କନକ ବ୍ୟୁରୋ: ଗୋଟିଏ ଝଟକାରେ ଚାଲିଗଲା ବର୍ଷ ଯାକର ପରିଶ୍ରମ । ପ୍ରାୟ ୨ଶହ ମତ୍ସ୍ୟଜୀବୀ ଏବେ ଅନ୍ଧାରରେ । କାରଣ ଜଳଭଣ୍ଡାରର ଗେଟ୍ ଖୋଲି ଦେବାରୁ ଭାସିଗଲେ ହଜାର ହଜାର କିଲୋ ମାଛ । ଆମେ କହୁଛୁ ଗଜପତି ଜିଲ୍ଲା ମୋହନା ବ୍ଲକର ହରଭଙ୍ଗୀ ଜଳଭଣ୍ଡାର କଥା । ଗତ କିଛିଦିନ ହେଲା ଲଗାଣ ବର୍ଷା ଫଳରେ ଜଳଭଣ୍ଡାରରେ ବଢିବାକୁ ଲାଗିଥିଲା ଜଳସ୍ତର । ଆଉ ଜଳ ପରିଚାଳନା ପାଇଁ ମୋଟ ୮ଟି ଗେଟ୍ରୁ ୨ଟି ଗେଟ୍ ଜଳ ନିଷ୍କାସନ କରିବାକୁ ବାଧ୍ୟ ହୋଇଥିଲେ କର୍ତୃପକ୍ଷ । ଏ ହେଉଛି ସେ ଡ୍ୟାମ୍ର ଦୃଶ୍ୟ ଓ ଏହା ଉପରେ ନିର୍ଭର କରୁଥିବା ମତ୍ସଜୀବୀଙ୍କର ଚିତ୍ର । ଘଂଟା ଘଂଟା ଜଳଭଣ୍ଡାରରେ ଜାଲ ଧରି ମାଛ ମାରିବା ପରେ ଖାଲି ହାତରେ ଫେରିବାକୁ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ବଡକଥା ହେଉଛି ଆଦିବାସୀ ସମ୍ପ୍ରଦାୟର ଏହି ମତ୍ସ୍ୟଜୀବୀମାନେ ଏକ ସୋସାଇଟି କରି ବର୍ଷ ବର୍ଷ ଧରି ଡ୍ୟାମ୍ରେ ମାଛ ଚାଷ କରି ଆସୁଛନ୍ତି । ଏଥିପାଇଁ କିଛି ସରକାରୀ ପ୍ରୋତ୍ସାହନ ମଧ୍ୟ ମିଳୁଛି । ହେଲେ ଜୀବନ ଜିବିକା କହିଲେ କେବଳ ମାଛ ମାରିବା । ବନ୍ୟା ଜଳରେ ମାଛ ଭାସିଯିବା ପରେ କେବଳ ଏହି ହରଭଙ୍ଗୀ ଜଳଭଣ୍ଡାର ଉପରେ ନିର୍ଭର କରୁଥିବା ମତ୍ସ୍ୟଜୀବୀଙ୍କର କଣ ହେବ ତାହା କୁ ନେଇ ଚିନ୍ତାରେ ।