ପୁଣି ଚର୍ଚ୍ଚାରେ ପଶ୍ଚିମ ଓଡ଼ିଶା ବିକାଶ ପରିଷଦ । ସଦସ୍ୟଙ୍କୁ ନେଇ ପରିଷଦ ଗଠନ ଏବଂ ମୁଖ୍ୟାଳୟ ସ୍ଥାନାନ୍ତର ଦାବି ଉଠାଇଲା ବିଜେପି
କନକ ବ୍ୟୁରୋ: ପଶ୍ଚିମ ଓଡ଼ିଶା ବିକାଶ ପରିଷଦକୁ ନେଇ ଏକାଠି ହୋଇଛନ୍ତି ପଶ୍ଚିମ ଓଡ଼ିଶାର ବିଜେପି ବିଧାୟକ ଓ ନେତା । ପଶ୍ଚିମ ଓଡ଼ିଶା ପ୍ରତି ଅବହେଳାକୁ ବରଦାସ୍ତ କରାଯିବ ନାହିଁ ବୋଲି ଆହ୍ୱାନ ଦେବା ସହ ସମ୍ବଲପୁରରେ ଏକାଧିକ ଦାବି କରିଛନ୍ତି ବିଜେପି ନେତା । ଏହି ଅବସରରେ ବିଜେପି ରାଜ୍ୟ ସରକାରଙ୍କୁ ପ୍ରଶ୍ନ କରିଛି-
Kanak News is now on WhatsApp
Join and get latest news updates delivered to you via WhatsApp
୨୦୧୬ ପରଠାରୁ କାହିଁକି ଗଠନ ହୋଇନାହିଁ ପରିଷଦ?
କେବଳ ଅଧ୍ୟକ୍ଷଙ୍କୁ ନେଇ କେମିତି ଚାଲିଛି ଡବ୍ଲୁଓଡିସି?
ଜଣେ ବ୍ୟକ୍ତି କେମିତି ପରିଚାଳନା କରୁଛନ୍ତି ୨ଶହ କୋଟିର ବଜେଟ୍?
ପଶ୍ଚିମ ଓଡ଼ିଶା ବିକାଶ ପରିଷଦର ମୁଖ୍ୟାଳୟ ସ୍ଥାନାନ୍ତରରେ ଟାଳଟୁଳ କାହିଁକି?
ଆଇନ୍ ଅନୁସାରେ ୨ଜଣ ସାଂସଦ ଏବଂ ୧୧ ଜଣ ବିଧାୟକଙ୍କୁ ସଦସ୍ୟ ଭାବେ ନେଇ ପଶ୍ଚିମ ଓଡ଼ିଶା ବିକାଶ ପରିଷଦ ଗଠନ ହେବା କଥା କିନ୍ତୁ ୨୦୧୬ ପରଠାରୁ ଏହା ଗଠନ ହୋଇନାହିଁ । ଏହାରି ଭିତରେ ବିକାଶ ପରିଷଦର ବଜେଟ୍ ଶହେରୁ ୨ଶହ କୋଟିକୁ ମଧ୍ୟ ବୃଦ୍ଧି କରିଛନ୍ତି ରାଜ୍ୟ ସରକାର । ଆଉ ସବୁ ଭିତରେ ଆସନ୍ତା ୧୦ ତାରିଖରେ ରାଜଭବନ ସମ୍ମୁଖରେ ଆନ୍ଦୋଳନ ଓ ବିକ୍ଷୋଭ ପ୍ରଦର୍ଶନ କରିବ ଭାରତୀୟ ଜନତା ପାର୍ଟି ।