୨୦୧୨ ବିବାଦୀୟ ପଶ୍ଚାତଗାମୀ ଟ୍ୟାକ୍ସ ଆଇନକୁ ସମାପ୍ତ କରିବାକୁ ଯାଉଛନ୍ତି କେନ୍ଦ୍ର ସରକାର, କ୍ୟାବିନେଟ ଦେଲା ମଞ୍ଜୁରୀ
କନକ ବ୍ୟୁରୋ : ସରକାର ପୂର୍ବ ପ୍ରଚଳିତ ଏକ ବିବାଦୀୟ ପଶ୍ଚାତଗାମୀ ଟ୍ୟାକ୍ସ ନିୟମକୁ ପରିବର୍ତ୍ତନ କରିବାକୁ ଯାଉଛନ୍ତି । ୨୦୧୨ ରେ ପାରିତ ବିବାଦୀୟ ପଶ୍ଚାତଗାମୀ ଟ୍ୟାକ୍ସ ଆଇନ ଫଳରେ କିୟନ ଓ ଭୋଡାଫୋନ ଭଳି କମ୍ପାନୀମାନେ ମାମଲା ଦାଖଲ କରିଥିଲେ । କେନ୍ଦ୍ର କ୍ୟାବିନେଟ ଏଭଳି ଏକ ବିବାଦୀୟ ଆଇନକୁ ସମାପ୍ତ କରିବାକୁ ଆଜି ମଞ୍ଜୁରୀ ପ୍ରଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆୟକର ଆଇନରେ ସଂଶୋଧନ ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର ଲୋକସଭାରେ ଟାକ୍ସେସନ ଲ’ (ଆମେଣ୍ଡମେଣ୍ଟ) ବିଲ୍ ୨୦୨୧ ଆଗତ କରିଛନ୍ତି । ଏହି ବିଲ୍ ଗୃହୀତ ହେବା ପରେ ବିବାଦୀୟ ପଶ୍ଚାତଗାମୀ ଟିକସ ଆଦାୟ ନିୟମର ଅବସାନ ହେବା ସହ ଏହି ନିୟମ ଅନୁସାରେ ସରକାର ଆଦାୟ କରିଥିବା ଟିକସ ରାଶି ସଂପୃକ୍ତ କମ୍ପାନିମାନଙ୍କୁ ଫେରସ୍ତ କରାଯିବ । ଏହି ନିୟମର ଅବସାନ ପରେ ଭାରତକୁ ବିଦେଶୀ ପୁଞ୍ଜିନିବେଶ ଆସିବା ଆହୁରି ସୁଗମ ହେବା ଆଶା କରାଯାଉଛି ।
Central Government proposes to amend Income Tax Act to provide that no tax demand shall be raised in future on basis of said retrospective amendment for any indirect transfer of Indian assets, if transaction before 28th May 2012.
— ANI (@ANI) August 5, 2021
୨୦୧୨ରେ ପୂର୍ବତନ ଅର୍ଥମନ୍ତ୍ରୀ ( ପରବର୍ତ୍ତୀ କାଳରେ ଭାରତର ରାଷ୍ଟ୍ରପତି) ପ୍ରଣବ ମୁଖାର୍ଜୀଙ୍କ ଦ୍ବାରା ଆୟକର ଆଇନରେ ସଂଶୋଧନ କରାଯାଇ ଏହି ବିବାଦୀୟ ପଶ୍ଚାତଗାମୀ ଟିକସ ଆଦାୟ ନିୟମକୁ ଆରମ୍ଭ କରାଯାଇଥିଲା । ଏହି ଆଇନ ଅନୁସାରେ ୨୦୧୨, ମେ ୨୮ ପୂର୍ବରୁ ଭାରତୀୟ ସଂପତ୍ତିଗୁଡ଼ିକର ପରୋକ୍ଷ ହସ୍ତାନ୍ତରଣ ଉପରେ ଟିକସ ଆଦାୟ କରାଯାଉଥିଲା ।
ଏହି ନିୟମ ଅନୁସାରେ ଆୟକର ବିଭାଗ ପକ୍ଷରୁ ଭୋଡ଼ାଫୋନ ଓ କାର୍ନ ଏନର୍ଜିକୁ ଟିକସ ନୋଟିସ ପଠାଇଥିଲେ । ଏହା ବିରୋଧରେ ଉଭୟ କମ୍ପାନି ଅନ୍ତର୍ଜାତୀୟ ଆର୍ବିଟ୍ରେସନ ଟ୍ରିବୁନାଲର ଆଶ୍ରୟ ନେଇଥିଲେ । ମାମଲାର ବିଚାର କରି ଟ୍ରିବୁନାଲ ଉଭୟ କମ୍ପାନିଙ୍କ ସପକ୍ଷରେ ରାୟ ଶୁଣାଇଥିଲେ