କନକ ବ୍ୟୁରୋ: ଏହା କୌଣସି ଫିଲ୍ମର ସୁଟିଂ ନୁହେଁ । ବରଂ ସୁଟିଂ ସେଟରେ ଚାଲିଛି ହଙ୍ଗାମା । ମଙ୍ଗଳବାର ସକାଳେ ଏକ ମ୍ୟୁଜିକ ଭିଡିଓର ସୁଟିଂ ନେଇ ଭୁବନେଶ୍ୱରର ଜୟଦେବ ବାଟିକାରେ ହାଇଡ୍ରାମା ଦେଖିବାକୁ ମିଳିଛି । ଅଭିଯୋଗ ଅନୁସାରେ, ମୁମ୍ବାଇ ଅଭିନେତ୍ରୀ ଆକାଂକ୍ଷା ଶର୍ମାଙ୍କ ସହ ଏକ ମ୍ୟୁଜିକ ଭିଡିଓର ସୁଟ କରିବାକୁ ଚୁକ୍ତିବଦ୍ଧ ହୋଇଥିଲେ ଅଭିନେତା ହିତେଶ ଦାସ । କିନ୍ତୁ ମ୍ୟୁଜିକ ଭିଡିଓ ପ୍ରଯୋଜକ ତଥା ନିର୍ଦ୍ଦେଶକ କୈଳାସ ରଥୀ ସୁଟିଂ ପୂର୍ବଦିନ ହିତେଶଙ୍କୁ ଟଙ୍କା ମାଗିଥିଲେ । ମଙ୍ଗଳବାର ସକାଳେ ସୁଟିଂ ଆରମ୍ଭ ହେବାକୁ ଥିବାବେଳେ ପୁଲିସ ସହ ପଂହଚିଯାଇଥିଲେ ହିତେଶ । ଆଉ ଜୟଦେବ ବାଟିକାରେ କିଛି ସମୟ ଧରି ହଙ୍ଗାମା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଜୟଦେବା ବାଟିକାରେ ଚାଲିଥିବା ସୁଟିଂ ସେଟରେ ବହୁ ସମୟ ଧରି ହଙ୍ଗାମା ପରେ ପୁଲିସ ପଂହଚି ସ୍ଥିତିକୁ ନିୟନ୍ତ୍ରଣ କରିଛି । ସୁଟିଂ ଅଧାରେ ବନ୍ଦ ହୋଇଥିବାବେଳେ ନିର୍ଦ୍ଦେଶକ ଓ ପ୍ରଯୋଜକଙ୍କୁୁ ଆଣି ଥାନାରେ ପଚରାଉଚରା ପରେ ଛାଡିଦେଇଛି । ସୁଟିଂ ଅଧାରେ ବନ୍ଦ ହୋଇଯାଇଥିବାରୁ ନିରାଶ ହୋଇଛନ୍ତି ମୁମ୍ବାଇରୁ ଆସିଥିବା ଅଭିନେତ୍ରୀ ଆକାଂକ୍ଷା ଶର୍ମା । ଏକ ନିର୍ଦ୍ଦିଷ୍ଟ ପ୍ର ଯୋଜନା ସଂସ୍ଥା ସହ ଅନୁବନ୍ଧିତ ହୋଇଥିବାରୁ ଆକାଂକ୍ଷା ସୁଂଟି ପାଇଁ ଭୁବନେଶ୍ୱର ଆସିଥିଲେ ।
ମ୍ୟୁଜିକ ଭିଡିଓ ସୁଟିଂ କରିବାକୁ ହେଲେ ଏଥିପାଇଁ ପୂର୍ବପ୍ରସ୍ତୁତି ଆବଶ୍ୟକ ହୋଇଥାଏ । କଳାକାରଙ୍କୁ ଆଗରୁ ଚୟନ କରାଯାଇଥାଏ । ସେହି ଅନୁସାରେ ସେମାନଙ୍କୁ ଅନୁବନ୍ଧିତ ବି କରାଯାଇଥାଏ । କିନ୍ତୁ ସୁଟିଂ ପୂର୍ବଦିନ ଅଭିନେତାଙ୍କୁ କାହିଁକି ଟଙ୍କା ମଗାଗଲା ତାହା ଚର୍ଚ୍ଚାର ବିଷୟ ହୋଇଛି । ଯଦି ସୁଟିଂ ପାଇଁ ଅଧିକ ଟଙ୍କା ଦେଇ ମୁମ୍ବାଇରୁ ଅଭିନେତ୍ରୀ ଅଣାଯାଉଛି, ସ୍ଥାନୀୟ ଅଭିନେତାଙ୍କୁ ପାଉଣା ଦେବାକୁ ପ୍ର ଯୋଜନା ସଂସ୍ଥା ମନାକରୁଛନ୍ତି କାହିଁକି ।