କନକ ବ୍ୟୁରୋ: ସାରା ବିଶ୍ୱରୁ ପୁଣି ଆତଙ୍କ ଖେଳାଇଛି କରୋନା ମହାମାରୀ । ଅଧିକାଂଶ ଦେଶରେ କରୋନା ନିଜର ବିସ୍ତାର ବୃଦ୍ଧି କରିବାରେ ଲାଗିଛି । ସଂକ୍ରମଣ ସହ ମୃତ୍ୟୁ ଦରରେ ଲାଗୁନି ବ୍ରେକ୍ । ଗତ ୨୪ ଘଂଟାରେ ସାରା ବିଶ୍ୱରୁ ୨୧ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହେବା ସହ ୯ଲକ୍ଷ ୫୦ହଜା ସଂକ୍ରମିତ ସୁସ୍ଥ ହୋଇଛନ୍ତି । ସେହିପରି ୪ହଜାର ୬୦୮ଜଣଙ୍କ ଜୀବନ ନେଇଛି ଘାତକ ମହାମାରୀ
Kanak News is now on WhatsApp
Join and get latest news updates delivered to you via WhatsApp
୨୦୨୨ ଆରମ୍ଭରୁ ସାରା ବିଶ୍ୱରେ ପୁଣି ଆତଙ୍କ ଖେଳାଇଲାଣି କରୋନାର ଅଦୃଶ୍ୟ ଭୂତାଣୁ । ନୂଆ ପ୍ରଜାତି ଓମିକ୍ରନ ଭାରିଆଂଟ ଏବେ ବିଶ୍ୱର ବିଭିନ୍ନ ଦେଶରେ ଆତଙ୍କର ନାଁ ହୋଇ ପହଁଚି ଗଲାଣି । ଓମିକ୍ରନର ଦ୍ରୁତ ସଂକ୍ରମଣ ପ୍ରଭାବ କାରଣରୁ ଲଗାତାର କରୋନା ସଂକ୍ରମିତଙ୍କ ସଂଖ୍ୟା ବିଶ୍ୱରେ ବୃଦ୍ଧି ପାଇବାରେ ଲାଗିଛି ।
– ବିଶ୍ୱରେ ୨୧୨ ରୁ ଅଧିକ ଦେଶରେ ପହଁଚିଲାଣି ଓମିକ୍ରନ
– ବିଶ୍ୱରେ ବଢିଚାଲିଛି କରୋନା ସଂକ୍ରମଣ ଓ ମୃତ୍ୟୁ ସଂଖ୍ୟା
– ବର୍ତମାନ କରୋନା ସଂକ୍ରମଣରେ ସବୁଠୁ ଆଗରେ ଆମେରିକା
– ଆମେରିକାରେ ଦୈନିକ ସଂକ୍ରମଣ ପହଁଚିଗଲାଣି ୧୦ ଲକ୍ଷ
ଗତ ପ୍ରାୟ ଏକ ସପ୍ତାହରୁ ଅଧିକ ସମୟ ଧରି ଆମେରିକାରେ ଏହିପରି ସଂକ୍ରମଣ ହାର ଅଧିକ ରହୁଛି । ଆମେରିକା ପରେ ୨ୟ ସ୍ଥାନରେ ରହିଛି ଭାରତ । ଭାରତରେ ଦୈନିକ ସଂକ୍ରମଣ ୧ ଲକ୍ଷ ୬୦ ହଜାର ଅତିକ୍ରମ କରିଗଲାଣି । ଆମେରିକା ଓ ଭାରତ ପରେ ଦୈନିକ ସଂକ୍ରମଣରେ ତୃତୀୟ ସ୍ଥାନରେ ରହିଛି ବ୍ରିଟେନ
କେଉଁ ଦେଶରେ କେତେ ଜଣ ପ୍ରଭାବିତ ହୋଇଛନ୍ତି, କେତେଜଣଙ୍କ ଜୀବନ ଯାଇଛି ଓ କେତେ ସଂଖ୍ୟକ ଲୋକ ସୁସ୍ଥ ହୋଇଛନ୍ତି ।
– ପୂରା ବିଶ୍ୱରେ ବର୍ତମାନ ସୁଦ୍ଧା ୩୧ କୋଟି ୨ ଲକ୍ଷ ୭୩୯ ଲୋକ କରୋନା ସଂକ୍ରମିତ
– ମୋଟ୍ ଆକ୍ରାନ୍ତଙ୍କ ମଧ୍ୟରୁ ସୁସ୍ଥ ହୋଇ ସାରିଲେଣି ୨୬ କୋଟିରୁ ଅଧିକ
– ସାରାବିଶ୍ୱରେ କରୋନା ମୃତ୍ୟୁ ସଂଖ୍ୟା ୫୫ ଲକ୍ଷ ୧୧ ହଜାର
– ବିଶ୍ୱରେ ସଂକ୍ରମଣ ସହ ସର୍ବାଧିକ କରୋନା ମୃତ୍ୟୁରେ ଆଗରେ ଆମେରିକା
– ଆମେରିକାରେ କରୋନାରେ ୮ଲକ୍ଷ ୬୧ ହଜାର ମୃତ୍ୟୁ ହୋଇଛି
– ୬ ଲକ୍ଷ ୨୦ ହଜାର କରୋନା ମୃତ୍ୟୁ ସହ ଦ୍ୱିତୀୟ ସ୍ଥାନରେ ବ୍ରିଟେନ
– ୪ ଲକ୍ଷ ୮୪ ହଜାର କରୋନା ମୃତ୍ୟୁ ସହ ତୃତୀୟ ସ୍ଥାନରେ ଅଛି ଭାରତ
ଆମେରିକାରେ ରେକର୍ଡ ସଂଖ୍ୟକ ଆକ୍ରାନ୍ତ ବର୍ତମାନ ହସ୍ପିଟାଲରେ ଭର୍ତି ହେଉଛନ୍ତି । ଆମେରିକାରେ ଏବେ ଦୈନିକ ଲକ୍ଷେ ୩୨ ହଜାରରୁ ଅଧିକ ଆକ୍ରାନ୍ତ ହସ୍ପିଟାଲରେ ଭର୍ତି ହୋଇ ଚିକିତ୍ସିତ ହେଉଛନ୍ତି । ଗତବର୍ଷ ଦେଶରେ ଡେଲଟା ଆକ୍ରାନ୍ତ ଅଧିକ ଥିବା ବେଳେ ଲକ୍ଷେ ୩୨ ହଜାର ହସ୍ପିଟାଲରେ ଭର୍ତି ହୋଇଥିଲେ । ଏବେ କିନ୍ତୁ ତିନି ସପ୍ତାହ ହେବ ଡେଲଟା ତୁଳନାରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ଆମେରିକାରେ ବଢି ଚାଲିଛି । ଡିସେମ୍ବର ଯାଏ ଆମେରିକାରେ ହସ୍ପିଟାଲରେ ବେଡ୍ ସଂଖ୍ୟା ଏତେଟା ଭର୍ତି ହୋଇନଥିଲା । କିନ୍ତୁ ଏବେ ଜାନୁଆରୀରେ ହଠାତ୍ ହସ୍ପିଟାଲରେ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେଣୁ ଆମେରିକାର ଏପରି କରୋନା ସଂକ୍ରମଣ ବୃଦ୍ଧି ସ୍ଥିତି ଦେଶର ଚିକିତ୍ସା ବ୍ୟବସ୍ଥା ଉପରେ ବୋଝ ବଢାଇବାରେ ଲାଗିଛି । ଆକ୍ରାନ୍ତଙ୍କ ସଂଖ୍ୟା ହସ୍ପିଟାଲରେ ବଢୁଥିବାରୁ ମୃତକଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି । ଆମେରିକାରେ ଏବେ କରୋନାରେ ଦୈନିକ ପ୍ରାୟ ହଜାରେ ଉପରେ ଲୋକ କରୋନା ସଂକ୍ରମଣରେ ପ୍ରାଣ ହରାଉଛନ୍ତି ।
ଆମେରିକା, ବ୍ରିଟେନ ସହ ୟୁରୋପୀୟ ଦେଶ ଗୁଡିକରେ ସବୁଠୁ ଅଧିକ କରୋନା କହର ଦେଖିବାକୁ ମିଳିଛି । ଜର୍ମାନୀରେ ଗତ ୧୫ଦିନ ମଧ୍ୟରେ ୯୧ ପ୍ରତିଶତ ଓ ଇଟାଲୀରେ ୩୦୦ ପ୍ରତିଶତ କରୋନା ଏବଂ ଓମିକ୍ରନ ମାମଲା ସାମ୍ନାକୁ ଆସିଛି । ସଂକ୍ରମଣର ଏପରି ଶିଖର ମୁହାଁ ଅବସ୍ଥାରେ ୟୁରୋପ ସରକାର କରୋନା ଟିକା ଓ ବୁଷ୍ଟର ଡୋଜ ବାଧ୍ୟତାମୂଳକ କରିଛନ୍ତିି ।