କନକ ବ୍ୟୁରୋ : କେନ୍ଦ୍ରର ଅଧ୍ୟାଦେଶ ବିରୋଧରେ ବଳ ଗୋଟାଉଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଜଣଙ୍କ ପରେ ଜଣେ ବିରୋଧୀ ନେତାଙ୍କ ଶିବିରରେ ପହଁଚୁଛନ୍ତି ଓ ସମର୍ଥନ ହାତଉଛନ୍ତି କେଜ୍ରିୱାଲ । କିନ୍ତୁ ଏବେ ସୁଦ୍ଧା ମିଳିପାରିନି ମୁଖ୍ୟ ବିରୋଧୀ ଦଳ କଂଗ୍ରେସର ସମର୍ଥନ । ଚର୍ଚ୍ଚା ହେଉଛି କଂଗ୍ରେସ କେଜ୍ରିୱାଲଙ୍କୁ ସମର୍ଥନ ଜଣାଇବ କି ନାହିଁ ଏନେଇ ମାନସମନ୍ଥନ କରୁଛି । ସୋମବାର କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଓ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଭେଟିଛନ୍ତି ପଂଜାବ ଓ ଦିଲ୍ଲୀ ନେତା । କେନ୍ଦ୍ରର ଅଧ୍ୟାଦେଶ ବିରୋଧରେ ସମର୍ଥନ ଜଣାଇବା ଉଚିତ ନା ନୁହେଁ ଏନେଇ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଛି ।ଜଣାପଡିଛି ଶେଷ ନିଷ୍ପତି ନେବେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ଏଆଇସିସି ମହାସଚିବ କେସି ବେଣୁଗୋପାଳ କହିଥିଲେ ମୌସୁମୀ ଅଧିବେଶନରେ ଯଦି ସରକାର ଅଧ୍ୟାଦେଶକୁ ନେଇ ରାଜ୍ୟସଭାରେ ବିଲ ଆଣିବେ ତେବେ ଏହାକୁ କଂଗ୍ରେସ ବିରୋଧ କରିବ । ଏହା ପରେ ଦିଲ୍ଲୀ ଓ ପଂଜାବ ପ୍ରଦେଶ କଂଗ୍ରେସ ନେତା ମେ ୨୩ରେ ବୈଠକରି କେଜ୍ରିୱାଲଙ୍କୁ ସମର୍ଥନ କରିବାକୁ ମନା କରିିଥିଲେ ।
ଦିଲ୍ଲୀରେ ପ୍ରଶାସନିକ ଅଧିକାରୀ ନିଯୁକ୍ତି କ୍ଷେତ୍ରରେ କେନ୍ଦ୍ର ସରକାରଙ୍କ ଅଧିକାର ରହିବା ନେଇ କେନ୍ଦ୍ର ସରକାର ଅଧ୍ୟାଦେଶ ଆଣିଛନ୍ତି । ଏହି ଅଧ୍ୟାଦେଶ ଯେପରି ରାଜ୍ୟ ସଭାରେ ପାରିତ ନହୁଏ, ସେଥିପାଇଁ ବିଜେପି ବିରୋଧୀଙ୍କୁ ଭେଟି ସମର୍ଥକ ଲୋଡୁଛନ୍ତି ଅରବିନ୍ଦ କେଜ୍ରିୱାଲ । ଦିଲ୍ଲୀରେ ପ୍ରଶାସନିକ ଅଧିକାରୀ ନିଯୁକ୍ତି ଏବଂ ବଦଳି କ୍ଷେତ୍ରରେ କେନ୍ଦ୍ର ସରକାର କରିଥାନ୍ତି । ଯାହାକୁ ବିରୋଧ କରି ସୁପ୍ରିମକୋର୍ଟ ଯାଇଥିଲେ କେଜ୍ରିୱାଲ ସରକାର । ମାମଲାର ଶୁଣାଣି କରି ପ୍ରଶାସନିକ ଅଧିକାରୀଙ୍କ ନିଯୁକ୍ତି ଓ ବଦଳୀ ଉପରେ କେବଳ ନିର୍ବାଚିତ ସରକାରର ଅଧିକାର ରହିବ ବୋଲି କହିଥିଲେ ସୁପ୍ରିମକୋର୍ଟ । ଯାହା ବିରୋଧରେ ଅଧ୍ୟାଦେଶ ଆଣିଛନ୍ତି ମୋଦୀ ସରକାର ।