ବଦଳିଲା ରାହୁଲ ଗାନ୍ଧୀଙ୍କ ଲୁକ,ଦାଢି କାଟି ସୁଟବୁଟରେ ନଜର ଆସିଲେ କଂଗ୍ରେସ ନେତା

କନକ ବ୍ୟୁରୋ : ବ୍ରିଟେନରେ ନୂଆ ଲୁକରେ କଂଗ୍ରେସ ସାଂସଦ ରାହୁଲ ଗାନ୍ଧୀ । ସବୁବେଳେ କିଛି ନା କିଛି କାରଣରୁ ଚର୍ଚ୍ଚାରେ ରହୁଥିବା ରାହୁଲ ଗାନ୍ଧୀଙ୍କ ନୂଆ ଲୁକକୁ ନେଇ ଏବେ ପୁଣି ଚର୍ଚ୍ଚା ସୃଷ୍ଟି ହୋଇଛି । ରାହୁଲ ଗାନ୍ଧୀ ଦାଢି କାଟିବା ସହ କୋର୍ଟ-ଟାଇ ପିନ୍ଧିଥିବାର ଦେଖିବାକୁ ମିଳିଛି । ଏହା ସହ ଏକ ଜ୍ୟାକେଟ ମଧ୍ୟ ପିନ୍ଧିଛନ୍ତି ରାହୁଲ ଗାନ୍ଧୀ । ତେବେ ମିଳିଥିବା ସୂଚନା ଅନୁଯାୟୀ, ରାହୁଲ ଗାନ୍ଧୀ ଏବେ ୭ ଦିନ ବ୍ରିଟେନ ଗସ୍ତରେ ଅଛନ୍ତି । ବ୍ରିଟେନର କେମ୍ପ୍ରିଜ ବିଶ୍ୱବିଦ୍ୟାଳୟରେ ବିଭିନ୍ନ ବିଷୟକୁ ନେଇ ଲେକ୍ଚର ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଏହା ସହ ଭାରତୀୟ ପ୍ରବାସୀଙ୍କୁ ସମ୍ବୋଧନ କରିବାର ଯୋଜନା ରହିଛି । ତେବେ ରାହୁଲଙ୍କ ଲମ୍ବା ଦାଢି ବଦଳରେ ଟ୍ରିମ୍ ଦାଢି ଦେଖି ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରିତିକ୍ରିୟା ସାମ୍ନାକୁ ଆସିଛି