ବୟସ ୨୩, ଓଜନ ୧୫୦ କେଜି, ଥ୍ରୀ ଷ୍ଟାର ବର୍ଦ୍ଦିରେ କରୁଥିଲେ ଟୋଲ ଆଦାୟ । ଓଜନ ଦେଖି ସନ୍ଦେହ କଲା ପୋଲିସ
କନକ ବ୍ୟୁରୋ: ଉତ୍ତରପ୍ରଦେଶ ଫିରୋଜାବାଦରେ ଘଟିଛି ଏକ ମଜାଳିଆ ଘଟଣା । ଜଣେ ଯୁବକ ଥ୍ରୀ ଷ୍ଟାର ଥିବା ପୋଲିସ ୟୁନିଫର୍ମ ଦେଖି ଯାନ ବାହାନରୁ ଟୋଲ ଆଦାୟ କରୁଥିଲା । ତା’ସହ ଦୁଇ ତିନି ଜଣ ସହଯୋଗୀ ମଧ୍ୟ ଟୋଲ ଆଦାୟ କରୁଥିଲେ । ଏହାକୁ ଦେଖି କିଛି ବ୍ୟକ୍ତି ଜନପଦ ଟୁୁଣ୍ଡଲା ପୋଲିସରେ ଅଭିଯୋଗ କରିଥିଲେ । କିଛି ଦିନ ଅନୁଧ୍ୟାନ କରିବା ପରେ ପୋଲିସ ହାତରେ ଲାଗିଛି ଏହି ନକଲି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗାଜିଆବାଦ ଜିଲ୍ଲା ସାହିବାବାଦ ଥାନା ଅଞ୍ଚଳରେ ରହୁଥିବା ଯୁବକ ମୁକେଶ ଯାଦବ ନିଜର କିଛି ସହଯୋଗୀଙ୍କୁ ନେଇ ନ୍ୟାସନାଲ ହାଇୱେ ନମ୍ବର-୨ର ରାଜା ତୌଲି ଅଞ୍ଚଳର ଉସାଇନି ଗାଁ ନିକଟରେ ବସ୍ ଓ ଟ୍ରକ୍ ଠାରୁ ଜବରଦସ୍ତି ଟୋଲ ଆଦାୟ କରୁଥିଲା । ମୁକେଶ ଏକ ୱାଗନର କାରରେ ବସି ରହୁଥିଲା । ଓ ତା’ର ସହଯୋଗୀ ମାନେ ଗାଡିରୁ ଟଙ୍କା ଆଦାୟ କରୁଥିଲେ । ଦିନେ ସେହିପଟେ ଯାଉଥିଲେ ଫିରୋଜାବାଦ୍ ପୋଲିସ ଜଣେ ଅଧିକାରୀ । ରାସ୍ତାକଡରେ ଏକ ୱାଗନର କାରରେ ଜଣେ ପୋଲିସ ଅଧିକାରୀ ବସିଥିବା ଦେଖିଥିଲେ । ଗାଡିରୁ ଓହ୍ଲାଇ ତା’ର ପୋଷ୍ଟିଙ୍ଗ କଥା ପଚାରିଥିଲେ । ଏହାପରେ ତାଙ୍କୁ ନିଜ ପରିଚୟ ପତ୍ର ମାଗିବାରୁ ନକଲି ପରିଚୟ ପତ୍ର ଦେଖାଇଥିଲା । ପୋଲିସ ଅଧିକାରୀ ଜଣକ ଯୁବକର ଶରୀରର ଓଜନ ଦେଖି ସନ୍ଦେହ କରିବାରୁ ନାଲି ଆଖି ଦେଖାଇଥିଲେ । ଫଳରେ ସବୁ ସତ ମାନିଯାଇଥିଲା ଯୁବକ ।
ଥ୍ରୀଷ୍ଟାର ଥିବା ପୋଲିସ ବର୍ଦ୍ଦି ପିନ୍ଧି ଯୁବକ ଜଣକ ପ୍ରତିଦିନ ହାଇୱେରୁ ଗାଡିଗୁଡିକରୁ ବଟି ଆଦାୟ କରୁଥିଲା ।