ଇନଫୋସିଟି ଥାନାରେ ପୂର୍ବତନ ହକି ତାରକା ବୀରେନ୍ଦ୍ର ଲାକ୍ରା । ଆନନ୍ଦ ଟପ୍ପୋ ମୃତ୍ୟୁ ଘଟଣାରେ ପୋଲିସ ପଚରାଉଚୁରା ।
କନକ ବ୍ୟୁରୋ: ଥାନାରେ ହାଜର ହେଲେ ପୂର୍ବତନ ହକି ତାରକା ବୀରେନ୍ଦ୍ର ଲାକ୍ରା । ଆନନ୍ଦ ଟପ୍ପୋ ମୃତ୍ୟୁ ମାମଲାରେ ଆଜି ଇନଫୋସିଟି ଥାନାରେ ହାଜର ହୋଇଛନ୍ତି ଏହି ଓଡିଆ ହକି ଖେଳାଳି । ତେବେ ପୋଲିସ ତାଙ୍କୁ ଏହି ମୃତ୍ୟୁ ଘଟଣାରେ ପଚରାଉଚୁରା କରିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆନନ୍ଦ ଟପ୍ପୋ ମୃତ୍ୟୁ ମାମଲାରେ ହାଇକୋର୍ଟ ଇନଫୋସିଟି ଥାନା ଅଧିକାରୀଙ୍କୁ ଭର୍ସନା କରିବା ପରେ ପୋଲିସ ଆକ୍ସନ ମୋଡକୁ ଆସିଛି । ତେବେ ଆଗାମୀ ଦିନରେ ପୋଲିସ କଣ କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହା ଉପରେ ମଧ୍ୟ ନିଶ୍ଚୟ ନଜର ରହିବ ।
ଇନଫୋସିଟି ଥାନାରେ ପୂର୍ବତନ ହକି ତାରକା ବୀରେନ୍ଦ୍ର ଲାକ୍ରା
ଆନନ୍ଦ ଟପ୍ପୋ ମୃତ୍ୟୁ ଘଟଣାରେ ହାଜର ହେଲେ ବୀରେନ୍ଦ୍ର ଲାକ୍ରା
ଆନନ୍ଦ ଟପ୍ପୋ ମୃତ୍ୟୁ ନେଇ ବୀରେନ୍ଦ୍ରଙ୍କୁ ପୋଲିସର ପଚରାଉଚରା
ତଦନ୍ତରେ ଅବହେଳା ନେଇ ଇନଫୋସିଟି ଆଇଆଇସିଙ୍କ ଭର୍ସନା କରିଥିଲେ କୋର୍ଟ#BirendraLakra #KanakNews pic.twitter.com/U5TjODTRvM— Kanak News (@kanak_news) December 12, 2022
ସୂଚନାଯୋଗ୍ୟ ଯେ, ଗତ ଜୁନ୍ ମାସରେ ଭୁବନେଶ୍ୱର ପଟିଆ ଅଞ୍ଚଳରେ ଏକ ଫ୍ଲାଟରୁ ସନ୍ଦେହ ଜନକ ଅବସ୍ଥାରେ ଆନନ୍ଦ ଟପ୍ପୋଙ୍କ ମୃତଦେହ ଉଦ୍ଧାର କରାଯାଇଥିଲା । ଆନନ୍ଦଙ୍କ ମୃତଦେହ ମିଳିବା ପରେ ତାଙ୍କ ବାପା ଅଲମ୍ପିଆନ୍ ବୀରେନ୍ଦ୍ର ଲାକ୍ରାଙ୍କ ବିରୋଧରେ ଅଭିଯୋଗ ଆଣିଥିଲେ । କିନ୍ତୁ ବୀରେନ୍ଦ୍ରଙ୍କ ବିରୋଧରେ ସେତେବେଳେ ଇନଫୋସିଟି ଥାନା ଏତଲା ଗ୍ରହଣ କରିନଥିଲା ।
ଏହାପରେ ଏହି ଘଟଣାକୁ ନେଇ ହାଇକୋର୍ଟ ଇନଫୋସିଟି ଥାନା ଅଧିକାରୀ ସମିତା ମିଶ୍ରଙ୍କୁ ଭର୍ସାନା କରିଥିଲେ । ଏମିତି ଏହି ଘଟଣାରେ ବୀରେନ୍ଦ୍ରଙ୍କ ବିରୋଧରେ ମାମଲା ରୁଜୁ ନକରିବାକୁ ଆଇଆଇସିଙ୍କ ଉପରେ ବଡ ବଡ ଅଧିକାରୀ ଚାପ ପକାଇଥିବା କଥା ମଧ୍ୟ କହିଥିଲେ ଆନନ୍ଦଙ୍କ ବାପା ।