ଦେଶର ପ୍ରଥମ ଘରୋଇ ଟ୍ରେନର ପୂରା କାହାଣୀ । କଣ ଥିଲା ପ୍ରଥମ ଘରୋଇ ଟ୍ରେନର ନାମ ? ଯାତ୍ରୀଙ୍କ ପାଇଁ କଣ ରହିଛି ସ୍ୱତନ୍ତ୍ର ସୁବିଧା
କନକ ବ୍ୟୁରୋ : ଯାତ୍ରୀଙ୍କ ସୁବିଧା ଦୃଷ୍ଟିରୁ ଭାରତରେ ଏକ୍ସପ୍ରେସ, ଲୋକାଲ, ସୁପରଫାଷ୍ଟ ଭଳି ଟ୍ରେନ ଯାତ୍ରା କରିଥାଏ । ତେବେ ଭାରତୀୟ ରେଲୱେ ନିଜର ବିଶାଳ ନେଟୱର୍କ ପାଇଁ ସାରା ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି । ଭାରତ ହେଉଛି ବିଶ୍ୱର ଚତୁର୍ଥ ଏବଂ ଏସୀଆରେ ଦ୍ୱିତୀୟ ବୃହତମ ରେଳ ନେଟୱର୍କ । ପ୍ରତିଦିନ ୧୩ ହଜାରରୁ ଅଧିକ ଟ୍ରେନ ଚଳାଚଳ କରୁଥିବାବେଳେ ଲକ୍ଷ ଲକ୍ଷ ଲୋକ ଯାତ୍ରା କରୁଛନ୍ତି । ଭାରତୀୟ ରେଳ ମନ୍ତ୍ରାଳୟ ଦ୍ୱାରା ‘ଅମୃତ ଭାରତ ଷ୍ଟେସନ ସ୍କିମ’ ଆରମ୍ଭ କରାଯାଇଛି । ଯେଉଁଥିରେ ୧ ହଜାରରୁ ଅଧିକ ରେଳ ଷ୍ଟେସନକୁ ହାଇଟେକ କରାଯାଇଛି । ତେବେ ଏହି ଯୋଜନା ଅଧିନରେ ଏକ ପ୍ରାଇଭେଟ ଟ୍ରେନ ମଧ୍ୟ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆମେ କହିବା ତାହେଲେ ଦେଶର ଅଧିକାଂଶ ଲୋକଙ୍କୁ ଆଜି ମଧ୍ୟ ଜଣାନାହିଁ କି ପ୍ରାଇଭେଟ ଟ୍ରେନ ରହିଛି । ତେବେ ଦେଶର ପ୍ରଥମ ପ୍ରାଇଭେଟ ଟ୍ରେନର ନାମ ହେଉଛି ‘ଭାରତ ଗୌରବ ଏକ୍ସପ୍ରେସ’ । ଯାହାକି ୨୦୨୧ ମସିହାରେ ଲଂଚ ହୋଇଛି । ଏହାକୁ ଲିଜରେ ନେଇ ଟୁରିଷ୍ଟଙ୍କ ଉଦ୍ଦେଶ୍ୟରେ ବ୍ୟବହାର କରାଯାଉଛି । ଏହି ଟ୍ରେନଟି ସ୍ୱତନ୍ତ୍ର ଡିଜାଇନ ଅଧୀନରେ ପ୍ରସ୍ତୁତ ହୋଇଛି । ଯେଉଁଥିରେ ସାଧାରଣ କୋଠରୀରେ ସିସିଟିଭି କ୍ୟାମେରା ଲଗାଯାଇଛି । ଏହାସହ ଟ୍ରେନରେ ଏକ ସ୍ୱତନ୍ତ୍ର ପେଟିଂ୍ର କାର ମଧ୍ୟ ରହିଛି । ଟ୍ରେନର ବାହାରେ ଥିବା ଚିତ୍ର ଗୁଡ଼ିକ ଭାରତ କଳା ସଂସ୍କୃତିକୁ ପ୍ରତିଫଳିତ କରିଥାଏ ।
‘ଭାରତ ଗୌରବ ଏକ୍ସପ୍ରେସ’ ଦିଲ୍ଲୀରୁ ବାହାରି ଦକ୍ଷିଣ ଭାରତର ରାମେଶ୍ୱରମ ପର୍ଯ୍ୟନ୍ତ ଯାଇଥାଏ । ଏହାସହ ଦକ୍ଷିଣ ଭାରତର ପ୍ରମୁଖ ପର୍ଯ୍ୟଟନ ସ୍ଥଳକୁ ମଧ୍ୟ ଯାଇଥାଏ । ଏହି ଟ୍ରେନ ଥରେ ଯାତ୍ରାରେ ବାହାରିଲେ ୨୦ ଦିନ ପରେ ଫେରିଥାଏ । ୧୫ଶହ ଯାତ୍ରୀ ବିଶିଷ୍ଟ କ୍ଷମତା ରହିଛି । ତେବେ ଦେଶର ଏହି ପ୍ରଥମ ପ୍ରାଇଭେଟ ଟ୍ରେନ କୋଏମ୍ବାଟୁରରୁ ନୀଳ ପତାକା ଦେଖାଇବା ପରେ ବାହାରିଥିଲା ।
ତେବେ ଏହି ଟ୍ରେନ ଚଳାଇବାର ଏକ ମୁଖ୍ୟ ଉଦ୍ଦେଶ୍ୟ ରହିଛି । ଯାତ୍ରୀଙ୍କୁ ଭାରତର ଐତିହ୍ୟ ସମ୍ପର୍କରେ ଅବଗତ କରାଇବା ଏହି ଟ୍ରେନ ଚଳାଚଳ କରାଇବାୁ ମୁଖ୍ୟ ଉଦ୍ଦେଶ୍ୟ । ଏହି ଟ୍ରେନର ଭଡ଼ା ରୁଟ ଅନୁଯାୟୀ ସ୍ଥିର କରାଯାଇଥାଏ । ଟ୍ରେନର ଭଡ଼ା କଥା ଯଦି କହିବା ତାହେଲେ ୧୭ ହଜାରରୁ ଏକ ଲକ୍ଷ ଟଙ୍କାରୁ ଅଧିକ ରହିଛି । ଏହି ଯୋଜନା ମାଧ୍ୟମରେ ଦିଲ୍ଲୀ ସରକାର ବୃଦ୍ଧ ଯାତ୍ରୀମାନଙ୍କୁ ତୀର୍ଥସ୍ଥାନ ଦର୍ଶନ ପ୍ରଦାନ କରୁଛନ୍ତି ।