ମାଟ୍ରିକ ପରୀକ୍ଷା ନଦେଇ କୁଆଡେ ଗଲେ ୪୩ ହଜାରରୁ ଅଧିକ ପିଲା । ଗଣଶିକ୍ଷା ମନ୍ତ୍ରୀ କହିଲେ ଅଷ୍ଟମରେ ନାଁ ଲେଖାଇଥିବା ସମସ୍ତେ ସିଧା ହୋଇଛନ୍ତି ଦଶମକୁ ପ୍ରମୋସନ ।
କନକ ବ୍ୟୁରୋ : ମାଟ୍ରିକ ପରୀକ୍ଷା ବେଳେ ଅଧିକାଂଶ ଛାତ୍ରଛାତ୍ରୀ ଅନୁପସ୍ଥିତ ଥିଲେ । ଏବେ ଏହାର ଉତର ରଖିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ । ମନ୍ତ୍ରୀଙ୍କ କଥାକୁ ଯଦି ବିଶ୍ୱାସକୁ ନିଆଯାଏ, ତାହାହେଲେ ଅଷ୍ଟମରୁ ଦଶମ ଶ୍ରେଣୀମଧ୍ୟରେ ୪୩ ହଜାରରୁ ଅଧିକ ଛାତ୍ରଛାତ୍ରୀ ଡ୍ରପଆଉଟ ହୋଇଛନ୍ତି । ଆଉ ଗଣଶିକ୍ଷା ବିଭାଗ କେବଳ ନାମଲେଖାକୁ ନେଇ ଫର୍ମଫିଲପ କରିଛି କିନ୍ତୁ ଅଷ୍ଟମ ଓ ନବମରେ କେତେ ସଂଖ୍ୟକ ପିଲା ପାଠପଢା ଛାଡିଛନ୍ତି ତାର ହିସାବ ରଖିନି ।
Kanak News is now on WhatsApp
Join and get latest news updates delivered to you via WhatsApp
ଫର୍ମଫିଲପ କରି ବି କାହିଁକି ୪୩ ହଜାର ୪୮୯ ଦେଇପାରିଲେନି ମାଟ୍ରିକ ପରୀକ୍ଷା? ଏ ହେଉଛି ବିଭାଗୟୀ ମନ୍ତ୍ରୀଙ୍କ ସହଜ ଉତର । ମାଟ୍ରିକ ପରୀକ୍ଷାର୍ଥୀଙ୍କ ଅନୁପସ୍ଥିତ ନେଇ ମନ୍ତ୍ରୀ ଯୁକ୍ତି ଦର୍ଶାଇଛନ୍ତି ଯେ,
– କରୋନା ପାଇଁ ଅଷ୍ଟମରୁ ଛାତ୍ରଛାତ୍ରୀଙ୍କୁ ସିଧା ଦଶମକୁ ପ୍ରମୋଶନ କରାଯାଇଛି
– ବିନାଫିସରେ ଫର୍ମଫିଲପ ହୋଇଥିଲା
– ଛାତ୍ରଛାତ୍ରୀଙ୍କୁ ଅଭିଯୋଗ କରିବାକୁ ସୁଯୋଗ ନ ଦେବା ପାଇଁ ଫର୍ମଫିଲପ କରାଯାଇଥିଲା
ମନ୍ତ୍ରୀଙ୍କ କଥାକୁ ଯଦି ବିଶ୍ୱାସକୁ ନିଆଯାଏ, ତାହାହେଲେ ଅଷ୍ଟମରୁ ଦଶମ ଶ୍ରେଣୀ ମଧ୍ୟରେ ୪୩ ହଜାରରୁ ଅଧିକ ଛାତ୍ରଛାତ୍ରୀ ଡ୍ରପଆଉଟ ହୋଇଛନ୍ତି । ଗଣଶିକ୍ଷା ବିଭାଗ କେବଳ ନାମଲେଖାକୁ ନେଇ ଫର୍ମଫିଲପ କରିଛି କିନ୍ତୁ ଅଷ୍ଟମ ଓ ନବମରେ କେତେସଂଖ୍ୟକ ପିଲା ପାଠ ଛାଡିଛନ୍ତି ତାର ହିସାବ ନାହିଁ । ଏପଟେ ପ୍ରତିବର୍ଷ ପ୍ରଥମ ଶ୍ରେଣୀରେ ପ୍ରାୟ ଆଠଲକ୍ଷ ପିଲା ନାମ ଲେଖାଇଥାନ୍ତି । କିନ୍ତୁ ଦଶମ ବେଳକୁ ପ୍ରାୟ ୫ରୁ ୬ ଲକ୍ଷ ପିଲା ପରୀକ୍ଷା ଦେଇଥାନ୍ତି । ଅର୍ଥାତ ପ୍ରତିବର୍ଷ ପ୍ରାୟ ଦୁଇଲକ୍ଷ ପିଲା ଡ୍ରପଆଉଟ ହୋଇଥାନ୍ତି ।
ଏତେ ସଂଖ୍ୟକ ପିଲା ମାଟ୍ରିକ ପରୀକ୍ଷା ଦେଇନଥିବା ଘଟଣା ସାମ୍ନାକୁ ଆସିବା ପରେ ଗଣଶିକ୍ଷା ବିଭାଗ ଖୋଳତାଡ ଆରମ୍ଭ କରିଥିଲା । ଜିଲ୍ଲା ଶିକ୍ଷା ଅଧିକାରୀଙ୍କୁ କାରଣ ଖୋଜିବା ପାଇଁ ନିର୍ଦ୍ଦେଶ ଦେଇଥିଲା । ଏବେ ଡିଇଓମାନେ ବ୍ଲକ ଶିକ୍ଷା ଅଧିକାରୀଙ୍କୁ ରିପୋର୍ଟ ମାଗିଛନ୍ତି ।