ମୁଣ୍ଡ ଟେକୁଛି ନୂଆ ଭୂତାଣୁର ଭୟ । ଆମେରିକାର ସ୍ୱାସ୍ଥ୍ୟ ପରାମର୍ଶଦାତା କହିଲେ, ଦେଶ ସାମ୍ନା କରିପାରେ ଆଉ ଏକ ନୂଆ ଭେରିଆଂଟ
କନକ ବ୍ୟୁରୋ: କରୋନାର ନୂଆ ପ୍ରଜାତି ବା ମ୍ୟୁଟାଂଟ ଭୂତାଣୁ ଆମେରିକାରେ ବିପର୍ଯ୍ୟୟ ଘଟାଇପାରେ । ଡେଲଟା ପରେ ଆମେରିକାରେ ଏବେ ମ୍ୟୁଟାଂଟ ଭୂତାଣୁର ଲକ୍ଷଣ ଦେଖା ଦେଇଥିବା ସତର୍କ କରାଇଦେଇଛନ୍ତି ହ୍ୱାଇଟ ହାଉସର ମେଡିକାଲ ଆଡଭାଇଜର ମାଇକ ଫସି । ଆମେରିକାରେ ଦ୍ରୁତ ଟିକାକରଣ ସତ୍ୱେ ଏବେ ଦୈନିକ ସଂକ୍ରମଣ ପାଖପାଖି ୧ ଲକ୍ଷ ରହୁଛି । ତେବେ ମ୍ୟୁଟାଂଟ ଭୂତାଣୁର ସଂକ୍ରମଣ ଆରମ୍ଭ ହେଲେ ସ୍ଥିତି ଅଣାୟତ ହୋଇପାରେ ବୋଲି ଫସି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମେରିକାରେ କରୋନାର ନୂଆ ପ୍ରଜାତିକୁ ନେଇ ଶଙ୍କା ପ୍ରକାଶ ପାଇଥିବା ବେଳେ ଆମେ ଏହାକୁ ଗୁରୁତ୍ୱ ଦେବାର କାରଣ ହେଉଛି । ଏବେ ଯାହା ଆମେରିକାରେ ଚାଲିଛି, ହୁଏତ ଆଗକୁ ତାହା ଭାରତରେ ମଧ୍ୟ ହୋଇପାରେ । ଆମେରିକାରେ ନୂଆ ପ୍ରଜାତିର ଭୂତାଣୁ ସଂକ୍ରମଣକୁ ନେଇ ଭୟ କରିବାର କାରଣ ହେଉଛି
ମ୍ୟୁଟାଂଟ ଭୂତାଣୁ ସାର୍ସ-କୋଭ-୨ ଠାରୁ ପ୍ରାୟ ୧ ହଜାର ଗୁଣ ଅଧିକ ସଂକ୍ରାମକ ହେବ ଏବଂ
ଡେଲଟାଠାରୁ କ୍ଷିପ୍ର ବେଗରେ ସଂକ୍ରମଣ କରିବ
ଆମେରିକାରେ ଟିକା ନେଇନଥିବା ୯ କୋଟି ଲୋକଙ୍କ ପ୍ରତି ବିପଦ
ଦୈନିକ ସଂକ୍ରମଣ ୧ ଲକ୍ଷରୁ ୨ ଲକ୍ଷ ଛୁଇଁବା ଆଶଙ୍କା
ବିଶ୍ୱ ସ୍ୱାସ୍ଥ୍ୟ ସଂଗଠନ ମୁଖ୍ୟ ଟେଡରସ ଗେବରିୟସ କହିଛନ୍ତି, ଡେଲଟା ଭୂତାଣୁର ସଂକ୍ରମଣ ଯୋଗୁଁ ବିଶ୍ୱ ଏବେ ବିପଦଜନକ ସମୟ ଦେଇ ଗତି କରୁଛି । ଡେଲଟା ନିରନ୍ତର ବିକଶିତ ଓ ରୂପ ପରିବର୍ତିତ କରି ମାନବ ସମାଜର ବଡ କ୍ଷତି କରୁଛି ।
ଧନୀ ଦେଶରେ ଟିକାକରଣ ହେଉଥିବା ବେଳେ ଗରିବ ଦେଶରେ ଟିକା ଉପଲବ୍ଧ ହେଉନଥିବାରୁ ସତର୍କ କରାଇ ଦେଇଛି ଡବ୍ଲୁଏଚଓ । ସେପଟେ କଲମ୍ବିଆ ୟୁନିର୍ଭସିଟିର ପ୍ରଫେସର ଡକ୍ଟର ଷ୍ଟିଫେନ ମୋରସେ କହିଛନ୍ତି, ଗୋଟିଏ ମଣିଷ ଠାରୁ ଅନ୍ୟ ମଣିଷକୁ ସଂକ୍ରମଣ ଭିତରେ ନିଜକୁ ବିକଶିତ କରିବା ସହ ରୁପ ପରିବର୍ତନ କରିବାରେ ସମର୍ଥ ହୋଇଥାଏ । ଏବେ ଆମେରିକାରେ ଦୈନିକ ଏକ ଲକ୍ଷ ସଂକ୍ରମଣ ହେଉଥିବାରୁ ଭୂତାଣୁକୁ ମ୍ୟୁଟାଂଟ ହେବାରେ ସହାୟକ ହେଉଛି । ଆଉ ଏହି ମ୍ୟୁଟାଂଟ ଭୂତାଣୁ ବିଶ୍ୱର ଅନ୍ୟ ଦେଶକୁ ସଂକ୍ରମିତ ହୋଇ ସ୍ଥିତି ଅସମ୍ଭାଳ କରିଦେଇପାରେ ।