କନକ ବ୍ୟୁରୋ: ସେୟାର ମାର୍କେଟର ବିଗ୍ ବୁଲ ଭାବେ ଜଣାଶୁଣା ନିବେଶକ ରାକେଶ ଝୁନଝୁନୱାଲାଙ୍କର ୬୨ ବର୍ଷ ବୟସରେ ନିଧନ ହୋଇଛି । ତାଙ୍କର ପରଲୋକରେ ସାରା ଦେଶକୁ ଝଟକା ଲାଗିଛି । ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ନେତା, ମନ୍ତ୍ରୀ, ବ୍ୟବସାୟୀ ସବୁ ବର୍ଗର ମାନ୍ୟଗଣ୍ୟ ବ୍ୟକ୍ତି ଶୋକବ୍ୟକ୍ତ କରିଛନ୍ତି । ମୁମ୍ବାଇର ବ୍ରିଜ୍ କ୍ୟାଣ୍ଡି ହସ୍ପିଟାଲରେ ରାକେଶ ଶେଷ ନିଃଶ୍ୱାସ ତ୍ୟାଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିକଟ ଅତୀତରେ ଯେତେବେଳେ ରାକେଶ ଝୁନଝୁନୱାଲା ପତ୍ନୀଙ୍କ ସହ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିଥିଲେ ତାଙ୍କ ସାର୍ଟକୁ ନେଇ ବେଶ୍ ଚର୍ଚ୍ଚା ହୋଇଥିଲା । ମୋଦୀଙ୍କ ସହ ତାଙ୍କ ସାକ୍ଷାତକାରର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଥିଲା । ଏହି ଫଟୋରେ ଝୁନଝୁନୱାଲା ଚୌକିରେ ବସିଥିବାବେଳେ ମୋଦୀ ଜଣେ ଆଜ୍ଞାଧୀନଙ୍କ ପରି ପାଖରେ ଛିଡା ହୋଇଥିଲେ । ମୋଦୀ ତାଙ୍କର ଭୂୟସୀ ପ୍ରଶଂସା ମଧ୍ୟ କରିଥିଲେ । ରାକେଶଙ୍କୁ ମୋଦୀ ‘ୱାନ ଆଣ୍ଡ ଦ ଓନଲି’ ବୋଲି ସମ୍ବୋଧନ ମଧ୍ୟ କରିଥିଲେ । ଏହାସହ ରାକେଶଙ୍କ ସାର୍ଟକୁ ନେଇ ୟୁଜର୍ସ ଭିନ୍ନ ଭିନ୍ନ ପ୍ରତିକ୍ରିୟା ଦେଇଥିଲେ । ଏତେ ସମ୍ପତ୍ତିର ମାଲିକ ହୋଇ ମଧ୍ୟ ଏପରି କୋଚାମୋଚା ସାର୍ଟ ପିନ୍ଧିଛନ୍ତି ବୋଲି ଲୋକେ ପ୍ରଶ୍ନ କରିଥିଲେ ।
ଏହାର ଉତ୍ତରରେ ରାକେଶ ଝୁନଝୁନୱାଲା ମଧ୍ୟ ବେଶ୍ ରୋଚକ ଉତ୍ତର ଦେଇଥିଲେ । କହିଥିଲେ, ‘ମୁଁ ପୋଷାକ ଉପରେ ଗୁରୁତ୍ୱ ଦିଏନାହିଁ । ଚକାଚକ୍ ସାର୍ଟ ପିନ୍ଧି ମୋତେ କାହାରିକୁ ଇମ୍ପ୍ରେସ କରିବାର ନାହିଁ କି କୌଣସି କ୍ଲାଏଣ୍ଟ ବନାଇବାର ନାହିଁ । ପୋଷାକ ନୁହେଁ ବରଂ ମଣିଷର କାର୍ଯ୍ୟ ଓ ବ୍ୟବହାର ତା’ର ପ୍ରକୃତ ପରିଚୟ’ ବୋଲି କହିଥିଲେ ।