ଚୀନରେ ପୁଣି କାଳ ହେଲାଣି କରୋନା ସଂକ୍ରମଣ: ୩ବର୍ଷ ପରେ ଉହାନ ସହରରେ ପଡିଲା ତାଲା
କନକ ବ୍ୟୁରୋ: ଏ ଘଟଣା ଜାଣିଲେ ଆପଣ ଯେତିକି ଆଶ୍ଚର୍ଯ୍ୟ ହେବେ ସେତିକି ବିଚଳିତ ମଧ୍ୟ ହୋଇପାରନ୍ତି କିନ୍ତୁ ଚୀନ ସରକାରଙ୍କ ପାଇଁ ଏହା କିଛି ନୂଆ କଥା ନୁହେଁ । କାରଣ ଦେଶରେ କୋଭିଡ ସଂକ୍ରମଣକୁ ରୋକିବା ପାଇଁ ଜିନପିଙ୍ଗ୍ ସରକାର ଜିରୋ ପଲିସି ପୁଣି ଥରେ ଜାରି କରିଛନ୍ତି । ଆପଣ ଦେଖି ପାରୁଥିବେ ରାସ୍ତା ଉପରେ କିଛି ରୋଗୀ ଛିଡା ହୋଇଛନ୍ତି । ଏମାନଙ୍କୁ ପାଇଁ ଆମ୍ବୁଲାନ୍ସ ବା ଅନ୍ୟ କୌଣସି ବ୍ୟବସ୍ଥା ନକରାଯାଇ କ୍ରେନ ସାହାଯ୍ୟରେ ଉଠାଇ ଏକ ଗାଡି ଭିତରକୁ ଅଣାଯାଉଛି ଓ ଏଠାରୁ ସେମାନଙ୍କୁ ଡାକ୍ତରଖାନାରେ ଭର୍ତି କରାଯାଉଛି । କରୋନା ଭୂତାଣୁ ଓମିକ୍ରନର ଦୁଇଟି ନୂଆ ପ୍ରଜାତି ସେଠରେ ସଂକ୍ରମଣକୁ ବୃ୍ଦ୍ଧି ହେବା ପରଠୁ ଅନେକ ନୂଆ କଟକଣା ଅଣାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜିନପିଙ୍ଗ ସରକାର କୋଭିଡ ସଂକ୍ରମଣକୁ ରୋକିବା ପାଇଁ ପୁଣି ଥରେ ଦେଶରେ ଜିରୋ କୋଭିଡ ପଲିସି ଲାଗୁ କରିଛନ୍ତି । ଯାହାକୁ ନେଇ ସାଧାରଣ ଜନତାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇବା ସହ ଦେଶ ଚୀନର ଅର୍ଥନୀତି ଉପରେ ମଧ୍ୟ ବିଶେଷ ପ୍ରଭାବ ପକାଉଛି ।
ଚୀନକୁ କଲବଲ କରୁଛି କରୋନା
• ଚୀନରେ ଓମିକ୍ରନର ଦୁଇଟି ନୂଆ ଉପପ୍ରଜାତିତ ଚିହ୍ନଟ ହୋଇଛି
• ୩ବର୍ଷ ପରେ ଉହାନରେ ପୁଣି ଲକଡାଉନ ଲାଗୁ ହୋଇଛି
• ସହରର ୮ଲକ୍ଷ ଲୋକଙ୍କୁ ଅକ୍ଟୋବର ୩୦ ପର୍ଯ୍ୟନ୍ତ ଗୃହବନ୍ଦୀ ରଖାଯାଇଛି
• ୨୫ଟି ସହରରେ ଆଂଶିକ ଲକଡାଉନ କଟକଣା ଲାଗୁ ହୋଇଛି
• ୨ଶହ ସ୍ଥାନକୁ ହାଇ-ରିସ୍କ-ଜୋନ ଭାବେ ଘୋଷଣା କରାଯାଇଛି
• ତିବେତରେ ସବୁଠୁ ଅଧିକ ସଂକ୍ରମଣ ଚିହ୍ନଟ ହେଉଛନ୍ତି
• ଶିକ୍ଷାନୁଷ୍ଠାନ ଓ ରେସ୍ତୋଁରାକୁ ବନ୍ଦ କରାଯାଇଛି
• ଆଇଫୋନର ସବୁଠୁ ବଡ କାରଖାନା ସହ ଜେନଗୁଜହୋର ସମସ୍ତ କାରଖାନା ବନ୍ଦ ରଖାଯାଇଛି
• ସାଂଘାଇ ଓ ବେଜିଂରେ ସଟଡାଉନ କଟକଣା ଲଗାଯାଇଛି
• ଅର୍ଥନୀତି ଭୁଷୁଡିବା ଯୋଗୁଁ ୨୦କୋଟି ୭୦ଲକ୍ଷ ଲୋକ ପ୍ରଭାବିତ ହୋଇଛନ୍ତି
• ଚୀନର ଜିଡିପି ୨.୬ ପ୍ରତିଶତ ତଳକୁ ଖସିଛି
ଅନ୍ୟପଟେ ଜିନପିଙ୍ଗ ସରକାରଙ୍କ ବିରୋଧରେ ଦେଶର ବିଭିନ୍ନ ସ୍ଥାନରେ ବିରୋଧ ପ୍ରଦର୍ଶନ ଆରମ୍ଭ ହୋଇଛି । ଜିରୋ କୋଭିଡ ନୀତିକୁ ବିରୋଧ କରି ଶହ ଶହ ପ୍ରବାସୀ ଶ୍ରମିକ ଓ ସ୍ଥାନୀୟ ଲୋକ ଆନ୍ଦୋଳନକୁ ଓହ୍ଲାଇଲେଣି । ସରକାର ଯେଉଁ କଟକଣା ଲଗାଇଛନ୍ତି ଏହା ଦ୍ୱାରା ସେମାନଙ୍କ ଦୈନନ୍ଦିନ ଜୀବନ ବାଧାପ୍ରାପ୍ତ ହେବା ଭୋକ ଉପାସରେ ଦିନ କଟୁଥିବା ଅଭିଯୋଗ ହୋଇଛି ।
୨୦୧୯ ମସିହାରେ ପ୍ରଥମ ଥର ପାଇଁ ଚୀନର ଉହାନରୁ ଦୁନିଆର ପ୍ରଥମ କୋଭିଡ ସଂକ୍ରମିତ ଚିହ୍ନଟ ହୋଇଥିଲେ । ଅଢେଇବର୍ଷ ପରେ ପୁଣି ସେଠାରେ ସଂକ୍ରମଣ ବୃଦ୍ଧି ହେବା ଯୋଗୁଁ ଭୟର ବାତାବରଣ ଖେଳିଯାଇଛି । ସଂକ୍ରମଣକୁ ରୋକିବା ପାଇଁ ଜିନପିଙ୍ଗ ସରକାର ଜିରୋ କୋଭିଡ ନୀତି ଲାଗୁ କରିଛନ୍ତି ସତ କିନ୍ତୁ ଦେଶବାସୀଙ୍କୁ ମଧ୍ୟ ଅକଥନୀୟ ନିର୍ଯାତନା ସହିବାକୁ ପଡୁଛି ।