ଆରପାରିରେ ପୂର୍ବତନ ବାଚସ୍ପତି ସୂର୍ଯ୍ୟ ପାତ୍ର । ଚିକିତ୍ସାଧୀନ ଅବସ୍ଥାରେ ଆଖି ବୁଜିଲେ ଦିଗପହଣ୍ଡି ବିଧାୟକ ।
କନକ ବ୍ୟୁରୋ: ଆରପାରିରେ ପୂର୍ବତନ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ଶନିବାର ସନ୍ଧ୍ୟାରେ ୭୫ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
#ଆଉନାହାଁନ୍ତି_ସୂର୍ଯ୍ୟ_ନାରାୟଣ_ପାତ୍ର
ଚିକିତ୍ସାଧୀନ ଅବସ୍ଥାରେ ପୂର୍ବତନ ବାଚସ୍ପତିଙ୍କ ଦେହାନ୍ତ
ଆଖି ବୁଜିଲେ ବିଧାୟକ ସୂର୍ଯ୍ୟ ନାରାୟଣ ପାତ୍ର#SuryaNarayanPatra #Odisha #KanakNews pic.twitter.com/KmpFiARYzT— Kanak News (@kanak_news) September 2, 2023
ଓଡିଶା ରାଜନୀତିର ଏହି ଭେଟେରାନ୍ ନେତା ଲଗାତାର ୭ ଥରର ବିଧାୟକ ରହିଥିଲେ । ୧୯୯୦ ମସିହାରୁ ଆଜି ପର୍ଯ୍ୟନ୍ତ ସେ ବିଧାନସଭାର ସଦସ୍ୟ ଥିଲେ । ୧୯୯୦ ମସିହାରେ ସେ ମୋହନାରୁ ପ୍ରଥମ ଥର ପାଇଁ ନିର୍ବାଚିତ ହେଇ ବିଧାୟକ ହେଇଥିଲେ । ମୋହନାରୁ ୪ ଥର ଏବଂ ଦିଗପହଣ୍ଡିରୁ ୩ ଥର ସେ ବିଧାୟକ ଭାବେ ନିର୍ବାଚିତ ହେଇଥିଲେ । ତେବେ ରାଜ୍ୟ ସରକାରରେ ସେ ବିଭିନ୍ନ ପଦବୀରେ ମନ୍ତ୍ରୀ ରହିଥିଲେ । ହେଲେ ଆଜି ସନ୍ଧ୍ୟାରେ ତାଙ୍କର ଦେହାନ୍ତ ଘଟିଛି ।
ସୂର୍ଯ୍ୟ ନାରାୟଣ ପାତ୍ର
- ୧୯୪୮ ମସିହା ଡିସେମ୍ବର ୨୪ ତାରିଖରେ ଜନ୍ମ
- ୧୯୯୦ ମସିହାରେ ପ୍ରଥମ ଥର ବିଧାୟକ
- ମୋହନାରୁ ଜନତା ଦଳ ଟିକେଟରେ ପ୍ରଥମ ଥର ବିଧାୟକ
- ଲଗାତାର ୪ ଥର ମୋହନାରୁ ବିଧାୟକ ଥିଲେ ସୂର୍ଯ୍ୟ ପାତ୍ର
- ୨୦୦୯ ମସିହାରୁ ଦିଗପହଣ୍ଡିରୁ ନିର୍ବାଚିତ ହେଉଥିଲେ ସୂର୍ଯ୍ୟ ପାତ୍ର
- ସରକାରଙ୍କ ବିଭିନ୍ନ ବିଭାଗରେ ମନ୍ତ୍ରୀ ଭାବେ ଦାୟିତ୍ୱ ସମ୍ଭାଳିଥିଲେ
- ଓଡିଶା ବିଧାନସଭାର ବାଚସ୍ପତି ମଧ୍ୟ ରହିଥିଲେ ସୂର୍ଯ୍ୟ ପାତ୍ର
- ଚିକିତ୍ସାଧୀନ ଅବସ୍ଥାରେ ସେପ୍ଟେମ୍ବର ୨୩, ୨୦୨୩ରେ ବିୟୋଗ