ଚିଲିକାରେ ବଢ଼ୁଛି ବିଦେଶୀ ପକ୍ଷୀ ଶିକାର: ୨ ସପ୍ତାହରେ ୮ ଶିକାରୀ ଗିରଫ, ଜବତ ହେଲାଣି ୨୭ରୁ ଅଧିକ ମୃତ ବିଦେଶୀ ପକ୍ଷୀ
କନକ ବ୍ୟୁରୋ: ଚିଲିକାରେ ବଢୁଛି ପକ୍ଷୀ ଶିକାର । ଶିତ ଋତୁ ଆସିଲେ ଜଳବାୟୁ ଓ ଖାଦ୍ୟ ଅନେଶ୍ୱଣ ପାଇଁ ଚିଲିକାକୁ ବିଦେଶୀ ପକ୍ଷୀଙ୍କ ଆଗମନ ହୋଇଥାଏ । ଚିଲିକାର ବିଭିନ୍ନ ଅଂଚଳରେ ପକ୍ଷୀମାନେ ଦଳ ଦଳ ହୋଇ ବିଚରଣ କରିଥାଆନ୍ତି । ଅନ୍ୟପଟେ ଏବେ ଏହି ଅଂଚଳରେ ପକ୍ଷୀ ଶିକାରୀ ମାନେ ସକ୍ରିୟ ହୋଇ ଉଠିଛନ୍ତି । ଗତ ଦୁଇ ସପ୍ତାହ ଭିତରେ ଟାଙ୍ଗୀ ବନ୍ୟପ୍ରାଣୀ ବିଭାଗ ୮ ଜଣ ଶିକାରୀଙ୍କୁ ଗିରଫ କରିଥିବା ବେଳେ ୨୭ରୁ ଉଦ୍ଧ୍ୱର୍ ମୃତ ବିଦେଶୀ ପକ୍ଷୀ ଜବତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ ଟାଙ୍ଗୀ ରେଂଜ ବନ୍ୟପ୍ରାଣୀ ବିଭାଗ ଗତ ୧୪ ତାରିଖରେ ୭ଟି ମୃତ ବିଦେଶୀ ପକ୍ଷୀ ଜବତ କରିବା ସହ ମଙ୍ଗଳାଯୋଡ଼ିର ଭାଗବତ ବେହେରା ଓ ବାହୁଡ଼ା ବେହେରାଙ୍କୁ ଗିରଫ କରିଥିଲା । ଗୋଟିଏ ଡ଼ଙ୍ଗା ଭିତରୁ ପକ୍ଷୀ ଗୁଡ଼ିକୁ ଜବତ କରିଥିଲା ବନ୍ୟପ୍ରାଣୀ ବିଭାଗ । ସେହିପରି ନଭେମ୍ବର ୨୮ ତାରିଖରେ ଅଭିମାନପୁର ପକ୍ଷୀ ସୁରକ୍ଷା କ୍ୟାମ୍ପ ନିକଟରୁ ୬ଟି ମୃତ ବିଦେଶୀ ପକ୍ଷୀ ଜବତ କରିବା ସହ ଜଣଙ୍କୁ ଗିରଫ କରାଯାଇଥିଲା । ଦିନକୁ ଦିନ ଚିଲିକାରେ ପକ୍ଷୀ ଶିକାର ଗବଢୁଥିବା ବେଳେ ଏଥିରେ ରୋକ ଲଗାଇବାକୁ ଦାବି କରିଛନ୍ତି ବୁଦ୍ଧିଜୀବୀ ।