ଭୁବନେଶ୍ୱରରେ ଅମିତ ଶାହଙ୍କ ରୁଦ୍ଧଦ୍ୱାରା ବୈଠକ । ନେତା, କର୍ମୀ, ଆଶାୟୀ ଓ ପ୍ରାର୍ଥୀଙ୍କୁ ଦେଲେ ବିଜୟ ମନ୍ତ୍ର ।
କନକ ବ୍ୟୁରୋ: ବିଜେପି କର୍ମୀଙ୍କୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଗୁରୁମନ୍ତ୍ର । ରାଜ୍ୟରେ ସରକାର ଗଠନ ଉପରେ ଗୁରୁତ୍ୱ ଦେଇଛନ୍ତି ଶାହା । ସୋନପୁର ସଭାରେ ଯୋଗଦେବା ପରେ ରାଜଧାନୀରେ ଗୃହମନ୍ତ୍ରୀ ଅମିତ ଶାହ ନେତା, କର୍ମୀ, ଆଶାୟୀ ଓ ପ୍ରାର୍ଥୀଙ୍କୁ ରୁଦ୍ଧଦ୍ୱାର ବୈଠକରେ ବିଜୟର ମନ୍ତ୍ର ଦେଇଥିଲେ । ଏହାଛଡା ଦକ୍ଷିଣ ଓଡିଶା, ଉପକୂଳ ଓଡିଶା ଏବଂ ଉତର ଓଡିଶାର ନେତାଙ୍କ ସହ ଆଲୋଚନା କରିଛନ୍ତି ଶାହ ।
Kanak News is now on WhatsApp
Join and get latest news updates delivered to you via WhatsApp
୧୩ଟି ସଂସଦୀୟ କ୍ଷେତ୍ରର ନେତାଙ୍କ ସହ ବୈଠକ ବେଳେ ଦଳ କିଭଳି ରାଜ୍ୟରେ ଭଲ ପ୍ରଦର୍ଶନ କରିବ ଏବଂ ରାଜ୍ୟରେ ସରକାର ଗଢିବ ସେ ଦିଗରେ କାମ କରିବାକୁ ନେତାଙ୍କୁ କହିଛନ୍ତି । ଦେଶରେ କେମିତି ମୋଦୀ ୪୦୦ ପାର୍ ଆସନ ଛୁଇଁବେ ସେ ନେଇ କେନ୍ଦ୍ରୀୟ ନେତୃତ୍ୱ ବିଚାର କରୁଥିବା ବେଳେ ଓଡିଶାରେ କିଭଳି ସରକାର ଗଠନ ହେବ ସେ ନେଇ ଲଢେଇ କରିବାକୁ ପରାମର୍ଶ ଦେଇଛନ୍ତି ଶାହ । ଏ ଦିଗରେ କେନ୍ଦ୍ର ସମସ୍ତ ପ୍ରକାର ସହଯୋଗ କରିବ ବୋଲି କହିଛନ୍ତି । ବୈଠକ ପରେ ଦିଲ୍ଲୀ ଫେରିଥିଲେ ଅମିତ ଶାହା ।