ବୟୋଫ୍ଲକ ପଦ୍ଧତିରେ ମାଛଚାଷ କରୁଛନ୍ତି ବୌଦ୍ଧ ଜଗଦୀଶପୁରର ମହିଳା। ୬ଟି କୁଣ୍ଡରେ ରୁପ୍ ଚାନ୍ଦି ଓ ଜଳଙ୍ଗ ପ୍ରଜାତିର ମାଛ ଚାଷ କରି ଲାଭବାନ।
କନକ ବ୍ୟୁରୋ: ମହିଳାଙ୍କୁ ରୋଜଗାର ଦେଉଛି ମାଛ ଚାଷ । ବାୟୋଫ୍ଲକ ପଦ୍ଧତିରେ ମାଛ ଚାଷ କରି ଲାଭବାନ ହେଉଛନ୍ତି ମହିଳା । ବୌଦ୍ଧ ଜଗଦିଶପୁର ଗାଁର ସ୍ୱୟଂସହାୟକ ଗୋଷ୍ଠୀର ସଦସ୍ୟା ଏବେ ନିଜର ବ୍ୟବସାୟକୁ ନେଇ ବେଶ ଚର୍ଚ୍ଚାର ପରିସରକୁ ଆସିଛନ୍ତି । ପୋଖରୀ କରିବାକୁ ସୁବିଧା ନଥିବାରୁ ନିଜ ଘର ପଛପଟେ ବାୟୋଫ୍ଲକ ପଦ୍ଧତିରେ ମାଛ ଚାଷ କରିଛନ୍ତି । ୬ଟି କୁଣ୍ଡ କରି ତିଲାପିଆ, ରୁପ୍ ଚାନ୍ଦି ଓ ଜଳଙ୍ଗ ଭଳି ତିନୋଟି ପ୍ରଜାତିର ମାଛ ଚାଷ କରିଛନ୍ତି । ଘର କାମ ସାରି ମହିଳାମାନେ ଏକାଠି ହୋଇ ମାଛମାନଙ୍କର ଯତ୍ନ ନିଅନ୍ତି । ସେମାନଙ୍କୁ ଖାଦ୍ୟ ଓ ଔଷଧ ଦେବା ଭଳି କାମ କରନ୍ତି । କିଲୋ ପିଛା ୨୦୦ରୁ ୩୦୦ ଟଙ୍କାରେ ବଜାରରେ ବିକ୍ରି କରି ଲାଭବାନ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ମହିଳାମାନେ ଏକାଠି ହୋଇ ଏସଏଚଜି ଗ୍ରୁପ୍ ଗଠନ କରିବା ପରେ କିଛି କିଛି ଟଙ୍କା ସଞ୍ଚୟ କରୁଥିଲେ । ଏହାପରେ ସଞ୍ଚୟ ଅର୍ଥରେ ଧୂପକାଠି, ଆଚାର ତିଆରି କରି ବ୍ୟବସାୟ କରୁଥିଲେ । କରୋନା କଟକଣା ପାଇଁ ଏହି ବ୍ୟବସାୟ ନଚାଲିବାରୁ ମାଛ ଚାଷ କରିବାକୁ ଉଦ୍ୟମ କରିଥିଲେ । ସରକାରୀ ସହାୟତାରେ ଚାଷ କରି ଏବେ ଏଥିରେ ସଫଳ ହୋଇଛନ୍ତି ମହିଳା ।