ବାପା ଦାଦନ, ଝିଅ ଟପ୍ପର । ଗଞ୍ଜାମ ଆସିକାରୁ ଆସିଲା ସଫଳତାର ଚିତ୍ର
କନକ ବ୍ୟୁରୋ : ସମସ୍ତ ପ୍ରତିବନ୍ଧକ ସତ୍ୱେ ଝିଅକୁ ପାଠ ପଢାଇଥିଲେ । ଆଉ ସେହି ଝିଅ ଏବେ ମାଟ୍ରିକ ପରୀକ୍ଷାରେ ୫୪୦ ମାର୍କ ରଖି ଟପ୍ପର ହୋଇଛନ୍ତି । ତାଙ୍କ ନା ପ୍ରିୟଙ୍କା ଗୌଡ । ବାପା କୃଷ୍ଣ ଗୌଡ ଜଣେ ଦାଦନ ଶ୍ରମିକ । ଯିଏକି ସୁଦୂର ସୁରଟରେ ଶ୍ରମିକ ଭାବେ ଦାଦନ ଖଟନ୍ତି । ଆଉ ଆଜି ଝିଅର ସଫଳତା କୃଷ୍ଣ ଗୌଡଙ୍କୁ ଦେଇଛି ନୂଆ ପରିଚୟ ।
Kanak News is now on WhatsApp
Join and get latest news updates delivered to you via WhatsApp
ନିଜର ବ୍ୟକ୍ତିତ୍ୱ ବା କାମ ପାଇଁ ସେ ଯେତିକି ପରିଚୟ ପାଇଥିଲେ ତା ଅପେକ୍ଷା ନିଜ ଝିଅର ସଫଳତା ପାଇଁ କୃଷ୍ଣ ବେଶ ପରିଚିତ ହୋଇଛନ୍ତି । ଗଂଜାମ ଧରାକୋଟ ବ୍ଲକରେ ମୋଟ ୧୯ଟି ହାଇସ୍କୁଲରେ ୧୦୮୭ ଛାତ୍ର ଛାତ୍ରୀ ପରୀକ୍ଷା ଦେଇଥିବା ବେଳେ ୧୦୭୮ ଜଣ ଉତୀର୍ଣ୍ଣ ହୋଇଛନ୍ତି । ୯ ଜଣ ପିଲା ଫେଲ ହୋଇଛନ୍ତି । ବ୍ଲକର ପ୍ରିୟଙ୍କା ଗୌଡ ଜଣେ ମାତ୍ର ୫୪୦ ମାର୍କ ରଖି ଏ-୧ ରେ ପାସ୍ ହୋଇଛନ୍ତି । ସେ ଧରାକୋଟ ସ୍ଥିତ ସରକାରି ଶ୍ରରାଜ ନୋଡାଲ ବିଦ୍ୟାଳୟରେ ପଢୁଥିଲେ । ରାଜ୍ୟରେ ୯୬ ଦଶମିକ ୪ପ୍ରତିଶତ ପାସ୍ ହାର ରହିଥିବା ବେଳେ ପୁଅଙ୍କୁ ପଛରେ ପକାଇ ବାଜି ମାରିନେଇଛନ୍ତି ଝିଅ । ୩ ହଜାର ୨୨୨ ସ୍କୁଲରେ ପାସ୍ ହାର ଶତ ପ୍ରତିଶତ ରହିଛି ।