କନକ ବ୍ୟୁରୋ : ପୂର୍ବ ସପ୍ତାହରେ ମୋଦୀଙ୍କ କ୍ୟାବିନେଟ ବିସ୍ତାର ପରେ ଦିଲ୍ଲୀ ରାଜନୀତି ସରଗରମ ରହିଛି । ଏହାରି ମଧ୍ୟରେ ଜୁଲାଇ ୧୪ ରେ ଦ୍ୱିତୀୟଥର ପାଇଁ ନିଜ ଟିମ୍ ସହ ପ୍ରଧାନମନ୍ତ୍ରୀ ପୁଣିଥରେ ବୈଠକ କରିବେ ବୋଲି ସୂଚନା ମିଳିଛି । ଏହାପୂର୍ବରୁ ଜୁଲାଇ ୮ ତାରିଖରେ ମନ୍ତ୍ରୀମଣ୍ଡଳ ସଂପ୍ରସାରଣର ଗୋଟିଏ ଦିନ ପରେ ପ୍ରଧାନମନ୍ତ୍ରୀ ସମସ୍ତ ମନ୍ତ୍ରୀଙ୍କ ସହ ବୈଠକ କରିଥିଲେ । ହେଲେ ଆଗମୀ ବୈଠକରେ କେଉଁ ମୁଦ୍ଦା ଉପରେ ଆଲୋଚନା ହେବ ତାହା ସ୍ପଷ୍ଟ ହୋଇ ନାହିଁ । ହେଲେ ଅନୁମାନ କରାଯାଉଛି କି, କରୋନା ସ୍ଥିତି ଉପରେ ଆଲୋଚନା ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶର କରୋନାର ଦ୍ୱିତୀୟ ଲହର ଟିକେ କମିଥିଲେ ବି କିଛି ରାଜ୍ୟରେ ଏବେ ବି କରୋନା ସଂକ୍ରମଣ ପିକ୍ ରେ ରହିଛି । ଏହାକୁ ନେଇ ପ୍ରଧାନମନ୍ତ୍ରୀ ଚିନ୍ତା ବ୍ୟକ୍ତ କରିବା ସହ ୬ ଟି ରାଜ୍ୟକୁ ଏହାର କାରଣ ଓ ନିରାକରଣ ବାବଦରେ ଅନୁଧ୍ୟାନ କରିବାକୁ କେନ୍ଦ୍ରୀୟ ଟିମ୍ ପଠାଇଥିଲେ । ଜୁଲାଇ ୮ରେ ହୋଇଥିବା ବୈଠକରେ ବି ପ୍ରଧାନମନ୍ତ୍ରୀ କରୋନା ସଂକ୍ରମଣକୁ ନେଇ ଉଦବେଗ ପ୍ରକାଶ କରିଥିଲେ । ଲୋକମାନଙ୍କୁ ସାମାଜିକ ଦୂରତା, ମାସ୍କ ପିନ୍ଧିବା ନେଇ ଉପଦେଶ ଦେଇଥିଲେ ।
PM Narendra Modi to chair Council of Ministers meeting on Wednesday, 14th July 2021. pic.twitter.com/s1obf7G9bC
— ANI (@ANI) July 10, 2021
ସୂଚନା ଥାଉକି, ଜୁଲାଇ ୮ ତାରିଖରେ ହୋଇଥିବା କ୍ୟାବିନେଟ ବୈଠକରେ ମନ୍ତ୍ରୀମଣ୍ଡଳରେ ସାମିଲ ହୋଇଥିବା ମନ୍ତ୍ରୀ ମାନଙ୍କୁ ଗଣମାଧ୍ୟମରେ ଅନାବଶ୍ୟକ ମନ୍ତବ୍ୟ ଦେବାକୁ ବାରଣ କରିଥିଲେ । ସେ କହିଥିଲେ କି କେବଳ ନିଜ ମନ୍ତ୍ରଣାଳୟ ବ୍ୟତୀତ ଅନ୍ୟ କୌଣସି ବାବଦରେ ମନ୍ତ୍ରବ୍ୟ ନଦେବାକୁ କହିବା ସହ ନିଜ ମନ୍ତ୍ରଣାଳୟ ଉପରେ ଫୋକସ କରିବାକୁ ସେ ଉପଦେଶ ଦେଇଥିଲେ ।