ଉଚ୍ଛେଦ ବେଳେ ଉତ୍ତେଜନା : ଖଣି ପାଇଁ ଏସପି-ବିଧାୟକ ମୁହାଁମୁହିଁ
କନକ ବ୍ୟୁରୋ : ଖଣିକୁ ନେଇ ମୁହାଁମୁହିଁ ହେଲେ ବିଧାୟକ ଓ ଏସପି । ଅନୁଗୁଳୁ ଭାଲୁଗାଡିଆଠାରେ ପ୍ରଶାସନ ଓ ବିଧାୟକ ହେଲେ ମୁହାଁମୁହିଁ । ଜମିଅଧିଗ୍ରହଣକୁ ନେଇ ଏପରି ସ୍ଥିତି ଉପୁଜିଥିବା ବୋଲି ଜଣାଯାଇଛି । ତେବେ ଦୀର୍ଘଦିନରୁ ସରକାରୀ ସ୍ତରରେ ଜମି ଅଧିଗ୍ରହଣ ପ୍ରକ୍ରିୟା ତ୍ୱରାନ୍ୱିତ କରାଯାଇଥିବା ବେଳେ ସ୍ଥାନୀୟ ଲୋକେ ବିଭିନ୍ନ ଦାବୀ ନେଇ ବିରୋଧ କରି ଆସୁଥିଲେ । ତେବେ ଜମି ବଦଳରେ ସେମାନଙ୍କୁ ଅନ୍ୟତ୍ର ଜମି ପ୍ରଦାନ ପାଇଁ ଅଂଚଳବାସୀଙ୍କ ପକ୍ଷରୁ ଦାବୀ ହୋଇ ଆସୁଥିଲା ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଏହି ଦାବୀର କୌଣସି ପ୍ରତିକାର ନକରି ଆଜି ପ୍ରଶାସନିକ ଅଧିକାରୀମାନେ ଭାଲୁଗାଡିଆ ଅଂଚଳରୁ ପ୍ରଥମେ ଉଚ୍ଛେଦ ପ୍ରକ୍ରିୟା ଆରମ୍ଭ କରିଥିଲେ । ଯାହାକୁ ବିରୋଧ କରିଥିଲେ ଅଂଚଳବାସୀ । ତେବେ ଗୁରୁତ୍ୱପୂର୍ଣ୍ଣ କଥା ହେଲା ଅଂଚଳବାସୀଙ୍କୁ ଅନୁରୂପ ଭାବରେ ସମର୍ଥନ ଜଣାଇବା ସହ ତାଳଚେର ବିଧାୟକ ବ୍ରଜ କିଶୋର ପ୍ରଧାନ ଉଚ୍ଛେଦ ପ୍ରକ୍ରିୟାକୁ ବିରୋଧ କରିବାରୁ ଅନ୍ୟ ଶତାଧିକ ଆନ୍ଦୋଳନକାରୀଙ୍କ ସମେତ ବିଧାୟକଙ୍କୁ ପୋଲିସ ଅଟକ ରଖିଥିବା ସୂଚନା ମିଳିଛି ।