କନକ ବ୍ୟୁରୋ: ପ୍ୟାଡ ମ୍ୟାନ୍ ସିନେମାର ପ୍ରଭାବ । ସିନେମା ଦେଖିବାକୁ ଆସିଥିବା ମହିଳା ପାଇଲେ ‘ସାନିଟାରୀ ନାପକିନ୍’ । ବ୍ରହ୍ମପୁରରେ ନାପକିନ୍ ବ୍ୟବହାର କ୍ଷେତ୍ରରେ ସଚେତନତା ସୃଷ୍ଟି କରିବା ଉଦେଶ୍ୟରେ ଏଭଳି ଉଦ୍ୟମ କରିଛି ଭିଏଲଇ ସୋସାଇଟି । ସଚେତନତା ଅଭାବରୁ ଦେଶରେ ଅଧିକାଂଶ ମହିଳା ନାପକିନ୍ ବ୍ୟବହାର ନକରି ଚର୍ମ କର୍କଟ ରୋଗରେ ଆକ୍ରାନ୍ତ ହେବାର ନଜିର ରହିଛି । ଏହାକୁ ନଜରରେ ରଖି ବଲିଉଡ ଅଭିନେତା ଅକ୍ଷୟ କୁମାରଙ୍କ ଅଭିନିତ ଫିଲ୍ମି ପ୍ୟାଡ୍ ମ୍ୟାନରେ ନାପକିନ ବ୍ୟବହାର ପାଇଁ ସଚେତନତା ବାର୍ତ୍ତା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାରା ଦେଶରେ ଏହି ଫିଲ୍ମି ରିଲିଜ ହୋଇଥିବା ବେଳେ ଫିଲ୍ମି ଭଳି ବ୍ରହ୍ମପୁରରେ ମଧ୍ୟ ନାପକିନ ବ୍ୟବହାରକୁ ନେଇ ଏକ ସଚେତନତା କାର୍ଯ୍ୟକ୍ରମ କରାଯାଇଥିଲା । ପ୍ୟାଡ୍ ମ୍ୟାନ ଫିଲ୍ମି ଦେଖିବାକୁ ଆସିଥିବା ମହିଳାଙ୍କୁ ମାଗଣାରେ ନାପକିନ୍ ବାଂଟିଥିଲେ ସରକାରଙ୍କ ଜନ ସେବା କେନ୍ଦ୍ର ଦ୍ୱାରା ପରିଚାଳିତ ଗଂଜାମ ଜିଲ୍ଲା ଭିଏଲଇ ସୋସାଇଟି ସଦସ୍ୟ । ପ୍ଲା-କାର୍ଡ ଧରି ଲୋକଙ୍କୁ ସାନିଟାରୀ ନାପକିନ୍ ବ୍ୟବହାର କରିବା ପାଇଁ ସଚେତନ କରାଇଥିଲେ ଭିଏଲଇ ସଦସ୍ୟ । ଏହାସହ ସରକାରଙ୍କ ପକ୍ଷରୁ କମ୍ ଦରରେ ଜନ ସେବା କେନ୍ଦ୍ରରେ ସାନିଟାରୀ ନାପକିନ୍ ଉପଲବ୍ଧ ହେଉଥିବା ସୂଚନା ଦେଇଛି ସୋସାଇଟି ।