ଓଡିଶା ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଓଡ଼ିଶାରେ ସରଗରମ ହେଲା ରାଜନୀତି । ଦଳୀୟ ପଦାଧିକାରୀଙ୍କ ଦେଇପାରନ୍ତି ଗୁରୁମନ୍ତ୍ର ।
କନକ ବ୍ୟୁରୋ: ଆସନ୍ତାକାଲି ଓଡିଶା ଆସୁଛନ୍ତି ଅମିତ ଶାହ । ତାଙ୍କ ଆଗମନ ପାଇଁ ଚଳଚଞ୍ଚଳ ହୋଇ ଉଠିଛି ରାଜ୍ୟ ବିଜେପି । ନିର୍ବାଚନ ସମୟରେ ନବୀନ ସରକାରଙ୍କୁ କଡା କଟାକ୍ଷ କରୁଥିବା ଅମିତ ଶାହ ନିଜ ବକ୍ତବ୍ୟରେ କଣ କହିବେ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ତେବେ ପ୍ରଜାତନ୍ତ୍ରର ୭୫ତମ ପ୍ରତିଷ୍ଠା ଦିବସରେ ଯୋଗଦେବା ପାଇଁ ଓଡିଶା ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ । ଖାଲି ସେତିକି ନୁହେଁ, ଓଡିଆ ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବା ପରେ ଅମିତ ଶାହା ଆସୁଥିବାରୁ ତାଙ୍କ ବକ୍ତବ୍ୟ କିପରି ରହିବ ତାହାକୁ ନେଇ ରାଜନୀତି ଆରମ୍ଭ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ୨୦୧୯ ସାଧାରଣ ନିର୍ବାଚନରେ ନବୀନ ସରକାରଙ୍କୁ ତତକାଳୀନ ବିଜେପି ସଭାପତି ଅମିତ ଶାହଙ୍କ କଟାକ୍ଷ କରିଥିଲେ । ଏହି ନିର୍ବାଚନରେ ବିଜେପି ଭଲ କରିନଥିଲେ ବି ମୁଖ୍ୟ ବିରୋଧୀ ଦଳର ମାନ୍ୟତା ପାଇଥିଲା ।
- ପୁଣି ଓଡିଶା ଆସୁଛନ୍ତି ବିଜେପିର ଚାଣକ୍ୟ
- ଅମିତ ଶାହଙ୍କୁ ଗସ୍ତକୁ ନେଇ ସରଗରମ ରାଜନୀତି
ଆଉ ଦୁଇବର୍ଷରୁ କମ ସମୟ ରହିଲା ସାଧାରଣ ନିର୍ବାଚନ । ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ନିର୍ବାଚନ ହେବା ପରେ କେନ୍ଦ୍ରୀୟ ବିଜେପି ଫୋକସରେ ରହିଛି ଓଡିଶା । ଆଉ ଏସବୁ ଭିତରେ ଅମିତ ଶାହଙ୍କ ଦୁଇଦିନିଆ ଗସ୍ତ ରାଜନୀତି ପାଣିପାଗକୁ ସରଗରମ କରିଛି । ଅମିତ ଶାହଙ୍କ ଗସ୍ତ ଭିତରେ ରହିଛି କଟକରେ ପ୍ରଜାତନ୍ତ୍ରର ୭୫ତମ ପ୍ରତିଷ୍ଠା ଦିବସ କାର୍ଯ୍ୟକ୍ରମ । ତେବେ ଅମିତ ଶାହଙ୍କ ଗସ୍ତକୁ ନେଇ ରାଜ୍ୟ ବିଜେପି ଶିବିର ଚଳଚଞ୍ଚଳ ହୋଇଉଠିଛି ।
ବିରୋଧୀ ଦଳ ନେତା ପରିବର୍ତ୍ତନ କରି ବିଜେପି, ବିଜେଡି ବିରୋଧରେ ଲଢିବା ସଙ୍କେତ ଦେଇଛି । ଏପରିକି ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଥିଲେ, ଅମିତ ଶାହଙ୍କ ଗସ୍ତ ପରେ ବିଜେଡି ବିରୁଦ୍ଧରେ ଲଢେଇର ମୂଳଦୂଆ ପଡିବ । ତେଣୁ ଅମିତ ଶାହଙ୍କ ଗସ୍ତ ବିଜେପି ଶିବିରରେ କେତେ ଜୋସ୍ ଭରୁଛି ତା ଉପରେ ସମସ୍ତଙ୍କ ନଜର ରହିଛି ।
ଦୁଇ ଦିନିଆ ଗସ୍ତବେଳେ ଅମିତ ଶାହ ରାଜ୍ୟ ବିଜେପି ଅଫିସରେ ଦଳୀୟ ପଦାଧିକାରୀ ଓ ବରିଷ୍ଠ ନେତାଙ୍କୁ ଭେଟିବେ । କୁହାଯାଉଛି…
-୨୦୨୪ ପାଇଁ ବିଜେପି ନେତାଙ୍କୁ ରୋଡମ୍ୟାପ୍ ଦେଇପାରନ୍ତି ବିଜେପିର ଚାଣକ୍ୟ
– ଦଳୀୟ ନେତାଙ୍କୁ ବିଜୟର ଗୁରୁମନ୍ତ୍ର ଦେବେ ଅମିତ ଶାହ
– ଗୋଷ୍ଠୀ କନ୍ଦଳକୁ ଭୁଲି ଏକାଠି ଲଢିବା ପାଇଁ ଦେବେ ଗୁରୁମନ୍ତ୍ର
-ମୋଦି ସରକାରଙ୍କ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବା ଉପରେ ଦେବେ ଜୋର
-ବୁଥ୍ ସ୍ତରରେ ସଙ୍ଗଠନକୁ ଦୃଢ କରିବା ଉପରେ ରହିବ
-୨୦୧୯ରେ ହାରିଯାଇଥିବା ସଂସଦୀୟ କ୍ଷେତ୍ର ଉପରେ ରହିପାରେ ଫୋକସ
ପଞ୍ଚାୟତ, ପୌର ଓ ଉପନିର୍ବାଚନରେ ବିଜେପି ଫେଲ ମାରିଥିଲା । ଏପରିକି ବ୍ରଜରାଜନଗରରେ ତୃତୀୟ ସ୍ଥାନକୁ ଖସିଆସିଥିଲା ଦଳ । ତେବେ ଏଠାରେ ପ୍ରଶ୍ନ ଉଠୁଛି, ଅମିତ ଶାହଙ୍କ ଗସ୍ତ ରାଜ୍ୟ ବିଜେପିକୁ ସଂଜୀବନୀ ଦେବ କି ? କଟକରେ ବିଜେଡି ସାଂସଦଙ୍କ କାର୍ଯ୍ୟକ୍ରମରେ କି ସନ୍ଦେଶ ଦେଉଛନ୍ତି ଅମିତ ଶାହ ସେ ଉପରେ ସମସ୍ତଙ୍କ ନଜର ରହିଛି ।