ବାଲେଶ୍ୱର ଖଇରା ଅଞ୍ଚଳର ଏସଏଚଜି ମହିଳାଙ୍କ କୁଟୀର ଶିଳ୍ପ। ମୁଢି, ବଡ଼ି ଓ ସାନିଟାରୀ ପ୍ୟାଡ ବିକ୍ରିକରି କରୁଛନ୍ତି ରୋଜଗାର।
କନକ ବ୍ୟୁରୋ: ବର୍ତମାନ ସମୟରେ ମହିଳାମାନେ କୌଣସି ଗୁଣରେ କମ୍ ନୁହନ୍ତି । ଘର କାମ ସହ ଅନ୍ୟକିଛି କାମ କରି ଆତ୍ମନିର୍ଭରଶୀଳ ହେବାରେ ସକ୍ଷମ ହୋଇପାରୁଛନ୍ତି । ସେହିପରି ବାଲେଶ୍ୱର ଜିଲ୍ଲା ଖଇରା ବ୍ଲକ ମାଟିଆଳପଦା ଗାଁରେ ମହିଳାମାନେ ଏକାଠି ହୋଇ ପ୍ରସ୍ତୁତ କରୁଛନ୍ତି ବଡ଼ି, ପାମ୍ପଡ଼, ହଳଦୀଗୁଣ୍ଡ । ମହିଳା ଉଦ୍ୟୋଗୀ ଲକ୍ଷ୍ମୀପ୍ରିୟାଙ୍କ ସହଯୋଗରେ ସ୍ୱୟଂସହାୟକ ଗୋଷ୍ଠୀ ଗଠନ କରି ମହିଳାମାନେ ରୋଜଗାକ୍ଷମ ହୋଇପାରିଛନ୍ତି । ଗ୍ରାମାଞ୍ଚଳରେ ମହିଳାମାନଙ୍କୁ ସଚେତନ କରାଇବା ସହ ସାନିଟାରୀ ନାପକିନ୍ ମଧ୍ୟ ତିଆରି କରୁଛନ୍ତି । କରୋନା ମହାମାରୀ ସମୟରେ ଲୋକଙ୍କୁ ମାଗଣାରେ ମାସ୍କ ଓ ସାନିଟାରୀ ପ୍ୟାଡ଼ ବଣ୍ଟନ କରି ଚର୍ଚ୍ଚାକୁ ଆସିଥିଲେ ଲକ୍ଷ୍ମୀପ୍ରିୟା ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଖଇରା ବ୍ଲକ ମୁକ୍ତା ବେଗୁନିଆ ଗାଁର ଲୋପାମୁଦ୍ରା ନାୟକଙ୍କ ଉଦ୍ୟମରେ ଏସଏଚଜି ମହିଳାମାନେ ପ୍ରସ୍ତୁତ କରୁଛନ୍ତି ବଡ଼ି, ଆଚାର, ପାମ୍ପଡ଼, ଟମାଟୋ ସସ୍ ଏବଂ ଛୁତୁଆ ଭଳି ସାମଗ୍ରୀ । ମୁଢି ଭଜା ମେସିନ୍ ବସାଇ ମୁଢି ପ୍ରସ୍ତୁତ କରି ଏହାକୁ ପ୍ୟାକେଟ୍ କରି ସ୍ଥାନୀୟ ବଜାରରେ ବିକ୍ରି କରୁଛନ୍ତି । ଏହି ଗ୍ରୁପରୁ ପ୍ରସ୍ତୁତ ହେଉଥିବା ସାମଗ୍ରୀର ଚାହିଦା ସ୍ଥାନୀୟ ବଜାରରେ ରହିଛି । ମହିଳାମାନେ ବିଭିନ୍ନ ପ୍ରକାରର ଛତୁଆ ଓ ମସଲା ପ୍ରସ୍ତୁତ କରି ଏହାକୁ ସ୍ଥାନୀୟ ବଜାରରେ ବିକ୍ରି କରି ରୋଜଗାରକ୍ଷମ ହୋଇପାରିଛନ୍ତି । ଯାହା ଗ୍ରାମାଞ୍ଚଳର ଅନ୍ୟ ମହିଳାଙ୍କ ପାଇଁ ପ୍ରେରଣା ପାଲଟିଛି ।