୍ୟାନ, ୧୦ ଜଣ ଗିରଫ ।
କନକ ବ୍ୟୁରୋ : ଅଗ୍ନିପଥ ଯୋଜନାକୁ ନେଇ ସାରା ଦେଶରେ ନିଆଁ ଜଳୁଥିବା ବେଳେ ସରକାରଙ୍କ ପକ୍ଷରୁ ଆରମ୍ଭ ହୋଇଛି କାର୍ଯ୍ୟାନୁଷ୍ଠାନ ପର୍ବ । ଅଗ୍ନିପଥ ଯୋଜନାକୁ ନେଇ ଯୁବବର୍ଗ ରାସ୍ତାକୁ ଓହ୍ଲାଇଥିବା ବେଳେ ପ୍ରଦର୍ଶନ ଜାରି ରଖିଛନ୍ତି । ଏପରିକି ବିଭିନ୍ନ ସ୍ଥାନରେ ଭଙ୍ଗାରୁଜା କରିବା ସହ ପ୍ରଦର୍ଶନକୁ ହିଂସକ କରୁଛନ୍ତି । ହଜାର ହଜାର ଛାତ୍ରଛାତ୍ରୀ ପ୍ରଦର୍ଶନ ପାଇଁ ଏକାଠି ହେଉଛନ୍ତି । ଆଉ ଏସବୁ ଭିତରେ ଅଗ୍ନିପଥ ଯୋଜନାକୁ ନେଇ ଭୁଲ ସୂଚନା ଦେଉଥିବା ୩୫ଟି ହ୍ୱାଟସଆପ୍ ଗ୍ରୁପକୁ ବ୍ୟାନ୍ କରିଛନ୍ତି ସରକାର । ଏହାଛଡା ବିରୋଧ ପ୍ରଦର୍ଶନ କରୁଥିବା ଓ ଭ୍ରମିତ ସୂଚନା ଦେବା ଅଭିଯୋଗରେ ୧୦ ଜଣଙ୍କୁ ଗିରଫ ମଧ୍ୟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଭିତରେ ଅଗ୍ନିପଥ ଯୋଜନାକୁ ନେଇ ସାରା ଦେଶରେ ନିଆଁ ଜଳୁଥିବାବେଳେ ଭାରତୀୟ ସେନା କଡା ଆଭିମୁଖ୍ୟ ଦେଖାଇଛି । ବିକ୍ଷୋଭକାରୀଙ୍କୁ କଡା ଚେତାବନୀ ଦେଇ ସେନା କହିଛି, କୌଣସି ପରିସ୍ଥିତିରେ ବି ଯୋଜନାକୁ ପ୍ରତ୍ୟାହାର କରାଯିବ ନାହିଁ । ପ୍ରତିବାଦକାରୀଙ୍କ ଉପରେ ହୋଇଥିବା ପ୍ରଶ୍ନର ଉତର ଦେଇ ସେନା ଅଧିକାରୀମାନେ କହିଛନ୍ତି, ଯେଉଁ ଆଶାୟୀଙ୍କ ବିରୋଧରେ ମାମଲା ରୁଜୁ ହୋଇଥିବ, ସେମାନଙ୍କୁ ନିଯୁକ୍ତି ମିଳିବ ନାହିଁ । ସେମାନଙ୍କୁ ପୁଲିସ ସାର୍ଟିଫିକେଟ ଆଣିବାକୁ ପଡିବ । ଭାରତୀୟ ସେନାର ଏହି ଅଧିକାରୀମାନେ ସାମ୍ବାଦିକ ସମ୍ମିଳନୀରେ ସ୍ପଷକରି କହିଛନ୍ତି ଭାରତୀୟ ସେନାର ହାରାହାରି ବୟସ କମ ହେବା ଦରକାର । ଏହାଛଡା ଅଗ୍ନିପଥକୁ ନେଇ ଦେଖାଦେଇଥିବା ଦ୍ୱନ୍ଦ୍ୱକୁ ଦୂର କରିବାକୁ ସେନା ପକ୍ଷରୁ ପ୍ରୟାସ କରାଯାଇଛି ।