କନକ ବ୍ୟୁରୋ : ଅଲିମ୍ପିକ୍ସରେ ବ୍ରୋଂଜ ପଦକ ଜିତି ପୁରୁଷ ହକି ଟିମ୍ ନୂଆ ଇତିହାସ ରଚିଥିବା ବେଳେ ଆଜି ଭାରତୀୟ ମହିଳା ହକି ଦଳ ପାଇଁ ଇତିହାସ ରଚିବାର ସୁଯୋଗ ଆସିଛି । ବ୍ରୋଞ୍ଜ ପଦକ ପାଇଁ ବ୍ରିଟେନ୍ ସହ ମୁକାବିଲା କରୁଛି ଭାରତୀୟ ମହିଳା ହକି ଦଳ । ସେମିଫାଇନାଲରେ ଆର୍ଜେଂଟିନା ଠାରୁ ହାରି ଯାଇଥିଲା ମହିଳା ଟିମ୍ । ସେମିଫାଇନାଲରେ ଆର୍ଜେଂଟିନା ବିପକ୍ଷରେ ଭାରତ ୧-୨ ଗୋଲରେ ମ୍ୟାଚ ହାରିବା ପରେ ତୃତୀୟ ସ୍ଥାନ ପାଇଁ ଏହି ଲଢେଇ କରୁଛି ।
Kanak News is now on WhatsApp
Join and get latest news updates delivered to you via WhatsApp
କ୍ୱାର୍ଟର ଫାଇନାଲରେ ଅଷ୍ଟ୍ରେଲିଆ ଭଳି ଶକ୍ତିଶାଳୀ ଦଳକୁ ମାତ୍ ଦେଇଥିବାରୁ ମହିଳା ହକି ଦଳ ପଦକ ଜିତିବା ନେଇ ଭାରତୀୟ ହକି ପ୍ରେମୀଙ୍କ ଆଶା ବଢ଼ିଯାଇଛି । ଫଳରେ ଏହି ମ୍ୟାଚ ଉପରେ ସମସ୍ତଙ୍କ ନଜର ରହିଛି । ଯଦି ଭାରତ ଆଜିର ମ୍ୟାଚ ଜିତେ, ତେବେ ଅଲିମ୍ପିକ୍ସ ଇତିହାସରେ ପ୍ରଥମ ଥର ପାଇଁ ପଦକ ଜିତିବ ଭାରତୀୟ ମହିଳା ହକି ଦଳ । ପ୍ରଥମ ଥର ଭାରତୀୟ ମହିଳା ହକି ଦଳ ୧୯୮୦ ମସ୍କୋ ଅଲିମ୍ପିକ୍ସରେ ଭାଗ ନେଇଥିଲା । ଏହାପରେ ୨୦୧୬ ରିଓ ଅଲିମ୍ପିକ୍ସରେ ସାମିଲ ହୋଇଥିଲା ।