ଆଦିବାସୀଗଡର ପର୍ଯ୍ୟଟନ ସ୍ଥଳୀ: ପ୍ରାକୃତିକ ସୌନ୍ଦର୍ଯ୍ୟକୁ ନିଜ ଉଦ୍ୟମରେ ଇକୋ ଟୁରିଷ୍ଟ ପ୍ଲେସର ରୂପ ଦେଇଛନ୍ତି ମାଥିଲି ପଂଚାୟତ ନିର୍ବାହୀ ଅଧିକାରୀ
କନକ ବ୍ୟୁରୋ: ଆଦିବାସୀ ଗଡର ପର୍ଯ୍ୟଟନ ସ୍ଥଳୀ । ପ୍ରାକୃତିକ ସୌନ୍ଦର୍ଯ୍ୟକୁ କୃତ୍ରିମ ରୂପ । ବର୍ଷ ବର୍ଷ ଧରି ପ୍ରଶାସନର ଦୃଷ୍ଟି ଆଳୁଆଳରେ ଥିଲା । ରକ୍ଷଣାବେକ୍ଷଣା ଅଭାବରୁ ଧିରେ ଧିରେ ଲୁଚି ଯାଉଥିଲା । ଏବେ କିନ୍ତୁ ବଦଳିଯାଇଛି ପରିବେଶ । ପ୍ରାକୃତିକ ସୌନ୍ଦର୍ଯ୍ୟର ରୂପ ବଦଳାଇ ନୂଆ ପରିଚୟ ଦେଇଛି ପଂଚାୟତ ।
Kanak News is now on WhatsApp
Join and get latest news updates delivered to you via WhatsApp
ପ୍ରାକୃତିକ ପରିବେଶର ଅପରୂପ ସୌନ୍ଦର୍ଯ୍ୟ । ମାଥିଲି ପଂଚାୟତ ଅନ୍ତର୍ଗତ ଗାଙ୍ଗରାଜଗୁମ୍ମା ଗାଁରେ ପାହାଡ ଚିରି ଇକୋ ଟୁରିଷ୍ଟ ପ୍ଲେସ୍ କରିଛି ପଂଚାୟତ । ମାଥିଲି ପିଇଓ ଅଶୋକ ମହାରଣାଙ୍କ ଉଦ୍ୟମରେ ଏହି ପର୍ଯ୍ୟଟନ ସ୍ଥଳୀକୁ ନୂଆ ରୂପ ଦିଆଯାଇଛି । ମାଥିଲି ସଦର ଠାରୁ ୫ କିଲୋମିଟର ଦୂରରେ ରହିଛି ଗାଙ୍ଗରାଜଗୁମ୍ମା ପର୍ଯ୍ୟଟନ ସ୍ଥଳୀ । ପାହାଡ ଉପରେ ବଣଭୋଜି କରିବାକୁ ସବୁ ପ୍ରକାର ବ୍ୟବସ୍ଥା କରିଛି ମାଥିଲି ପଂଚାୟତ । ଏବେ ପାହାଡ ଉପରେ ଭିଡ ଲଗାଇଛନ୍ତି ପ୍ରକୃତି ପ୍ରେମୀ ଓ ପର୍ଯ୍ୟଟକ । ଆଗକୁ ନୂଆବର୍ଷ ଥିବାରୁ ଗାଙ୍ଗରାଜଗୁମ୍ମା ଇକୋ ପର୍ଯ୍ୟଟନ ସ୍ଥଳୀରେ ପର୍ଯ୍ୟଟକଙ୍କ ସଂଖ୍ୟା ଆହୁରି ବଢିବ ବୋଲି ଆଶା କରାଯାଉଛି ।
ପର୍ଯ୍ୟଟନ ସ୍ଥଳୀର ମନଲୋଭା ପରିବେଶରେ ବାଉଁଶ ପୋଲ ସାଙ୍ଗକୁ ଜଳ ପ୍ରପାତର ମଜା ନେଉଛନ୍ତି ପର୍ଯ୍ୟଟକ । ଗାଙ୍ଗରାଗୁମ୍ମା ଇକୋ ପର୍ଯ୍ୟଟନ ସ୍ଥଳିକୁ ନିଆରା କରିବାର ଉଦ୍ୟମ ଏବେ ବି ଚାଲିଛି । ପ୍ରାଥମିକ ଭାବେ ମାଥିଲି ପଂଚାୟତ ତରଫରୁ ଗମନାଗମନ ସହ ପର୍ଯ୍ୟଟକଙ୍କ ପାଇଁ ମୌଳିକ ସୁବିଧା ଯୋଗାଇ ଦେବାକୁ ପଦକ୍ଷେପ ନିଆଯାଉଛି । ଏହି କାର୍ଯ୍ୟ ପାଇଁ ପଂଚାୟତ ପିଇଓଙ୍କୁ ପ୍ରଶଂସା କରିଛନ୍ତି ମାଥିଲି ବିଡିଓ ।