ନୂଆ ଜିଏସଟି ସ୍ଲାବକୁ ନେଇ ସଫେଇ ରଖିଲେ କେନ୍ଦ୍ର ଅର୍ଥମନ୍ତ୍ରୀ । କହିଲେ, ରାଜ୍ୟମାନେ ଆଗରୁ ନେଉଥିଲେ ଅଧିକ ଭାଟ୍ ।
କନକ ବ୍ୟୁରୋ: ଚଣ୍ଡିଗଡରେ ଜିଏସଟି ମିଟିଂର ନିଷ୍ପତ୍ତି ପରେ ସାରା ଦେଶରୁ ଆସିଥିଲା ବିଦ୍ରୋହର ସ୍ୱର । ବାରମ୍ବାର ଜିଏସଟି ଲଗାଇ ଅତ୍ୟାବଶ୍ୟକୀୟ ସାମଗ୍ରୀର ଦର ବୃଦ୍ଧିକୁ ବିରୋଧ କରୁଛନ୍ତି ଜନତା । ଏହାକୁ ନେଇ ଟୁଇଟ୍ କରି ସ୍ପଷ୍ଟୋକ୍ତି ରଖିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । କହିଛନ୍ତି, ଡାଲି ଜାତୀୟ ପଦାର୍ଥ, ପ୍ୟାକେଟ୍ ଖାଦ୍ୟ, ଚାଉଳ ଚୁନା, ଅଟା, ମଇଦା ଉପରେ ପ୍ରଥମ ଥର ପାଇଁ ଜିଏସଟି ଲାଗୁନାହିଁ । ଜିଏସଟିକୁ ନେଇ ଲୋକମାନଙ୍କ ମଧ୍ୟରେ ଭୁଲ ଧାରଣା ପ୍ରସାର କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ଥର ପାଇଁ କଣ ଏହିସବୁ ପଦାର୍ଥ ଉପରେ ଜିଏସଟି ଲାଗିଛି ବୋଲି ବିରୋଧୀଙ୍କୁ ପ୍ରଶ୍ନ କରିଛନ୍ତି ଅର୍ଥମନ୍ତ୍ରୀ । ଜିଏସଟି ଆସିବା ପୂର୍ବରୁ ରାଜ୍ୟ ସରକାର ଗୁଡିକର, ଅତ୍ୟାବଶ୍ୟକୀୟ ସାମଗ୍ରୀ ଉପରେ ଭାଟ୍ ଲଗାଉଥିଲେ । ଉଦାହରଣ ସ୍ୱରୂପ ପଞ୍ଜାବ, ମହାରାଷ୍ଟ୍ର, ଛତିଶଗଡ, ତେଲେଙ୍ଗାନା, ଓଡିଶା ଭଳି ରାଜ୍ୟରେ ଚାଉଳ ଓ ଚାଉଳ ଜାତୀୟ ପଦାର୍ଥ ଉପରେ ୫ରୁ ୬ ପ୍ରତିଶତ ଭ୍ୟାଟ୍ ଲଗାଉଥିବା କହିଛନ୍ତି ନିର୍ମଳା ସୀତାରମଣ ।
କେବଳ ପ୍ୟାକେଟ୍ରେ ମିଳୁଥିବା ଖାଦ୍ୟପଦାର୍ଥ ଉପରେ ଜିଏସଟି ଲଗାଯାଇଛି । କିନ୍ତୁ ଖୋଲାରେ ମିଳୁଥିବା କୌଣସି ପଦାର୍ଥ ଉପରେ ଜିଏସଟି ଲାଗିବ ନାହିଁ । ଶିଳ୍ପ ଓ ଯୋଗାଣ ମଧ୍ୟରେ ହେଉଥିବା ଟ୍ୟାକ୍ସ ହେରଫେରକୁ ରୋକିବା ବାଇଁ ଏଭଳି ନିଷ୍ପତ୍ତି ନିଆଯାଇଥିବା କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।