କନକ ବ୍ୟୁରୋ : ଦେଶର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏଥର ଅର୍ଥାଭାବ ଯୋଗୁଁ ନିର୍ବାଚନରେ ସାମିଲ ହୋଇ ପାରିବେ ନାହିଁ ବୋଲି କହିଛନ୍ତି । ହେଲେ ଏ ନେଇ ନିର୍ମଳାଙ୍କର ବିଗତ ଦିନର କିଛି ତଥ୍ୟ ସାମ୍ନାକୁ ଆସିଛି । ୨୦୧୯ ବର୍ଷ ବେଳକୁ ନିମର୍ଳାଙ୍କ ପାଖରେ ମୋଟାମୋଟି ଭାବେ ଦୁଇ କୋଟିର ସମ୍ପତ୍ତି ରହିଥିବା ସେ ଜଣାଇ ଥିଲେ । ହେଲେ ଆଜି ସେ ନିର୍ବାଚନ ଲଢିବାକୁ ଆର୍ଥକ ଭାବେ ଅକ୍ଷମ ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନୀ ପ୍ରଚାର ପାଇଁ ପ୍ରତ୍ୟେକ ଲୋକସଭା ପ୍ରାର୍ଥୀ ସର୍ବାଧିକ ୯୫ ଲକ୍ଷ ଟଙ୍କା ଚୂଡାନ୍ତ ଥିବା ବେଳେ ବିଧାନ ସଭା ପ୍ରାର୍ଥୀଙ୍କ ପାଇଁ ସର୍ବାଧିକ ୪୦ ଲକ୍ଷ ରହିଛି । ଅଲ୍ପ ଜନସଂଖ୍ୟା ବିଶିଷ୍ଟ କେନ୍ଦ୍ରଶାସିତ ଅଂଚଳରେ ସାଂସଦ ପ୍ରାର୍ଥୀଙ୍କ ସର୍ବାଧିକ ଖର୍ଚ୍ଚ ସୀମା ୭୫ ଲକ୍ଷ ଥିବା ବେଳେ ବିଧାୟକ ମାନଙ୍କ ପାଇଁ ୨୮ ଲକ୍ଷ ରହିଛି । ପ୍ରାଥମିକ ଭାବେ ଏହି ଖର୍ଚ୍ଚ ସୀମା ୨୫ ହଜାର ଥିବା ବେଳେ ପ୍ରତିଥର ନିର୍ବାଚନ ହେବା ସହ ଏହାର ସୀମା ବୃଦ୍ଧିପାଇ ଆଜି ୯୫ ଲକ୍ଷ ଟଙ୍କାରେ ଯାଏଁ ପହଂଚିଲାଣି ।
ରାଜନୈତିକ ଦଳ ମାନଙ୍କ ପାଇଁ ନିର୍ବାଚନୀ ଖର୍ଚ୍ଚର କୌଣସି ସୀମା ନଥିବା ବେଳେ ବ୍ୟକ୍ତି ବିଶେଷ ଅନୁଯାୟୀ ଖର୍ଚ୍ଚର ସୀମା ଧାର୍ଯ୍ୟ କରା ଯାଇଛି । କିନ୍ତୁ ଦେଖିବାକୁ ଗଲେ ପ୍ରକୃତରେ ପ୍ରାର୍ଥୀ ମାନେ ଅଣ ଆନୁଷ୍ଠାନିକ ଭାବେ ନିଜ ଖର୍ଚ୍ଚ ଉଠାଇଥାନ୍ତି ଯେଉଁ କଥା କାହକୁ ଅଛପା ନାହିଁ ।
ଆଗରୁ ନିର୍ବାଚନୀ ଖର୍ଚ୍ଚ କମ ଥିବା ବେଳେ ୨୦୧୪ରେ ଆସିଥିଲା ପରିବର୍ତ୍ତନ । ୧୯୯୬ ମସିହାରେ ଖର୍ଚ୍ଚ ସୀମା ୧.୫ ଲକ୍ଷକୁ ବଢା ଯାଇଥିଲା । ୧୯୯୮ରେ ୧୫ ଲକ୍ଷରୁ ଆରମ୍ଭ କରି ୨୦୧୪ରେ ଏହି ସୀମା ବଢାଇ ୭୦ ଲକ୍ଷ କରାଯାଇଥିଲା ।
ଦିନକୁ ଦିନ ବଜାର ଦର ବୃଦ୍ଧି ହେଉଛି ଏହି ଅର୍ଥରାଶି ବଢିବାର ମୁଖ୍ୟ କାରଣ । ରାଜନୈତିକ ଦଳ ମାନଙ୍କୁ ସବୁ ଖର୍ଚ୍ଚ ଚିଠା ୯୦ ଦିନ ଭିତରେ ନିର୍ବାଚନ ଆୟୋଗକୁ ଦେବାକୁ ପଡିଥାଏ କିନ୍ତୁ ପ୍ରାର୍ଥୀ ମାନଙ୍କୁ ନିର୍ବାଚନ ଶେଷ ହେବାର ୩୦ ଦିନ ମଧ୍ୟରେ ଚିଠା ଦେବାକୁ ପଡିଥାଏ ।