୨୦୨୪ ସାଧାରଣ ନିର୍ବାଚନ ପୂର୍ବରୁ ବଳ ଗୋଟାଉଛନ୍ତି ବିରୋଧୀ । ବିଜେପି ବିରୋଧରେ ବଡ ରଣନୀତି ପାଇଁ ଆହ୍ନାନ ଦେଲେ ବିହାର ମୁଖ୍ୟମନ୍ତ୍ରୀ
କନକ ବ୍ୟୁରୋ : ୨୦୨୪ ସାଧାରଣ ନିର୍ବାଚନ ପାଇଁ ସଜାଗ ବିରୋଧୀ । ବିଜେପି ବିରୋଧୀ ବିହାର ମୁଖ୍ୟମନ୍ତ୍ରୀଙ୍କ ରଣହୁଙ୍କାର । ବିରୋଧୀ ଦଳମାନଙ୍କୁ ଏକାଠିି ହେବାକୁ ଦେଲେ ଆହ୍ୱାନ । ୨୦୨୪ ସାଧାରଣ ନିର୍ବାଚନ ପୂର୍ବରୁ ବଳ ଗୋଟାଇବାକୁ ଚେଷ୍ଟା କରୁଛନ୍ତି ବିରୋଧୀ । ପଶ୍ଚିମବଙ୍ଗରୁ ନୂଆଦିଲ୍ଲୀରେ ପହଁଚ ମମତା ବାର୍ନାଜୀ କେତେବେଳେ ବିରୋଧୀ ନେତୃତ୍ୱଙ୍କ ସହ ବୈଠକ କରୁଛନ୍ତି ତ ପୁଣି କେତେବେଳେ ଦିଲ୍ଲୀ ଦରବାରରେ ବସୁଛି ଘନ ଘନ ବୈଠକ । କଳେ ବଳେ କୌଶଳେ ୨୦୨୪ ସାଧାରଣ ନିର୍ବାଚନରେ ଟିମ୍ ମୋଦିଙ୍କୁ କ୍ଲିନ ବୋଲ୍ଡ କରିବା ପାଇଁ ବିରୋଧୀ ଅଂଟା ଭିଡିଛନ୍ତି । ଏହା ଭିତରେ ବଳ ଯୋଗାଇଛି ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନୂଆ ଆହ୍ୱାନ ।
Kanak News is now on WhatsApp
Join and get latest news updates delivered to you via WhatsApp
ନୀତିଶ ବିରୋଧୀ ଦଳର ଏକତାକୁ ଅଧିକ ମଜବୁତ କରିବା ପାଇଁ ବାର୍ତା ଦେଇ କହିଛନ୍ତି ଯଦି ସବୁ ଦଳ ଏକାଠି ହେବେ ତେବେ ୨୦୨୪ ନିର୍ବାଚନରେ ବିଜେପି ସରକାରକୁ ହରାଇବା ସମ୍ଭବ ହେବ । ଏଥିପାଇଁ ବିରୋଧୀ ଏକତା, ପ୍ରସ୍ତୁତି ଓ ରଣନୀତି ଉପରେ ଧ୍ୟାନ କେନ୍ଦ୍ରିତ କରିବାକୁ ହେବ । ନୀତିଶଙ୍କ ଏହି ବୟାନ ପ୍ରଥମ ଥର ପାଇଁ ଶୁଣିବାକୁ ମିଳିନି ।ତେବେ ଉତରପ୍ରଦେଶ ଉପନିର୍ବାଚନରେ ଜେଡିୟୁ ଫେଲ ମାରିବା ପରେ ନୀତିଶ ଅଧିକ ଆକ୍ରାମକ ହୋଇପଡିଛନ୍ତି । ଏଥିସହ ନୀତିଶ କହିଛନ୍ତି କୌଣସି ପରିସ୍ଥିତିରେ ୨୦୨୪ ପାଇଁ ତୃତୀୟ ସାମୁଖ୍ୟ ହେବନି । ଆଗାମୀ ଦିନରେ ଯାହା ଗଠନ ହେବ ତାହା ମୁଖ୍ୟ ସାମୁଖ୍ୟ ଭାବେ ପରିଚୟ ପାଇବ । ବିଜେପିଠୁ ମେଂଟ ଭାଙ୍ଗି ଅଗଷ୍ଟମାସରେ ଜେଡିୟୁ ନୂଆ ସରକାର ଗଠନ କରିଥିଲା