କନକ ବ୍ୟୁରୋ : ଆଉ ୮ ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ଘୋଷଣା କଲା ବିଜେପି । ତେଲକୋଇ ସହିତ କେନ୍ଦ୍ରାପଡା, ଖୋର୍ଦ୍ଦା, ସାଲେପୁର ଆଦି ଆସନ ପାଇଁ ଯୋଦ୍ଧା ଘୋଷଣା କରିଛି ଭାରତୀୟ ଜନତା ପାର୍ଟି । ଅନ୍ୟପଟେ ହିନ୍ଦୋଳ, ଚମ୍ପୁଆ, ବସ୍ତା, ବାସୁଦେବପୁର ପାଇଁ ମଧ୍ୟ ଦଳ ପ୍ରାର୍ଥୀ ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୀର୍ଘ ଦିନର ଚର୍ଚ୍ଚା ଆଲୋଚନା, ଛକାପଞ୍ଝା ପରେ ଖୋର୍ଦ୍ଧାରେ କାର୍ଡ ଖୋଲିଛି ଦଳ । କାଳୁ ଖଣ୍ଡାୟତରାୟଙ୍କ ଟିକେଟ୍ କାଟି ଏହି ଆସନରୁ ଆମଦାନୀ ନେତା ପ୍ରଶାନ୍ତ ଜଗଦ୍ଦେବଙ୍କୁ ଦଳ ଟିକେଟ୍ ଦେଇଛି । ସେହିପରି ସାଲେପୁର ଆସନରେ ଓଲିଉଡ୍ ଅଭିନେତା ତଥା ନିକଟରେ ବିଜେଡି ଛାଡିଥିବା ଅରିନ୍ଦମ ରାୟଙ୍କୁ ଦଳ ଟିକେଟ୍ ଦେଇଛି । ଏହାସହିତ ହିନ୍ଦୋଳରେ ମଧ୍ୟ ପୂର୍ବତନ ବିଧାୟିକା ସୀମାରାଣୀ ନାୟକଙ୍କୁ ଦଳ ଟିକେଟ୍ ଦେଇଛି ।
#ଆଉ_୮_ପ୍ରାର୍ଥୀ_ଘୋଷଣା_କଲା_ବିଜେପି
ଆଉ ୮ ଆସନ ପାଇଁ ପ୍ରାର୍ଥୀ ଘୋଷଣା କଲା ବିଜେପି । ଅରିନ୍ଦମଙ୍କୁ ମିଳିଲା ସାଲେପୁର ଟିକେଟ୍ । ପ୍ରଶାନ୍ତ ଜଗଦ୍ଦେବଙ୍କୁ ଖୋର୍ଦ୍ଧାରୁ ଟିକେଟ୍ । #BJP #Odisha #Election #KanakNews pic.twitter.com/c2zwnZwm8D— Kanak News (@kanak_news) April 27, 2024
ସୀମାରାଣି ଗତ ଦୁଇ ଦିନ ତଳେ ବିଜେଡି ଛାଡି ବିଜେପିରେ ସାମିଲ ହେଇଥିଲେ । ଆଉ ଦଳରେ ସାମିଲ ହେବୂା ପରେ ପରେ ତାଙ୍କୁ ଟିକେଟ୍ ମିିଳିଛି । ସେପଟେ କେନ୍ଦ୍ରାପଡା ଟିକେଟ୍ ଘୋଷଣା ପରେ ଜିଲ୍ଲା ପରିଷଦ ସଭାପତି ଗୀତାଞ୍ଜଳି ସେଠୀ ମଧ୍ୟ ବିଜେଡି ଛାଡି ବିଜେପିରେ ସାମିଲ ହେଇଥିଲେ । ଆଉ ଦଳ ତାଙ୍କୁ କେନ୍ଦ୍ରାପଡା ଆସନରୁ ଗଣେଶ୍ୱରଙ୍କ ବିରୋଧରେ ଲଢିବା ପାଇଁ ପ୍ରାର୍ଥୀ କରିଛି । ଏହାବାଦ୍ ତେଲକୋଇରୁ ଦଳ ଫକୀର ମୋହନ ନାୟକ, ଚମ୍ପୁଆରୁ ମୁରଲୀ ମନୋହର ଶର୍ମା, ବସ୍ତାରୁ ରବୀନ୍ଦ୍ର ଅଣ୍ଡିଆ ଏବଂ ବାସୁଦେବପୁରରୁ ବାଣୀକଲ୍ୟାଣ ମହାନ୍ତିଙ୍କୁ ପ୍ରାର୍ଥୀ କରିଛି ।