ଚେପକ୍ ଷ୍ଟାଡିୟମକୁ ପ୍ରସ୍ତୁତ କରୁଛନ୍ତି ନିଜେ କ୍ୟାପଟେନ୍ କୁଲ୍ ଧୋନୀ । ସିଟକୁ ଲଗାଉଛନ୍ତି ରଙ୍ଗ । ଦେଖନ୍ତୁ, ଭିଡିଓ…..
କନକ ବ୍ୟୁରୋ: ମାର୍ଚ୍ଚ ୩୧ ତାରିଖରୁ ଆରମ୍ଭ ହେବାକୁ ଯାଉଛି ଆଇପିଏଲ୍ ଟୁର୍ଣ୍ଣାମେଣ୍ଟ । ବର୍ତ୍ତମାନ ସବୁ ଟିମ୍ ପ୍ରସ୍ତୁତିରେ ଲାଗିପଡିଥିବାବେଳେ, ଧୋନୀଙ୍କ ଟିମ୍ ଚେନ୍ନାଇ ସୁପର କିଙ୍ଗସ୍ ମଧ୍ୟ ପ୍ରାକ୍ଟିସ୍ ଚଲାଇଛି । ଏହାରି ଭିତରେ ଚେନ୍ନାଇର ଚେପକ ଷ୍ଟାଡିୟମରୁ ଆସିଛି ଏକ ରୋଚକ ଦୃଶ୍ୟ । ଚେପକ୍ ଷ୍ଟାଡିୟମର ସିଟରେ ରଙ୍ଗ ଦେଉଥିବା ନଜର ଆସିଛନ୍ତି ଦଳର ଅଧିନାୟକ ମହେନ୍ଦ୍ର ସିଂହ ଧୋନୀ ।
Kanak News is now on WhatsApp
Join and get latest news updates delivered to you via WhatsApp
ଚେନ୍ନାଇ ସୁପର କିଙ୍ଗସର ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ଅନେକ ଭିଡିଓ ସୋସିଆଲ୍ ମିଡିଆରେ ବର୍ତ୍ତମାନ ଭାଇରାଲ ହେବାରେ ଲାଗିଛି । ଆଉ ଏବେ ଆସିଛି ସେହିପରି ଏକ ନୂଆ ଭିଡିଓ । ଷ୍ଟାଡିୟମର ସିଟକୁ ପଲିସ୍ କରୁଥିବା ନଜର ଆସିଛନ୍ତି ମାହି । ସିଏସକେ ମ୍ୟାନେଜର ରସେଲ ରାଧାକୃଷ୍ଣନଙ୍କ ସହ ଏମ୍ ଏ ଚିଦାମ୍ବରମ ଷ୍ଟାଡିୟମରେ ବୁଲିବା ସହିତ ଧୋନୀ ଏହି କାମ କରୁଥିବା ଦେଖିବାକୁ ମିଳିଛି ।
“ ”
Anbuden Awaiting for April 3 pic.twitter.com/eKp2IzGHfm— Chennai Super Kings (@ChennaiIPL) March 27, 2023
ସୂଚନାଯୋଗ୍ୟ ଯେ, ୨୦୧୯ ପରେ ପ୍ରଥମ ଥର ପାଇଁ ହୋମ୍ ଗ୍ରାଉଣ୍ଡରେ ମ୍ୟାଚ୍ ଖେଳିବାକୁ ଯାଉଛି ସିଏସକେ । କୋଭିଡ୍ ମହାମାରୀ ପାଇଁ ଗଲା ପ୍ରାୟ ୩ ବର୍ଷ ହେଲା ୟୁଏଇ କିମ୍ବା କିଛି ସ୍ୱତନ୍ତ୍ର ଜାଗାରେ ଆୟୋଜିତ ହେଉଥିଲା । ଯେଉଁ କାରଣରୁ ଚେପକ୍ ଷ୍ଟାଡିୟମରେ ଦର୍ଶକ ମ୍ୟାଚ୍ ଦେଖିବାରୁ ବଞ୍ଚିତ ହେଉଥିଲେ । ଆସନ୍ତା ମାର୍ଚ୍ଚ ୩୧ ତାରିଖରେ ଚେନ୍ନାଇ ସୁପର କିଙ୍ଗସ୍ ନିଜର ପ୍ରଥମ ମ୍ୟାଚ୍ ଖେଳିବ । ଗୁଜରାଟ ଟାଇଟନ୍ସ ବିରୋଧରେ ଏହି ମ୍ୟାଚ୍ ଖେଳିବ ଦଳ । ତେବେ ଏପ୍ରିଲ ୩ ତାରିଖରେ ଦଳ ଚେନ୍ନାଇରେ ନିଜର ପ୍ରଥମ ମ୍ୟାଚ୍ ଖେଳିବାକୁ ଥିବାବେଳେ, ଲକ୍ଷ୍ନୌ ସୁପର ଜ୍ୟାଣ୍ଟସ୍ ବିରୋଧରେ ଏହି ମ୍ୟାଚ୍ ଖେଳାଯିବ ।